لا تَذْهبي (بالليبي)

الفصل الثالث

رقيقة وحلوة ولطيفة و طيبة !
وصل للجامعة ، وطول توجه للكافي ولقاها جالسة هي و المجموعة اللي تقري فيهم يفطروا مع بعض قبل الدرس ؛ حاط شنطته ع كتفه ، قعد واقف زي التمثال ، شافاته بشرى مشي نخصت جيلان وأشرتلها عليه

جيلان شافاته ، ولا إرادياً ابتسمت بكل ما فيها
وهوا رفع حواجبه وابتسملها ، قدم باتجاه طاولتهم ، وقف عليها وقال للكل : صباح الخير !

وهما ردوا باصوات متقطعة : صباح النور !
وبعدها بشوية طلعوا المجموعة متوجهين لمكان فاضي ، ف حديقة الجامعة باش يقعمزوا فيه .
كانو ماشيين لقدام وبشرى وجيلان ف اخر المجموعة ، وايهاب كان وراهم ، قرب منهم و همس : صباح الخير .

بشرى قلبت عيونها و انضمت لوحدة من البنات الماشيات  ف القروب ، وخلاته هوا وجيلان بروحهم .

جيلان بصوتها الناعم : صباح النور !
ايهاب رفع حواجبه يمازحها : هادي ديما مزاجها ع الصبح هكي ولا غير لما شافتني !؟ 😂
( ع بشرى)

جيلان رفعت حواجبها وابتسمت ، وهوا ضحك و فهم انها مش راضية ف صاحبتها ،
وقال : حتى اني هكي ره ديما مزاجي مش حلو الصبح ههه !

جيلان ضحكت لما عرفاته يحكي هكي بش يراضيها ، وقالت : به انشالله يكون مزاجك تمام للدرس اليوم !
ايهاب : مادام شفتك اكيد ح يكون تمام !
جيلان خجلت ؛ و هوا كمل : من يوم شفتك وهوا تمام !

جيلان ولا وجهها احمر وابتسمت بخجل ، و حاولت تمسك بخصلة من شعرها 😍؛ ف هاللحظة نادتها بشرى : جيلان هيا ! نستنوا !

سرعوا كل من ايهاب وجيلان ف خطواتهم ، وصلوا للقروب ، و جلسوا وبدت جيلان تشرح ف الدروس ، و تجاوب ف أسئلة الكل ، واحد وراء واحد ، وايهاب يشوفلها وقريب ياكلها بعيونه ، و نفسه يقول ما فيش بنت مرت عليه كانت زيها ، روحها مختلفة ع الكل ، وتعطي ف طاقة ايجابيه وين ما تمشي .
كمل الدرس ،  و تفرق للقروب ،  و جيلان شافت لايهاب : اوكي ، نتلاقو غدوة !

ايهاب متفاجأ : علاش !؟ نبي نحكي معاك توا لو ماعندك شي !
جيلان : ماعندي شي ! فيه حاجة ما فهمتهاش!
ايهاب عقد حواجبه وهز راسه ، و كذب : ايه ما فهمت شي !
جيلان تفاجأت : حقة !!؟؟؟
و هوا ضحك : هههه لالا شوية حاجات بس!
جيلان : امم ! اوك عادي نشرحلك توا !

جلسوا ع احدى الكراسي المتفرقة ف جنبهم ، وبدت تشرحله ف النقاط اللي مش فاهمها ، وهوا كل تركيزه ع طريقة كلامها و حركاتها ! و يتأمل في تفاصيلها ، وملامحها .

جيلان حست باهتمامه بيها وكانت خايفة وفرحانة ف نفس الوقت ؛ كملت شرح وحطت ايديها ع الاوراق وقالت : لو ما فهمتش توا مستحيل ح تفهم .

ايهاب ساند راسه ع ايده وسرحان فيها : اي فهمت !
هي حست بتوتر من نظراته و ضحكت :....

هي حست بتوتر من نظراته و ضحكت : اي كويس ولا كان هذا حوّل للميكانيكا ! 😅