Fatal Attraction 2: Get Wild

Chapter 10

I dedicate this chapter to iamMitch_yours! Thank you for reading! Hope you'll like it this chap.

Merry Christmas everyone! Muawh!

---

"Ehem!" Natigil si Geallan sa pag-aayos ng kama nang marinig ang isang tikhim. Nginitian ni Geallan si Dock na nakatayo sa pinto ng silid na ukupado niya. Nakahalukipkip ito habang nakatingin sa kanya.

"Ano ang ginagawa mo?" Tanong nito saka humakbang papasok.

"Matutulog na." Umupo si Dock sa paanan ng kama kung saan niya iniipit ang dulo ng kubre kama.

"But you are already my girlfriend. We already slept together, so why not sleep in the same bed now?"

"Dock, kasi..." Kinuha ni Dock ang kamay ni Geallan, marahan siyang hinila at ipinaikot nito ang mga braso bago ito humiga kasama si Geallan. Magkapatong sila sa kama.

"Maganda ka kapag natutulog. You look like an angel. Hindi ka rin naman naglalaway, pero humihilik nga lang," anang Dock habang malapad na nakangiti. Bahagya siyang sumimangot.

"Lahat naman humihilik, eh."

"Do I?" Gumalaw ang eyeballs ni Geallan at nag-isip. Hindi nga niya ito narinig na humilik.

"Kaya nga dapat hindi tayo magkatabi kasi maingay ako matulog."

"Your snoring sounds like music in my ears. I love it!" May munting ngiti sa labi ni Dock habang matamang nakatatig sa mga mata ni Geallan habang hinahawi ang buhok, at parang may tinutunaw ang paraan ng pagtitig nito sa kanyang kaibuturan. Mabilis na umalis si Geallan mula sa pagkakadagan kay Dock at umupo sa gilid ng kama.

"Sige na, Dock, 'wag na tayong magtabi. Medyo naiilang kasi ako." Ayaw niyang makatabi si Dock sa pagtulog. Itinamim niya sa isip niya ang sinabi ng kapatid nitong si Viel.

Ayaw niyang masanay sa mga haplos at masuyong paghalik nito sa kanya habang natutulog siya. Sa tuwing nagigising siya'y yayakapin siya ni Dock, hahaplusin ang braso niya at bayanad na hahalik-halikan ang kanyang mukha. Napakasarap at kahit sinong babae ay gugustuhin ang ganoon. Paano kung masanay siya sa ganoon? Darating ang araw ay iiwanan din siya ni Dock at ayaw niyang mahulog ang loob niya sa binata. Ayaw niyang masaktan na naman kaya hanggat maaari ay kailangan niyang rendahan ang puso niya.

"Okay. Halika muna rito." Nilingon niya si Dock. Maayos na itong nakahiga sa kama.

"Dock?"

"Hindi pa kasi ako inaantok. Magkwentuhan muna tayo. Lilipat na lang ako mamaya." Walang nagawa si Geallan kundi ang pagbigyan ang binata. Humiga siya sa tabi nito. Ipinaunan siya sa matigas nitong braso at kapagkuwa'y mahigpit na niyakap. Masuyong hinalikan sa noo.

Ito na nga ba ang ayaw niya, eh. Nagugustuhan niya ang mga gesture ni Dock.

"Ilan ang naging boyfriend mo, Geallan?" Iniyakap ni Geallan ang isang braso kay Dock.

"Isa lang, pangalawa ka."

"Matagal kayo?" tanong ni Dock habang masuyong hinahapkos ang kanyang buhok.

"Tatlong taon."

"Matagal. Ano ang nangyari?" Hinigpitan niya ang yakap kay Dock at sinubsob ang mukha didbib nito. Ayaw niyang pag-usapan.

"Ayaw mong pag-usapan?" Mukhang nakuha naman nito ang gusto niyang ipahiwatig. Itinango niya ang ulo.

"Ikaw, ilan ang naging girlfriend mo? Buwan-buwan ba iba-iba?"

"I don't count. So, hindi ko alam." Inilayo niya ang kanyang mukha sa dibdib ni Dock para tingnan ang mukha nito.

"Marami. Hindi mo na mabilang, eh. Bakit ayaw mong pumirmi sa isang babae?"