الخذلان

البارت الثامن عشر

البارت الثامن عشر
#الخذلان…
#بقلمي_شمس…

بارت مفاجئ لعيون السهرانين 😍😍

من گلي قيصر . اخواتي وزوجة اخويه حيجون متت خوف ..

گتله قيصر تريد تورطني .. حباب مالي خلگ مشاكل

هاي شبيج ميار مشاكل شنو ..
ام اصدقائي مريضه ودزيت اهلي مابيها شي ..
ليش خايفه حتى المايحس تحسسيه .. #شمس

اوووف ماادري .. وثاني شي مو تگول مشكلجية شبسرعه صاروا اصدقائك ..

من يوم الي عرفتهم اخوانج .. قريت علاقتي بيهم ..
متشوفين علي مااستغرب من شافني ..

هههههه يومه منك .. الي ببالك تسويه ..

ههههه مو گتلج اني قيصر ..

ههههه باع التواضع .. #شمس

هههههه يله اريدج تطلعين حلوه ..

لان اني منطيهن خبر عنج ..

شنو 😲😲 شگد عيب ..

لتخافين گلتلهن اخت ولد جماعتي شفتها وعجبتني وسألت عنها وكذا ..

هااااا بس هم عيب ارتبك #شمس

سوي نفسج متعرفيهن وتصرفي عادي ..
قابل جايات يخطبنج . هنه يشوف الوالده ويطلعن ..

ضجت من گال هيج..  وخاصه هو ابد ميجيب الارتباط ع السانه

كملت .. صحت هاله .. گلتلها انتي خوش تسوين كيك سويلنا قالب ..
خاف يگعدون بيت عمو العصر انقدملهم عيب .

سوتلي قالب كيك ..
واني سبحت ورتبت شعري لبست گلبية مخصره وحلوه ووجهي خليته ع طبيعته حتى ماالفت الانتباه ..
بس كحل خليت ..

شافتني عمتي گالت اللهم صلي على محمد وال محمد ..
ماشاء الله ..

خجلت 😇😇

طلعت للمطبخ .. نزلت نهله اوووف اكيد راح تبدي المغثه ..
گالت .. هذا كله الوسام .. هنياله وتگول مثل اخويه ..

گلتلها .. لازم حرام اسبح ابقى بوسخي بعد مانضفت وساخه البيت ..

ههههههه اي صحيح والكيك شنو ..

هملتها ودخلت گعدت يم امي وعمتي يسولفن سألتهن ع البنات .. بنات عمو اثنين وحده اكبر مني متزوجه ووحده اصغر مني ..

اجت نهله گعدت يمنا ..
عمتي ماسكتت .. گالتلها يمه نهله هله هله بعمتج واخت رجلج ..
ليش هيج مسويه بالبنيه اكو واحد يعظ هيج .. وهاي المره مريضه وانتن مو صغار تتعاركن ..

نهله ماحجت ولاردت استغربت .. بس اتأفأفت وگامت ..
شويه واندگت الباب .. واني گلبي وگع للگاع وايدي ترجف مااعرف شنو احس ..

حتى الي ماحس حسسته .. #شمس

شويه ودخلت نهله تركض ..
عمه اكو نسوان بالباب يگولن احنه اخوات صديق الولد حتى نسيت اسمه اجينه نطمأن ع الحجيه ..