Fatal Attraction 2: Get Wild

Chapter 20

A/N: Kapag po nag warning ako sa isang chapter ibig sabihin may unusual scene na maaaring hindi niyo magustuhan. Something dirty, wild and gross. Kaya kung hindi po kayo into sa ganun please, avoid niyo na lang pong basahin. SKIP na lang po.

Erotic-Romance po 'to. Iba ang sexy romance sa erotic. Need ko lang din talagang abutin ang standard na hinihingi ng publishing para pumasa ang story. Lust ang kailangan mangibabaw sa simula ng story and not love. Yan ang pagkakaiba sa sexy romance.

Rockers po ang mga characters ng Fatal Attraction kaya asahan niyo na rakrakan ang mababasa. Cheret! 😊

Hindi ko na isinama ang shaving session ng dalawa. If ever na mapub- sa book niya na po basahin. 😊 Baka may mag yuck na naman. Haha!

---

UMIKOT si Geallan sa harapan ng salamin habang pinagmamasdan ang sariling kabuan sa salamin. Si Dock ang susundo sa kanya ngayon at maghahatid sa kanya sa Grandeur Hotel. Pero kakain daw muna sila sa labas. Nagtext ito sa kanya na papunta na ito kaya nagmadali siyang magbihis.

Malapad na ngumiti si Geallan nang marinig ang pagtunog ng door bell. Minsan ay ganito itong si Dock. Sa halip na pumasok na ay magdo-doorbell pa. Gusto lang daw nitong e-experience ang pagbuksan niya ito ng pinto at sasalubingin ng yakap at halik pagpasok nito ng pinto. Parang sira lang! Lalo na kapag may dala itong bulaklak para sa kanya. Mabubuksan niya ito minsan na nakaharang ang bouquet ng bulalak sa mukha at sasabihing "flower delivery for the most gorgeous lady in the universe."

Patakbong lumabas si Geallan ng silid at excited na tinungo ang pinto. May malapad na ngiti sa labing binuksan niya ang pinto. Pero ang excitement ay agad na nahalinhinan ng kaba nang hindi si Dock ang mapagbuksan niya.

"'N-nay?" Matalim ang mata at nakatiim na mukha ng ina ang nabungaran niya.

"Mukhang masaya ka sa kung nasaan ka ngayon at nakalimutan mong may pamilya kang iniwan sa isla," sumbat nito sa mababang tono.

"'Nay, pasensiya na po. Hindi ko naman po kayo nakakalimutan. Nandito ako para magtrabaho. Kaunting panahon na lang po makakasakay na ako ng barko."

"Sa tingin mo ba talaga, Geallan, makakapagtrabo ka gayong wala ka namang pinag-aralan. Inuuto ka lang ng lalaking kinakasama mo ngayon."

"'Nay, hindi po gan'on si Dock. Mas mabuti po pumasok ka na muna." Nilakihan niya ang bukas para makapasok ang ina.

"Hindi. Uuwi na tayo ngayon din. Sumama ka na sa 'kin." Hinawakan nito ang palapulsuhan ni Geallan at hinila siya palabas.

"'Nay, sandali. Hindi po ako sasama. Saka hahanapin ako ni Dock. Hintayin po natin siya."

"At mas inaalala mo ang lalaking 'yan kaysa sa sarili mong ina!" Tuluyang umalsa ang boses nito.

"Hindi naman po sa ganoon. Pero kasi--"

"Magtigil ka, Geallan! Sa ayaw at sa gusto mo sasama ka sa 'kin!" Hinila siya nito palabas.

"'Nay, pakiusap naman po." Hindi nito pinansin ang kanyang pakiusap. Napakatigas talaga ng kanyang ina. Hindi man lang siya pakinggan.

"Ayoko pong sumama!" Marahas niyang hinila ang kamay na hawak nito. Nanggalit ang mga ngipin nito. Tila ba mamabasag ang mga iyon sa pagkakatagis.

"Ano ang sabi mo?" Mahina pero naghatid iyon ng kibalot kay Geallan. Ganitong-ganito ang nanay niya kapag nagagalit sa kanya at alam na niya ang susunod na gagawin nito. Humakbang Geallan paatras nang humakbang si Alma palapit.

"'Nay, paki--" hindi siya pinatapos sa sinasabi ng isang malakas na sampal ang pinadapo nito sa kanyang pisngi.

"Napadpad ka lang dito sinusuway mo na ako!?" Muli siya nitong sinampal sa kabilang pisngi. Sinapo niya ang nasaktang pisngi. Tuluyang nanlabo ang paningin ni Geallan nang mamuo ang luha at kapagkuwa'y sunod-sunod iyong pumatak.