سبحان الله العظيم
.
.
...
ابتسم : ما أعتقد الي قاله جدي بيصير!
جابر مافهم له : شو تقصد؟!
ذياب لف على جماعة صالح و نزل يده لورى ظهره : شوف .. كل هذول حرس لبنته!.. يعني ؟ مستحيل يكون مقعدي جنب مقعدها بالطياره! فهمت؟
حمد الي رجع بعد ما ختم جوازه و مشى معاهم ..
جابر : عمي ما يقول شي الا ويصير بأذن الله لهذا تأكد بتصير جنبها حتى لو لدقايق فقط.
حمد : صحيح الي قاله ريح بالك انا متأكد.
ذياب:على اساس ودي ههههه
وفي الطياره ..
الكل جلس بمكانه و ينتظرون اقلاع الطياره.
حمد و جابر كانو بوسط الطياره في المقاعد الوسطيه ..
حمد : وليه يعني مش جنب النافذه؟؟
: ما ادري لف عليه .. لا تصير رومنسي و تقول بشوف الغيوم و غيره تخربط علي ...
حمد : ايييه هذا الي ابيه في شي يعني؟
جابر رجع راسه لورى : ابد سلامتك بس ... ما كأن من شوي طلبت لك لحاف و مخده و نحن تونى نقول بسم الله ههههههههههه.
حمد : ايواا يعمي تعبان بنام ماني فاضي.
بتملل لف على يمينه يشوف بنت عمرها قريب ١٥ وبتسم لها.
هديل بتملل من اجواء الحراسه و كثرت نظرات الناس لها توترها بزياده مسكت يد ابوها : بابا خلاص بلا هذول الحرس ماراح يصير شي مثل كل مره يعني وش تفرق!؟
ابتسم صالح لها : تفرق كثيرر .. اشر على حمد و ذياب و جابر .. في اشخاص جدد بعرفك عليهم.
هديل و كأن هذا الي ينقصها لوت شفايفها بملل : يبا شو بستفيد من معرفتهم اذا انا مابشوفهم الا مره وحده وهي هنا بالمطار و بس.
و كملو حديث وهم يجلسون في مقاعدهم : حتى لو لازم تعرفينهم.
: الي يريحك.
ابتسم لها و بدأ يجتمعون عندها الاشخاص المقربين ليتأكدو من نجاح خطتهم.
دخلو ثلاثه و هم اجانب
هديل بصدمه : باباا !!صالح انتبه عليها : ي عيونه
بانت ملامح الحزن : مو قلت هذي السفره ماراح يشغلك شيء عني ..
صالح معتاد: هذا شغل يقلبي مااقدر اوقفه لكن شوي بس امور نوثقها و بعدها بفضى لك.
رجعت ظهرها للمقعد و لفت على يمينها استغربت من الي جالس و شكله عربي و هذي اول مره يسمح صالح لدخول شخص عربي بالعاده يحجز كل مقاعد الدرجة الاولى.
مرت المضيفة من بينهم و تكلم ذياب
: لو سمحت اربط الحزام راح تقلع الطايره بعد دقايق.رفع نظره للمضيفة بعدها ربط الحزام و لمح ملامحها من ورى المضيفه تناظره ابتسم و لف وجهه.
لفت المضيفة لهديل و قالت لها مثل الشي
تحركة الطائره بعد ما توجه صالح و ثلاث الاجانب إلى غرفة خاصة ليفتحو موضوع المصيري لهم.
تأففت و صارت تتحرك بملل تعدل حجابه مره مو متعوده عليه ولكن فقط في المطار اجباري
صار المكان هدوئ الا من حركات هديل تفتح الحزام و ترجع تسكره تصدر اصوات بأي شي
ذياب فتح الشاشة و اختار فلم و كل شوي يعطيها نظرات غريبه أنزعج من كثرت حركتها.
بعد صبر طويل التفت لها : لوو سمحتي ممكن تهدين ؟
هديل لفت عليه بشوي شوي و نظراتها منصدمه : نعـــم !
لف عليها بكل جسمه بأتجاهها : أثبتي مكانك اشغلتيني تتحركين كنك طفل.
هديل اول مره حد يتكلم معاها بهذا الاسلوب: عفواً؟ شدخلك انت منو عشان تتكلم معاي ؟
عصب عليها : انا ذياب
هديل و بصوت عالي : و اناا هديل بنت صالح امسح فيك الارض اذا قلت لي طفل مره ثانيه.
ذياب رفع حاجبه و ضحك : و الله!
هديل بكل ثقه : ايه والله.
ذياب وقف من مقعده و وقف شوي بان عليها الخوف.
ضحك و راح لمكان جابر و حمد
بعد ماطلع و بقت لحالها ضربة يدها بقوه على طرف المقعد و تمتمت : مستفز..
جابر كان يقرأ من جواله اشياء و حمد طبعاً نايم ، تقدم لهم و حرك كتف جابر المندمج في القرائه
عقد حواجبه و لفه ثم ابتسم : اووه اوهه انا قلت ما طلعت للطياره!
ذياب : لا طلعت ما تشوفني قدامك هههههه
ناظر حمد الي غرقان في النوم : ماشاء الله ما يطوف النوم ابداً
جابر ناظره ثم لف على ذياب : الا وش يقول يبغي يجلس جنب النافذه مدري شو بيشوف فيها وهو نايم .
ذياب مسك كتف جابر : حمد و علومه من ايام زمان ما تغير عليه حال.
جابر : اي و الله ، الا وش اخبارك محجوز لك ارقى مكان في الطيارة يا حركاتك.
ذياب تذكر هديل : اييه مافيها احد ترى.
: كيف يعني مافي احد ؟ و صالح و بنته و الحرس ما صعدو؟
ذياب يمسح وجه : شوي شوي يبه .. موجودين لكن هو و ثلاث الي قالنا عنهم عبدالله الاجانب معاه في غرفة خاصة.
جابر تعجب : طيب و الحرس و بنته.
ذياب : ايوا موجودين ترى بس مابين الاقسام متوزعين مدري وش نظامهم !
جابر ضحك : و البنت باقي
ذياب رفع حاجبه : كان ريحتني من اول.
جابر: هههههههههه
ذياب: موجووده و نحيس و عليها لسان و غير حركتها الزايده.
جابر ضحك: ياا شيخ كل هذا انتقاد ماصار لكم وقت كثير.
: شدخل الوقت من حركاتها باين عليها.
مرت المضيفة و طلبت من ذياب يرجع مكانه. .
أنت تقرأ
أنتقام بِدوي
Mystery / Thrillerمكتملة💛💛انتقام سكن جوف قلبي .. يكشف حقيقة انتثرت منذ زمن ثم أنتقام لأشخاصاً قتلو بلا ذنب .. الانتقام هي غايتي هي علاج .. تمت في يوم 6-6-2020💛