لا تَذْهبي (بالليبي)

الفصل الأخير

جيلان كملت : اني فرحانة ،
انت خليت يوم زواجي و يوم
عيد ميلادي احلى يومين يمروا
عليا !
ايهاب بهدوء : واني سعيد لانك
جنبي !
ايهاب في نفسه :"ما تمشيش و
تخليني يا جيلان ،
ما تمشيش !" 💔

و في الليل خلاص رجعو
للمستشفى ...
و رجعت جيلان لروتينها كمريضة .
الايام اللي تبعت هاليوم ،
كانت صعبة عليها ... حيث ان الكيماوي يستهدف
في كل خلية من خلايا
جسمها مش بس الخلايا
السرطانية.
بوها كان عندها في غرفتها مع
ايهاب ، و لاحظ قداش جيلان
تاعبة في الفترة الأخيرة ...
حكي معاها شوية و بعدين طلع
و مشي للدكتور معاذ .
كان الدكتور معاذ يحكي مع اسراء
و كان واضح في الفترة الاخيرة
الانسجام ما بينهم ، و اللي تحول
لإعجاب من كلا الطرفين .
😍😍😍
جاهم السيد طلال و كان
واضح عليه القلق .
طلال : كيف حالكم ؟
معاذ : الحمد لله !
طلال : جيلان تاعبة هلبة
من الكيماوي ، و اني خايف
عليها !
معاذ تنهد : طبيعي تتعب !
طلال : لكن الفترة هادي هلبة !
اسراء : انت تعرف ان تأخرها
في العلاج هو اكبر غلطة !
علت على طلال نظرة حزن 💔
معاذ بأسف : هي هذا علاش
تاعبة ، لان السرطان منتشر
و متمكن منها !
طلال بحزن : منتشر؟؟
اسراء دموعها نزلو على خدها ،
و معاذ قال : اسراء كانت رافضة
ان نقولولكم انت و ايهاب ، ان
جيلان ح تزيد تتعب لان السرطان
انتشر !
طلال عصب : علاش ما تبوش تقولو ؟
إسراء مشت من جنبهم ،
لأنها مش قادة تبكي قدامهم 💔
معاذ : اسراء بس حست بالحزن
على خوها ما تلومهاش ربي
يعلم بحالها حتى هي !
طلال هز رأسه بدون رد ... و بعدين قال : و توا شنو ؟
معاذ : توا ندعوا رب العالمين!
طلال : يعني مافيش أمل !؟
معاذ حط أيده على كتف طلال
معاذ : الأمل في الله !
السيد طلال حط ايده على وجهه
معاذ : آسف ! لكن ياريتها
سمعت كلامي لما كنا في
بريطانيا! ياريتها قعدت للعلاج !

طلال من الخبر السيء اللي
سمعه ، مش متحمل أي كلام
مواساة أو تخفيف .
كان يبي يمشي لمكان يقعد فيه
بروحه و يدعي فيه لبنته .

و هوا طالع شاف إيهاب
تحت في الحديقة متع المستشفى .
طلال جاه : شن تدير هنايا !
علاش خليت جيلان بروحها ؟
إيهاب استغرب من طريقة
كلامه و جاوب بهدوء : جيلان
راقدة توا هذا علاش نزلت
شوية للحديقة .
طلال قعد يشوفله لثواني ،
لين إيهاب توتر بلا سبب .
طلال قرب منه و قاله شي من قلبه

طلال بحرقة : رد بالك تخليها !! ما تخليهاش بروحها !
ايهاب عقد حواجبه : مش بروحها !
هي راقدة....!
طلال قاطعه : اني ما كنتش جنب
امها لما ماتت ! و قاعد نادم عليها
لتوا !! ايهاب : علاش وين كنت ؟
طلال : كنت مع جيلان !
بس كنت نتمنى نكون جنبها
لما مشت من هالدنيا !
إيهاب بتجاهل : الله يرحمها !
تجاهل إيهاب ما هو إلا خوف
من خسران جيلان .

طلال : خليك جنبها في كل لحظة!
بعد هالكلام إيهاب خاف
و بسرعة رجع لجيلان ، و لقاها
مش في الغرفة ؟؟
إيهاب مشي يجري لاسراء ،
و يفكر في كلام طلال اللي
سمعه .
وصل لاسراء و لقاها مع هناء
اللي بدت تتماثل للشفاء .
إيهاب : جيلان وين ؟
إسراء طلعت من جنب هناء .
حكينا في العناية المركزة ،
لأن حالتها بدت تسوء !
إيهاب انصدم و خاف عليها :
علاش ؟؟؟
إسراء بحزن : جيلان تعبانة
يا إيهاب ! هلبة ره !
و رفعاته لحجرة الاشعة ،
وطلعتله الصور الاشعاعية
متع جيلان .  فهمته كيف أن السرطان انتشر
في كل جسمها .
إيهاب حاس بغصة و خيبة أمل .
يعني شنو ؟؟
جيلان بمشيئة و بتخليني؟ ؟
بعد ما مرت قريب نص ساعة
و هوا شاد الصور و مصدوم .
جلس على كرسي و قعد
يبكي مش مصدق 💔