الخذلان

البارت الثاني عشر

البارت الثاني عشر
#الخذلان ..
#بقلمي_شمس

من دز الرساله وسام تخربطت اوضاعي .. بين اريد اگوله انه گلبي مو اله وخلي ينساني .

ومن جهه ثانيه .. مااگدر اخسره احسه اخويه الي ماولدته امي .. يدافع الي ويخاف عليه .. اكثر من اخواني ..

بقيت صافنه شويه .. تالي رديت
تسلم اخويه الغالي ويحفظك ربي . #شمس

كملت غلقت النت وحاولت انام ..

خفت يدز شي واحير بالاجابه ..

بقيت افكر الى ان غفيت وماادري بروحي .

گعدت الصبح ع بالتسعه ونص .  الله اول مره انام هالشكل

لگيت ماما تسوي جاي .. #شمس

والحبايب لسا مگاعدات ..

سويت بيض وجبن وصبيت جاي ..
تريگنا ورتبت الغرفه ونضفت الصاله .

ورحت بدلت حتى نروح للسوگ

نزلت نهله شافتنا ..

وين غباشه من الصبح

ميار .. هههههه قصدج من الظهر

نهله .. وانتي شنو تردين .. مو عزلتن اكلجن ماالج شغل شوكت نگعد وشوكت ننام ..

ميار .. اي وهذا البيت خايس حتى استحي من واحد يجينا

نهله .. ماعاجبج گومي نضفي ..

ميار .. نضفت الصاله والاستقبال .. بعد مالي دخل . والمطبخ صار عليجن .. #شمس

نهله .. هينه يميار ..ارفعي خشمج زايد وشوفي شنو تاليتج ..

امي .. امشي ولج والله حابه المشاكل المن تردين عليها ..
لو لمن تموتيني يله ترتاحين .. #شمس

ميار .. يعني اني اموتج يمه .. هاهي رحم الله والديج

امي .. عاد لاتكبريها اني شعندي غيرج بس تدرين بيها السانها متبرئ منها ..
وتروح تگول الاخوج وتالي يبطلج ..

طلعت امي تأجر سياره .. واني دزيت رساله القيصر ..
حبيبي اني حروح للسوگ

رد .. اوك حبي تحتاجين شي

سلامتك حبي ❤

ركبنا بالسياره .. اتصل وسام وين انتو ..
گتله ركبنا بالسياره ..
گال لا اني اجيتكم انزلوا ..

ياا شگد عيب شنگول للولد هسا

گلت الامي وامي تعذرت للولد گالته ابني اتصل وراح يجينا

الولد .. لا خاله عادي ع راحتكم

نزلنا .. شفت اجه وسام ..
امي صعدت يمه واني گعدت لورى ..

سلمت عليه .. رد بثگل مااعرف شبي

گال بالاول نروح للبيت تشوفوه .. وبعدين ادزكم للسوگ