الخذلان

البارت الرابع والعشرون

البارت الرابع والعشرون
#الخذلان…
#بقلمي_شمس…

بقيت ابجي واعيط وادفع بي ومغمظه ..
مااريد اشوف ذاك الشي المرعب ..

قرفصت ع السرير واعيط ..
دخلت بنوبة خوف وبس اعيط ..
ماحسيت الا قيصر يهز بيه .. بقلمي شمس

ميار اصحي شبيج اني يمج .. اني قيصر تسمعيني ..
فتحت عيني شفت قيصر ..

ارتميت بحظنه وابجي ..

شبيج حبيبتي شتحسين ..

ماادري قيصر ماادري احس البيت مسكون ..

هههههه مسكون شنو .. هذا عمر عايشين بي مشفنا شي اكيد هاي تهيؤات ..

اشربي مي وارتاحي ماكو شي ..

ماجادلته لان احسه ميصدگ الي دااشوفه واحسه ..او ميؤمن
بهيج اشياء..

معقوله يربي اتخبلت وگمت اهلوس ..

اندگت الباب ..
اجه اخوه ومرت اخوه .. سمعوا عياطي وعبالهم اكو شي ..

استحيت شگد عيب ..

اجه قيصر يضحك يگلي خو لميتي الدنيا عليه ..
هاي كلها لان تقربت الج ..شمس

بس والله قويه دفعتيتي دفعه عبالك مال رجال مو مره ..
الي يشوفج يگول شافت جني ..

گتله ومنو گلك ماشفته ..
بس انت ماتصدگني ..#شمس

ههههه ميار بربج انتي هم تصدگين بهيج خرافات ..
هاي لان تفكرين بهيج اشياء تصير عندج هلوسات .

يووووه سد الموضوع قيصر لتذكرني ..
حسيته يستهزأ ومايصدگ..

هو لو شايف الي شفته كان مات بمكانه ..
الي كان نايم فوگاي مو قيصر واحد اسود بس عيونه ظاهره ..
والغرفه ظلمت فجاءة ..

گال خلي نطفي الضوه وننام ..
گتله لا اتركه مفتوح ..

اخاف اطفيه ..

نمت وحاظنه قيصر .. وعيني تباوع منا ومنا من الخوف ..

للصبح گعدت غسلت وسويت ريوگ ..
بدلت ..
گعد قيصر .. تريكنا .. هو هم راح يبدل حتى يوصلني ويروح للمعرض ..

دا اخلي ميك اب .. انتبهت لعيوني بيهن حمار .
هاي خاف لان مانمت وخايفه ..

يوم عن يوم احس نفسيتي تتعب ..
مالي خلگ الكولشي ..
احس بنحول ..

الم برجلي ومفاصلي ..
والخنگة الي تجيني .. وابقى بس ابجي ..

استمرت الحاله عندي وزاد الامر ..
وحسيت قيصر گام يمل .. ويشكي هواي ..

حتى من يتقربلي گمت اختنگ وعبالك اشوف قرد مقابيلي مو زوجي وحبيبي ..
ودايما كنت ادفعه ومااخليه يتقربلي ..

صار ع زواجنا ثلاث اشهر واني كلما يريد يتقربلي قيصر ..
اختنگ وساعات احس نفسي مااطيقه ..شمس