الخذلان

البارت الخامس

البارت الخامس
#الخذلان…..
#بقلمي_شمس

من حفلة التعارف .. كثرت صديقاتي وتعارفي بالبنات وحتى الشباب كانو يگولولي شاعرتنا ..

اول مره احس الناس تحبني وتهتم بيه .. اول مره احس بكياني وتواجدي بين الناس ..

رجعت بيومها تعبانه .. وكانت اكو ريحة مطيبه بالبيت لعبت نفسي .

سألت ماما گالت والله ماادري .. يس يگولن الحماله مال گدر احترگت .
سكتت محجيت .. رحت صبيت غدا وتغديت وغسلت مواعيني ومواعينهن الي مخلياتها بالسنگ الي ..

نضفت المطبخ ورحت انام .
دا انام اجت رساله ع الماسنجر ..
مرحبا ..

تباوعت بعين وحده لان ميته من التعب ..
هذا اسمر 😲 طفرت من مكاني صحصحت😂

ترددت ارد ..
دز مسج لاخ

اذا مشغوله ع راحتج اكيد جاية من الدوام وتعبانه ..

رديت ..
هلاو

مساء الخير شلونج

مساء النور تمام

دوووم ان شاء الله

تسلم ..

شلون نگضيها سلام

ههههه لعد شنو احجي

شلونه الدوام وياج

جيد

انتي شنو قسمج

بايلوجي اعتقد كاتبه بمعلوماتي بالفيس 😊

امممم مامنتبه اعتذر

ماكو داعي للاعتذار

يامرحله .

اولى .

اها الموفقيه ان شاء الله ..

اني هم خريج كليه تربيه بس تخرجنا وگعدنا
تالي فتحت مشروع اني واخويه
معرض سجاد ومفروشات بالشورجة.. والحمد لله ماشيه

اني سمعت شورجة انخطف لوني ..
شورطني ياربي .. محلات اخواني هناك واخاف يطلع يعرفهم واتورط ..
سكتت… .

اوجاع امراة وين رحتي اشو ماكو رد ..

ها . اسفه ربي يزيدكم ان شاء الله

تسلمين ..

اسفه اهلي ديصيحولي ..

اها ع راحتج .. بس ممكن اتواصل وياج بالليل

مااعرف اذا صارت فرصه باااي

بااااي ..

هفففف شورطت روحي .. اجيب المشاكل النفسي
خلي انام شويه واگعد اسوي العشا

گعدت المغرب لگيت عياط ومشاكل بين نهله وهاله مرت محمد ..شمس
من يوم الي عرفت هاله بسالفه اخت نهله ..

وهنه بينهن توتر ومشاكل
وبالتالي اخواني هم يتعاركون بسبب نسوانهم ..

وخطيه امي تصير  بينهم وحتى مرات تحصل ضربه منهم
كم مرة اكولها يوم لتتدخلين اتركيهم
بس هي گلب والده ماتگدر تشوفهم يتكاتلون وتسكت