[Completed] Cold Eyes Saga 1: Behind The Eyes Of A Monster [FILIPINO]

Chapter 12

Jemimah Remington

MAGKAKASABAY na inilabas nina Jemimah, Ethan at Douglas ang mga baril nila nang makababa sa tapat ng isang lumang warehouse sa Port of Manila nang araw na iyon. Sina Mitchel at Paul ay pinaghintay na lamang muna nila sa loob ng sasakyan. Hindi gaanong nadadaanan ng mga tao o ng mga sasakyan ang kinaroroonan ng warehouse – a perfect place to kill someone.
Naunang maglakad si Ethan palapit sa metal na pinto ng warehouse bago sumenyas sa kanila na pumosisyon. Malakas na sinipa pabukas ng lalaki ang pinto ng warehouse at pumasok sa loob, nakatutok lamang sa unahan ang baril.
Maingat na sumunod sina Jemimah papasok. Naghiwa-hiwalay sila para halughugin ang buong lugar. Her eyes scanning from right to left, following the barrel of the gun she was holding. Napabuga siya ng hininga. “Clear.”
“Clear!” sunod na sigaw ni Douglas.
Tiningnan niya ang kinaroroonan ni Ethan. Nasa tapat ito ng isang malaking cargo container na nasa pinakadulong bahagi ng warehouse. Mabilis na lumapit si Jemimah sa kinaroroonan ng binata. Hinintay niya itong mabuksan ang pinto ng cargo container habang nakatutok ang kanyang baril sa unahan.
Pagkabukas sa container ay nakitang walang laman iyon maliban sa isang upuan na nasa gitnang parte, may mga tali ring nagkalat at mga bakas ng dugo sa sahig, maging sa dingding ng cargo container.
“Douglas,” tawag ni Jemimah. “Kunin mo sa sasakyan ng forensic kit.”
Agad namang sumunod ang lalaki at sila naman ni Ethan ay sabay na pumasok sa loob ng container. Hindi makapaniwalang napatingin si Jemimah sa mga dugong nagkalat doon. Ito na marahil ang tunay na crime scene. Kailangan lang nilang kumuha ng mga sample ng dugong naroroon para makasigurado.
Habang hinahalughog ni Ethan ang ilan sa mga kahon ay iginala naman ni Jemimah ang paningin sa paligid ng container. Bigla siyang natigilan nang mapansin ang isang sako na nasa sulok. Lumapit siya at binuksan ang sako. Napapikit siya nang makita ang isang bloody saw, kasama ang mga putol na ari ng mga lalaki.
Napatakip si Jemimah ng ilong dahil sa masamang amoy. “Ethan,” tawag niya sa binata.
Lumapit sa kanya si Ethan, tiningnan ang loob ng sako. “Ito na nga ang crime scene. Let’s keep on searching for clues. Ipapadala ko na rin ito kay Douglas mamaya sa laboratory.”
Tumango lang naman si Jemimah. Nang mga sandaling iyon ay saktong pumasok sa loob ng cargo container si Douglas, kasama na sina Mitchel at Paul. Nagtulong-tulong sila sa pagkuha ng samples ng mga dugong naroroon at paghahanap na rin ng fingerprints kahit na imposibleng mag-iwan ng ganoon ang killer nila.
“Douglas,” tawag ni Ethan sa lalaki. “Kumusta nga pala ang pinaasikaso ko sa'yo kahapon? Napuntahan mo ba ang hotel?”
“Opo,” sagot ni Douglas. “Wala raw pong napansing kakaiba ang mga personnel ng hotel na iyon. At iyong tungkol naman sa kawalan ng CCTV nila sa parking lot, nasira daw po iyon tatlong araw na ang nakararaan. Hindi raw po nila alam kung paano nangyari..”
Umiling si Jemimah. Siguradong ang killer nila ang gumawa ng pagkasira ng CCTV cameras doon. Pinagplanuhan talaga nito ang lahat.
Mahigit isang linggo na rin mula nang masimulan nila ang pag-iimbestiga sa kasong ito subalit parang higit na humihirap ang nagiging bawat hakbang nila. Pakiramdam ni Jemimah ay pinapasunod lamang sila ng serial killer na ito.
Napabuntong-hininga siya. Dalawang linggo na lamang ay sasapit na ang Pasko. This would be the busiest Christmas season of her life. Hangga’t hindi pa nila nahuhuli ang kriminal na ito ay hindi sila maaaring mag-celebrate ng holiday. Wala namang halaga iyon. Ang mahalaga ay mapigilan nila ang serial killer na ito bago pa muling masundan ang listahan ng kanilang mga biktima.

A/N: I will be updating this story every Tuesday, Thursday and Saturday.
Can't wait?
Cold Eyes Saga Books 1-5 are available in all Precious Pages Bookstores & National Book Stores.
Cold Eyes Saga 1: Behind The Eyes Of A Monster (512 pages, Php 179.00)
Cold Eyes Saga 2: One Heart, Two Hearts (512 pages, Php 179.00)
Cold Eyes Saga 3: There Will Be More Blood (512 pages, Php 179.00)
Cold Eyes Saga 4: The Hunter And The Hunted (512 pages, Php 179.00)
Cold Eyes Saga 5: Bury The Hatchet (640 pages, Php 219.00)