الخذلان

البارت الحادي والعشرون

البارت الحادي والعشرون
#الخذلان…
#بقلمي_شمس…

ثاني يوم اتصلت امي ع عماتي وعمامي وعزمتهم ..
وبيت عمو وسام هم عزمتهم ..

مرت عمو گالت بتول اولادها بالمدرسه صغار .. وبنين مدرسه وسادس ..
يعني طلعوا عذر حتى ميجون ..

مابقى شي للزواج وقيصر رادها بالقاعه .. حنه وزفه بنفس اليوم ..
الجمعه گال راح امر اخذج ونروح نشوف القاعه ونحجز بدلات فد مره بقلمي شمس

خطيه هو راد يشتري بس گتله مااريد هي كم ساعه شأسوي بيها اكو ايجار ومملبوسات ..

وفعلا رحنا شفنا القاعه .. حلوه واصلا بعد ذوق قيصر المفروض مااهتم ..

لان ذوقه حيل يعجبني ..

حجزنا البدلات واصر الا علامتها بيها وجديده ..
اختاريت وحده ردن بس شيفون وبي شغل حلو ..
راقيه .. وبدله ذهبي للحنه ..

كملنا كولشي وردنا نرجع ..
گال خلينا تنغدا وارجعج ..

دخلنا المطعم .. اني كالعاده اموت ع الشاورما وخاصه اذا دجاج ..
ومقبلات وياه .. هو طلب كباب ..
هو كان مشتهي تمن ويابسه وقوزي .
بس من طلبت شاورما غير رأيه 😂

بعدني باول لگمه .. شفت وسام هو ولد دخلوا ..
ياربي شنو هذي الصدفه .. بقلمي شمس
والا هنا .

شافنا استأذن من صديقه واجانه ..

گتله قيصر هذا وسام اجه .. عفيه سلم عدل ..

هو گام يتأفأف ..

اجه وسام سلم ورد عليه قيصر عادي..

بس هو بلطافه .. گال ع راحتكم اتهنوا ..

قيصر .. تفضل ويانه هنا ..

وسام .. لا مشكور وياي ولد صديقي ..

من رخصتكم .. بقلمي شمس

ع راحتك .. گلنا اثنينه.

طول الگعده عيون وسام مافارگتنا ..
اني بالگوه اكل ..
وقيصر حسيته تضايق .  ويسمعني كلام .

شنو هاي الصدفه .. مالگه الا هنا ياكل .. بس لا مراقبنا

ههههه هاي شبيك قيصر مراقبنا شنو .. هو شمعرفه احنه نطلع اليوم

والله ماادري

شتقصد

مااقصد شي سدي الموضوع

هههههه قصدك اني گتله ..

كافي ميار بعد اسبوعين الزواجنا مااريد اضيعها بسوالف تافهه. .

ترى قيصر هاي السوالف انت الي دا تطلعها ..
تغار عليه من لاشئ ..

شنو شفت عليه حتى هيج تاخذ موقف ..

اذا خلصتي خلينا نطلع لان اختنگت ..

تركت الاكل وگمت غسلت ورجعت گتله يله ..
طلعت وعيني ع الشاورما .. 😂😂😂👌👌