THEIR MARRIAGE

CHAPTER 26: No Need

 

A/N:

I’m sick. Thanks to my tonsillitis.

 

 

CHAPTER 26: No Need

 

 

13 minutes

(--____--)

Ganyan na siya katagal na wala.

Nakahiga ako sa kama ko, naka-white short na shorts ako at over-sized shirt. Nakatitig lang ako sa ceiling.

Joshua.

Joshua.

Joshua.

Enough!

Tumayo ako at pumuntang kusina. Binuksan ko ang ref, ano ba gusto kong kainin? I’m not on the mood for my cakes, baka hindi na ko makatulog. Caffeine para sa katawan ko ang sugar so it’s a big no-no tonight.

Nahagip ng mata ko ang Kettle Corn so yun na lang kinuha ko, binuksan ko at linipat ang laman sa malaking bowl. Pagbalik ko sa kwarto, binuksan ko ang TV, I turned off the light at umupo sa kama habang nakasandal ang likod ko sa headboard ng kama. Kinuha ko ang pillow, linagay sa lap ko at ipinatong ang bowl of Kettle Corn ko. Now showing, Piranha.

Kumakain ako ng marinig ko ang sasakyan ni Joshua. Bigla akong napatakbo palabas ng kwarto pero bago pa mahuli ang lahat, napigilan ko ang sarili ko. Ano ba tong ginagawa ko?

Hindi pa ako natutulog dahil hinihintay ko siya. Ngayong nakauwi na siya, gusto ko siyang salubungin.

Yan ang mga ginagawa ng mga mabuting may-bahay.

 (--___--)

Hindi naman made out of love ang kasal namin.

Bumalik ako sa panonood. Pagkatapos ng ilang minuto, bumukas ang pinto at sumilip si Joshua. Nagulat siya ng makita niya akong gising, nginitian ko siya. I know he’s just checking me.

“Bakit gising ka pa?” Pumasok siya at umupo sa tabi ko, nakatalikod siya sa TV so nakaharap siya sa side ko.

“Nawala kasi antok ko. I presume, nakauwi na ng safe si Becca.”

“Oo. Thanks to me.” Siya. “Angela may pasok ka pa. Matulog ka na.”

“Eh hindi pa kasi ako inaantok.”

“Paano ka aantukin kung nanonood ka ng TV at kumakain ka pa?”