الخذلان

البارت العاشر

البارت العاشر
#الخذلان…
#بقلمي_شمس

امي جاي تحجي وي اخواني .. حتى نعزل اكلنا وحدنا
بعدهي ممكمله كلامها ..

ماحسيت الا اجتني ضربه ع وجهي ..
ودفره ثانيه بخاصرتي ..
حسيت روحي دتطلع ..

امي گامت تعيط،عليهم . ولكم اختم ماتت الله لينطيكم

علي .. خليها تموت ادري هاي هي الي تقرأ براسج
امير .. مصايب البيت كلها منها ..#شمس

تحرض نسوانه بيناتهن ..

امي .. ولك شمحرظه هي تطلع الصبح تجي الظهر ..
بس بالليل تشوفهن ..
هنه من يومهن يتعاركن ويتصالحن ..

اجت نهله وتخوصرت .. واني مااگدر احجي واتحرك من الالم

نهله .. وهاله منو حرضها عليه وعلى اختي .. من يطلع اسرار البيت غيرها ..

اني مختنگة ومحجيت شي ..

وامير يعيط ويگول .. ع سالفتج انسي الجامعه .. بعد ماكو دوام ..

اني تخبلت .. #شمس

باوعت النهله هي وعلياء يبتسمن بمكر .

مااتحملت وماهانت عليه نفسي اتوسل الهم ..

اتصلت ع وسام وابجي ..#شمس

امي .. المن تخابرين ولج سدي لايجون اني احجي وياهم معليج ..

رفعه وسام .. هلو ميوره شعجب اليوم ..

مااتحملت گمت ابجي ..

ليش تبجين ميار شبيج عمتي بيها شي احجي لتخبليني ..

وسام .. من اتصلت بيه طار گلبي رفعته وسمعتها تبجي تخبلت مااتحملت احجي وياها والبس بملابسي ..

اخذت المفاتيح وطلعت ..

وسام اخوتي بطلوني ميخلوني اداوم .. وضربوني اتصل بعمو خلي يجي يشوفلهم حل ترى والله اكتل روحي كافي تعبت ..

شبيج انتي خبله شنو تگتلين روحج ..
ابد لتفكرين بهيج شي مااسامحج طول عمري. .

اهدي وارتاحي واني هسا مسافة الطريق يمكم احاول اقنعه. واذا سألوا گولي عمتي اتصلت بيه ..

من غير تفكير ولا وعي .
رحت الهم .. بين خايف عليها وبين خايف من ردة فعل اخوانها لان ميحترمون احد ..#شمس

دگيت الباب طلع علي .. رحب بيه ودخل .

دخلنا للاستقبال وراح صاح امير اجه ..

ميار .. سمعت بوسام اجه .. فرحت احسه سندي بالدنيا هو ..
ساعات اگول ليش،الله ماانطاني هيج اخ ..

امي تحجي عليه .. عزا العزاج ميار هسا يتخبلون بس يحجي وياهم شراح يسون بينا بعد .

يمه انتي ليش خايفه منهم .. من يشوفوج تسكتين يحجون
روحي اگعدي يمهم بين مااسويله عشا ..