• الحمدالله و الله اكبر •
.
.يبحث عن اخر توقيع للمدير : اكيد راح يوقع على اي معامله لهذا اليوم مستحيل ماافي !!
واقف قريب الباب و يتطمن على الوضع : ذياب قسم بالله اصكك بهذا القلم .. اطلع خلااص يا بوي مافي صار لنا نصف ساعه ولا في وكر ابليس.
ذياب شد على الورقه : اوووف خلاص انحلت و كلهم حصلتهم يالله بسرعه نطلع.
مشى ذياب بخطوات سريعة لباب المكتب ،، حمد يراقب و غط على الاوراق و طلع بكل هدوء.
حمد يمشي بخطوات بطيئه : ورب الكعبة هذا العامل شكله مراقب لنا.
ذياب رافع حاجبه و يناظر العامل : اشش خلك ريلاكس و نشوف.
مشو من جنبه و طيح ذياب مفتاح سيارته قصد و مشو ..
بعد ما طلعو من قسم الادارة
: امسك الاوراق هذي و روح للمكتب و تصرف عادي ما ندري اذا حطو غيرهم او لا طيبب.
مشى عنه راجع لمكتب صالح .. حمد يمشي و يتحلطم : الله ياخذ عدوك يبغي يموت اليوم... و راح لمكتبهم.
صادف احد اقرب مساعدين صالح و له منصب اعلى من ذياب .. بأستغراب سأله عن تواجده بهذا القسم من الشركة : ذياب!! .. غريبه في شي ؟
ذياب : ابد سلامتك بس ادور على عامل هنا كان من شوي ..
طلال ما ستوعب : عامل؟؟
شافه ذياب يمشي بسرعه طالع من مكتب المدير و توهق بطلال و ذياب ..
ذياب بفرحه ينادي بصوت عالي : يالطيب تعال.
التفت طلال للعامل و بان على وجهه ملامح الاستغراب اكثر : دقيقة دقيقة ... مشى اتجاهه و العامل متوتر خايف خلاص بينكشف ..
طلال مسكة من ياقة قميصه و بصوت عالي : انت شو تسوي هنا؟؟؟؟ بأي حق تدخل مكتب مديير الشركة ؟؟؟؟
العامل توهق خلاص : اااا استاذ طيب اسمعني تكفى انتظر لا تعصب .. ناظر ذياب متوعد .. و الله هو الي كان في المكتب معاه زميله انا شفتهم هنا قبل دقايق ..
طلال بقوة شخصيته و جسمه القوي لصق العامل في الجدار و صار يهدده و يتوعد و بأيده الثانيه رفع الهاتف و تصل على أمن الشركة...
ذياب كان جنب طلال و مبتسم متكتف ورافع حاجبه بكل فرح : الشركة تحتاج تنظيف الا وشلون يدخل عامل نظافة لمكتب المدير..ضحك بأستهزاء.. و الله المشكله.
طلال ضرب العامل بقوة على بطنه و سحب بطاقة التعريفية للعامل : ذيااب شوفه لين يوصلو الامن انا اوريه حاسبها لعبة دخولة لمكان محظور!!
ذياب بجدية : ابشر انا هنا ماراح يتحرك من مكانه.
مشى طلال بعصبية و ينادي على الامن و الكل بالشركة وصلهم الحدث ..
سحب يدينه من جيوبه و مشى وهو يضحك لهذا العامل : هههه ياروح امك يوجعك بطنك!!
العامل ماسك بطنه و ظهره على الجدار ونازل لمستوى الارض .. : ااه يمووت الي يشتغل معاكم.
ذياب بضحك : هههههههههههههه قتلتني و الله على شوي اصدق انك ضدي !
جابر يعدل نفسه و ماسك ع بطنه : ترا الضربة هذي تدفعون لي مبلغ كبير.
ضربة ذياب ع راسه : احسب لهذي بعد ههههههههههه بس بس .. عطني الختم بسرعة.
طلع جابر الختم و اعطاه ذياب .
ذياب شوي و تذكر : مفتاح السياره..
بعد ما اخذهم .. اعطهم خبر ان للحين ما مسكنا شي ان شاء الله اليوم نجيكم في القصر.وقف جابر متألم : حاضر .
رجع صالح للشركة بعد ما وصل له خبر و صوته صار قريب من المكتب ثاير من العصبيه ..
ذياب : ما اوصيك الامانه ما تنقال ..
جابر ابتسم : قدها ابشر ..
ذياب : الله يعينك بس ياخذونك للمخازن هناك راح يكون احد بنتظارك يخطفك منهم.
جابر : تمام .
دخل صالح و يتبعه طلال : انا مشغل حمييير بالشركة وش فايدة نطاق كيميرات المراقبة هذي!!!
طلال ماسك يده بقوه : استاذ اليوم الصيانة الشهريه للكيمرات لكن انا مسكته اول ما طلع من المكتب و
صالح : و شوو؟؟
طلال ابتعد شوي : و و وذياب موجود عنده.
صالح بعصبيه توعد فيهم و مشى بسرعة الين لمح ذياب ماسك جابر بقوة و تفاجئ معقولة يعني ما يكون لذياب ايد فيها؟؟
ركضو الامن و سحبو جابر لسيارة خارج الشركة.
وقف صالح امام ذياب : الحمدالله ع السلامه .
ذياب يتنهد : الله يسلمكم ،،
صالح يكلم زياد و طلال : اليوم تنهون لي موضوع هذا ولا اريد فضايح بسبب عامل نظافة!!
زياد : تم طال عمرك.
صالح بعصبية : تجيب الي وظف هذي الاشكال ما تحمد ربها موفرين لهم شغل و هذا الجميل ! .. طلال روح تأكد من المبالغ الموجوده في المكتب و الاغراض.
ابتعدو عنه و ضحك يكلم نفسه : مساكين و الله ..
أنت تقرأ
أنتقام بِدوي
Mystery / Thrillerمكتملة💛💛انتقام سكن جوف قلبي .. يكشف حقيقة انتثرت منذ زمن ثم أنتقام لأشخاصاً قتلو بلا ذنب .. الانتقام هي غايتي هي علاج .. تمت في يوم 6-6-2020💛