الخذلان

البارت التاسع عشر

البارت التاسع عشر
#الخذلان…
#بقلمي_شمس…

مااعرف ليش حسيت بالذنب ..
مع انه ماوعدت وسام بشي ..
ودايما كنت اگوله خويه ..
حتى احسسه انه مجرد اخ لااكثر ..

بس بداخلي اعرف هو ماقطع الامل ..
وكان يسوي كولشي حتى يرضيني ..

اني رحت للمطبخ بحجة اسوي عشا ..
بس حتى اهرب من نضرات عمتي والحزن الي بعيونها .

صاحلي عمو ..
گال بابا هذي حياتج وانتي الي تختارين ..
ولاتحسين انتي مجبوره ع وسام ..
وترفضين القسمه الي تجيج ..

ماانكر ابني شاريج ويريدج .. بنت عمه واحسن من الغريبه
بس هذا زواج مو لعبه .. بقلمي شمس

اني ساكته محجيت شي بس تمنيت الگاع تنفتح وتطمني ..
اتذكر ضحكه وسام ومعاملته الي ..
ياترى هم راح يتغيرن بعد مايعرف ..
واكيد راح اخسر شخص عزيز واخ الي ..
بس مااگدر اتحكم بقلبي ..
قلبي وانفاسي كولها القيصر ..

عمو .. هسا بنيتي وسام ماغيرتي رأيج عليه .

عمو وسام احبه واعزه بس كأخ ومابيوم فكرت يصير زوج الي وهذا مو لان خطبوني ..
لا هذا رأي من زمان وحتى هو يعرف رأي ..

عمو .. هذا هو .. اسألوا ع الولد .. وتأكدوا .. وحددوا موعد واني اجيب عمكم واجي ..

اندگت الباب اجه وسام ..
طلعت من الاستقبال ..
عمتي بعدهي گالبه وجهه ..

سمعت وسام سلم ..
گاله ابوه يله وليدي خلونا نمشي .

امي ماقبلت واخواني .. گالوا وقت عشا . 
بس عمتي ماقبلت .. گالت الامي انتي تعبانه ولازم ترتاحين
شگد حاولوا وياها ماقبلت ..
ووسام مثل الاطرش بالزفه ..
باوعلي ويبتسم. معناها شكو ..

نصيت راسي وسكتت .. بقلمي شمس

طلعوا بيت عمو .. وانجمعوا اخواني يم امي ويسولفون..
ع قيصر واخوه وع معرضهم وحالتهم ..

امي .. ميخالف هم اسألوا زين عن الولد عن اهله ..

سويت عشا الماما وتعشينا اني وياها ..
باوعت للموبايل ..
قيصر .. حلوه المفاجأة 😍😍

ابتسمت .. كتبتله اممممم صدوگ مفاجأة

عاد حلوه لو لا .

تخبل

فديتج .. واخوانج شگالوا ..

ماگالوا بس يمدحون بيك هههههه

اها يعني بدايه مبشره ..

اي ههههههه

اجن اخواتي بس يسولفن بيج .. يگولن تنگط نزاكة

ههههه ترى اغتر

وليهمج يعمري 😍

شويه اجتني ..رساله ..