الخذلان

البارت السابع والعشرون والاخيير

البارت السابع والعشرون والاخير
#الخذلان…
#بقلمي_شمس…

صدوگ فار دمي هاي المن مشغول .

شويه ورجعت اتصلت .. رد

هلو حبيبتي شلونج

انت شلونك بلاي ماخذ راحتك ومتسأل

شنو هذا الحجي والله مشتاقلج وميت عليج

المن مشغول صار ساعه .. شمس

ها ..ولد صديقي عنده شغله وياي

ها براحتك .. تجي تاخذني لو لا

يعني حترجعين

ماتريدني ارجع

لا يعمري شبيج كل حجايه تفهميها خطأ مو انتي گلتي ارتاح كم يوم

خلص ارتاحيت واريد ارجع البيتي ..

خلص شويه واجيج .. شمس

قيصر

عيونه

بعدك تحبني

اموت عليج

شو ممبين

هههههه شنو تشكين بحبي ..

ديله تعال منتضرتك .

لميت ملابسي وطلبت الامي حتى قيصر مااريده يدري
لان مايؤمن بهيج شي ..
واذا عرف وسام اخذنا يتخبل ..

اجه قيصر . اخذني ورجعنا ..
بالطريق اخذنا حلويات وكولا وكرزات ورحنا للبيت ..

وصلنا هو دخل يسبح ..

اني بسرعه خليت المي الي نطانياه السيد .. بالمرشه
ورشيت الغرفه .
والكناتير والبيت والمطبخ ..
كوله
ولازم كل يوم ارش .. شمس

بدلت ورتبت شعري .. خليت ميك اب حسيت براحه .
بيومها گعدنا نسولف ونضحك وناكل ..
ارتاحيت شويه ..

مرت الايام واني بين البيت والدوام والدرسه ..
زواجنا مر اكثر من خمس اشهر ..
واني حمل ماكو والناس تحجي ..

وقررت اروح للدكتوره اشوف وضعي ..
وبعدين فكرت اخاف هاي الحقيره هم مسويتلي سحر للطفل وميصير عندي ..
الشك اكل گلبي .. شمس

ولو هو لان قليل يتقربلي واني مااخليه ..
بعد وين يصير طفل ..
العلاج الي نطانياه السيد ..
ملتزمه لي ..
وكوله سبوحات مابي شي يضر ..
وبخور مثل الحرمل مقروء عليه ايات وقرآن وكنت فعلا احس براحه ونفسيتي تغيرت ..

گمت ابدل واعدل وانتظر قيصر ..
كان مرات يتأخر ومرات يجي من وقت ..
هالمره هو الي تغيير . 
يعني من احاول اتقربله ..
يحظني بس ويبوس راسي ويگلي تعبان حبيبتي

حتى استحي ع روحي .. شمس
قررت بيوم احجي وياه ..
وفعلا فتحت موضوع وياه ..
وگتله قيصر انت متغيير ومثل اول زواجنا .
صحيح اني بالبدايه صارت وياي شغلات
بس هسا دااحس نفسي احسن ومحتاجتك تساندني
تحبني وتدللني .. حتى نرجع مثل قبل ..