من متى و الغصـن يختـار الطيـور..!!

39

39))من متى والغصن يختار الطيور؟!!
،

،
بلعت ريق الشوق قدآم عينك..,
خــآيفه أبوح وأفتقد لذَة الصمت..
.

،
قرّبت مني لحظة الحظ السعيد و كسرت بيدي حاجز البعد العنيد..
في مجلس الرجال.. جالس يترجاه سااعه ورمى شماغه عند اقدامه/ياشيخ طلبببتك الذبايح تموت علشانك الليله لا ترفض انا فدا لحيتك قُل تم ترى نص رجال القريه جايينا الليله..
بو مشعل بابتسامه نزل يده واخذ شماغ عزيز وباسه وحطه على راسه/تم وانا بوك..
عزيز اتجه لراسه وباسه وضمه/الله لا يحرمنا منك يا شيخ
بو مشعل بهدوء/بس عندي شرط..تخليني اخطب لك و نزوجك أول ما نروح للديره..
عزيز خاف من هالنقطه وتغيرت نبرة صوته ولون وجهه ونزل راسه/هااه ،يصير خير يا عم يصير خير
بومشعل لاحظه/فيه شي.. حاط. بالك ناس تبي تناسبهم؟!،قول لي لا تستحي اذا ببالك احد.. لا تخليني اروح اخطب لك عند ناس ماتبيهم واتورط؟!
عزيز رفع راسه وناظر ابو مشعل وهو يقول بخاطره"اخاف اتكلم واقول ابي بنتك انت ويطردني..وش الدبره يا رب.. الرجال ناااوي يخطب لي.. لازم اتكلم.. "
بو مشعل بابتسامه/علامك انطرمت..
عزيز كان بيتكلم.. ودخل ابو علي وهو يرسم ابتسامته/السلام عليكم..
الكل/وعليكم السلام
ابو مشعل كان بيقوم وماقدر..
ابو علي مسكه وضمه وبكوا الشيبان..
عزيز اوول مره يشوف بو مشعل بهالشكل.. انسان ثاني بعد العمليه.. ابتسم لانه شاف ببريق عيونه الانسان الطيب..
عزيز وقف بعد عشر دقايق/يلا عن اذنك عمي بروح اجهز عزيمة الليله
بو مشعل بابتسامة رضا/الله يعينك ويرضا عليك يا ولدي
عزيز ابتسم عند كلمة ولدي.. وطلع..
بو علي بابتسامه/ماشاء الله هذا عزيز صار مثل مشعل نسخه قول وفعل،محد قام بي بعد وفاة جابر غير عزيز ومشعل كانوا سند لي بعد الله..
بو مشعل باعجاب/عزيز يعتبر مشعل اخوه الكبير وقدوته اكيد بيصير مثله.. الله يسعدهم كلهم..
ابو علي/امين... انت بشرني عن صحتك شلوونها
بو مشعل ضل يسولف مع بوعلي...
،
.
،
.
،
.
،

طلعت من غرفة ايمي اللي كانت نايمه فيها الليله الماضيه.. بكت كثير.. انجرحت وماتقدر تتكلم مع احد او تقابل احد.. تمنت لو ماعندها دوام..مو مستعده تعالج احد وقلبها ينزف مالقى من يداويه..!

بدلت ملابسها وخلصت وطلعت.. كانت مستعجله تبي تتحاشا أسئلة أمها ونظرات ابوها.. تبي تتهرب من البيت اللي فقد صوت اولادها من امس..
اي عوده لك يا مشعل.. هالعوده اللي زلزلت حياتها.. خربت استقرارها مع اولادها، هالعوده اللي حركة مشاعرها وألهبت اشواقها.. ودمرتها بنفس الوقت!!

وصلت عيادتها وابتدأت يومها ..وهي تحاول تسمو على ظروفها كعادتها.. تتناسى كل شي بمجرد ما تبدأ تعالج قلوب الناس... لكن قلبها من يداويه...؟!!
،
.
،
.
،
.
،

كانت جايه قبل موعد دوامها بساعه واتجهت لقسم التنويم.. اتجهت لجناح "فاتن"..ترددت كثير قبل تدخل ولكنها بالاخير دخلت..
فاتن كانت جالسه هنااك على الكنبه الجلديه السوداء ابتسمت بذبول و وقفت لها اول ما شافتها/دكتوره لمياء!!
لمياء اتجهت لها/السلام عليكم
فاتن/وعليكم السلام.. هلابك تفضلي.. يا شيخه انتظرتك كثيير..
لمياء وهي تجلس بهدوء حذر/وهذا انا جيتك... ايش موضوعك المهم؟
فاتن بدون مقدمات/عُمر وانتي عارفه ان مافيه غير موضوع عمر يجمعنا..
لمياء بجديّه حبت تنهي الموضوع/اذا حابه تعرفين رأيي فأنا...
فاتن قاطعتها/لححححظه تكفيين، لا تقولين رأيك لين تعرفين كل شي..
لمياء استغربت/ايش اعرف يعني، فاتن مهما كان..
فاتن قاطعتها مرّه ثانيه/ولدي عبود مو ابن عُمر
لمياء وبانت ملامح الدهشه/مافهمت!!
فاتن وهي تكره انها تنبش بالماضي ولكن سعادة عمر اللحين بيدها هي بعد الله/انا وعمر من تزوجنا ماصارت بيننا علاقه طبيعيه نفس الازواج واتمنى انك فهمتي قصدي
لمياء بحسن نيه/يعني قصدك انتم تبنيتوا عبود؟!!
فاتن ودمعتها تنزل/لا ..أنا كنت حامل من واحد قبل اتزوج عمر.. وعمر كتم هالشي بصدره وستر علي و مافضحني، اعطاني فرصه أربي ابني ..ماحب يعيشه بيتم..
لمياء بحالة صدمه/!!!
فاتن كملت وهي كارهه/عمر اعطاني فرصه للحياه للتوبه بفضله بعد الله أنا اللحين حافظه للقرآن كامل..هو مثّل قدام اهله وجماعته انه هالولد لقيط من قدام باب المسجد وهو في الحقيقه ولدي أنا..
لمياء هنا نزلت دموعها وهي تسمع عنه كل هالنبل.. مع انها تعرفه.. لكن تضحيته هذي لا تضاهى في هالزمن.!!
فاتن/لمياء انا حبيت افرّح عمر قبل اموت.. ابي ارد له جميل افعاله معي.. لا ترفضينه تكفيين.. ابي احضر زواجكم ابي اشوف ابتسامه صادقه بوجه عمر..
لمياء عورها قلبها/تحبينه؟ شلوون بتفرحين اذا تزوج وحده ثانيه!!
فاتن بابتسامه دامعه/لو سوى لك هالمعروف ماراح تقدرين الا انك تفرحين له.. لمياء انا بكون صريحه معك.. انا اعشق عمر لحد اللي مستعده اضحي بنفسي علشانه.. فلا تحرمينه من قربك.. انا اعرف عُمر يستحي.. وما يحب يلّح على أي شي.. لكن بعدما انا فاجئته بخطبتك له.. صار ملهوف يبي يعرف ردك حتى لو ما يقصد.. يبين بنظراته وتصرفاته..
لمياء صدت بضيق وقامت وعيونها حمراء من البكي/ليش تقولين لي هالكلام اللحييين حرام عليك..
فاتن استغربت/ليش؟ ايش صار؟
لمياء وهي تتذكر اللي صار البارح بعد المسج اللي ارسله لها "عُمر"..
رجعت بذاكرتها لليلة البارحه .وبكل ألم...
قرأت المسج.. ولا شعورياً اتصلت فيه وكانت تغلي انتظرته يرد عليها...
وبعد ثلاث رنات رد عليها/الوه
لمياء بجديه/ممكن تقولي من انت؟
عمر بالجوال/أنا عُمر يا لمياء..و رقمي مسجل عندك
لمياء بغضب/انا اقصد، من انت علشان تراسلني بكلام زي هالكلام.. اصلاً ايش بيني وبينك يا سيد عُمر علشان تعفيني وماتعفيني وتعبرلي عن مشاعرك بهالطريقه
عمر بدأ يتوتر.. عمره ما تعرض لأهانه/لمياء أنا..
لمياء بعصبيه/انت انسان... <<سكتت ماقدرت تشتمه
عمر كمل عنها/انا انسان عديم حظ من يوم يومي.. ادري كنتي بتقولين انسان "بدون كرامه"..لكن لسانك ماتعود على اهانة الناس.. وشتمهم...اعرفك ولا تسألين كيف..
لمياء ودموعها تنزل بدون توقف، تحاول تتجاوز مشاعر قلبها اللي يتمناه/المهم انساااني.. انا مستحيل اتزوج واحد متزوووج.. فاهم
عمر سكت ما رد لأن العبره خنقته/..
لمياء حست فيه متأثر.. وماحبت تحرجه اكثر وسكرت الخط..
،
فاتن بكت بعدما سمعت هالكلام/ذبحتيه يا لمياء..!!
لمياء بضيق/فاتن انا ماكنت ابغى ازعجه.. ماكنت ابي اقسى عليه ولكن اللي صار صار
فاتن/تسمحيلي اصلح هالغلط؟
لمياء وهي تقوم وتنهي الموضوع/لا فاتن انا مافيني اقابله بعد اللي صار انسي
فاتن مسكت يدها/لمياء.. الله يخليك انا "احتضر" ..اعتبري هذي امنيتي الاخيره وابيك تحققينها لي،انا مابي غيرك يربي ولدي..
لمياء رحمت فاتن وربتت على كتفها/كلامك انتي اللي ذابحني ..
فاتن نزلت دمعتها بابتسامه حانيه/اللي ربت بنت ماهي بنتها وتخفي عن الناس انها متكفله بيتيمه، هذي انسانه قربها ينشرى بالذهب ..صدقيني انتي وعمر انخلقتوا لبعض.
لمياء ابتسمت من طاري بنتها حبيبتها ولكنها استغربت/كيف عرفتي انها مو بنتي
فاتن/الوالده قالت لي..
لمياء( الله يسامحك يمّه)
.
،
.
،
.
،
.
،
.
،
بعيادتها ..*