الخذلان

البارت العشرون

البارت العشرون .
#الخذلان… .
#بقلمي_شمس..

قيصر كمل الشقه وغير ديكورها .. وكل فتره نطلع اني وياه ونجهز ..
رغم اخواني ميقبلون نطلع وحدنا .. وطبعا بسبب كلام نهله تگول شلون ترحين وحدج وياه قبل الزواج ..

وامير ماقبل اطلع .. وامي تتعب مو مثل قبل بيها حيل للفره ..
بس كنت اضطر اخذ نهله وياي ..
ردت هاله تروح وياي بس هذا شهرها وتعبانه وع ساعه تجيب ..
وعلياء غثيثه ماتقبل ..

ماصارت گدامنه بس نهله اخذتها مرتين وياي ..
وسوتلي مشكله ..
تگول الاخواني طول الطريق يلزم ايدها ويبوس بيها واغاني وهيلگة وحتى مايستحون مني ..

سولفت القيصر .. گال اني اجي واججي وياهم ..

عنده وسيله اقناع فضيعه ..
حجة وي اخواني .. وقنعهم ..

الزواج اجلناه للشتا .. گال مااريد بالحر .. واريده يصادف وي عيد ميلادج بشهر 12 حتى تبقى هديتي الج يوم زواجنا. .

طبعا هذا القرار اخواني ماقبلوا گالوا الخطوبه مالازم تطول بس مااهتميت الهم رغم الضغوطات الي زادت عليه ..

وكل واحد يحجي شكل ..شمس
ونهله تگولهم اخاف هذا يريد يتسلى وتخليهم يتخبلون. .
وكل ساعه يتهددون يفسخون الخطوبه ..

اني صارت ايام الخطوبه عليه عذاب .  بس استحي اگوله نتزوج ..
والسبب الثاني امي .. اريد اشبع منها ..
مااعرف شلون راح اروح واتركها بنص هاي الحيايه ..

اني وياها وهي خطيه مشلوع گلبها ..

كم مره توسلت بيها تروح وياي بعد الزواج ..
بس رفضت وگالت شنو يمه ماعندي بيت واروح وياج ..

شعندي اطبخ لگمتي واگعد بغرفتي ومالي شغل بالدنيا ..
جنتي انتي كاسره ظهري وهسا الحمد لله ارتاحيت من اجاج هيج نصيب وهيج ولد يحبج ..

بيومها جاي اسولف وي قيصر وتكسرت باب المطبخ ..
تخبلت .. گلت منو
هذا محمد
فتحته
گال بسرعه امشي البسي وروحي وياي هاله تطلگ ..

رحت گلت الامي گالت اوكفي انتي شمعرفج اني اروح وياهم ..
لبست امي وراحت ..

للفجر اجو وجايبين نونو يخبل سموه سيف .. فديته حبيب عمتو يخبل ..

وكالعاده نهله سوتها عزه علينا مثل اليوم الي ولدت بي علياء لازم تسوي مشكله ..

هاله ابد ماتطلع ابنها من المشتمل تخاف عليه من نهله تگول احس بيوم تكتله واني مشغوله ..
كانت وهواسيه بشكل ..

خلصت العطله وبدأت الدوامات .. وگمنا نلتقي اكثر اني وقيصر وابتهال كانوا مسافرين بعقدي وضاجت لان ماحظرت وباركتلنا ..

طلعت من وقت للكليه ورحنا اني وقيصر نختار الغرقه والمطبخ وكذا ..

كل يوم اطلع بعد الدوام نروح اني وياه نكمل احتياجاتنا ونتغدا بره وارجع ..
بس ماما كانت تعرف .. #شمس