الخذلان

البارت الثالث عشر

البارت الثالث عشر
#الخذلان…
#بقلمي_شمس…

گتله اذا تعرف محلات حجي عبد الله ..

گال اهاااا  يعني امير ومحمد وعلي أخوانج ..

گتله اي اخواني ..

سكت

الو قيصر وينك الو ..

بداخلي حسيت بشي غريب .. خوف وندم لان گتله ..
اخاف ياخذ عليه نضره من اخواني ..

شويه ورد .. الو ميار اسف اجو ولد اصدقائي شويه واتصل بيج

غلق التلفون .. واني غرغرت عيوني بالبجي ..
ليش هيج سوه ..

لازم شايف عليهم شي

اي اخواني واعرفهم كلهم مكسرات ومشاكل ..

بقيت اروح وارجع بالغرفه مااعرف شنو اسوي ..

اتصلت بأبتهال شويه ندردش اريد اشغل نفسي ..

اجتني رساله ..

غلقته بسرعه من غير مااستآذن من ابتهال 😂😂

فتحت الرساله كاتب ..

حبيبتي بس يطلعون اتصل بيج ..

اي گالي حبيبتي يعني ماضايج. .

وهسا اني ليش خايفه قابل اخواني قاتلين واحد واخاف ..
اي والله همه يقتلون القتيل ويمشون بجنازته كولشي اتوقع ..

حسبة تاخذني وحسبه توديني .. ياربي هيج الحب صعب

انتبهت ع نفسي شلون مااگدر ع زعله ولا اگدر استغنى عنه .
معقوله هيج احبه .. وليش اسأل نفسي اي احبه واموت عليه هم ..
فديته حبيبي الاسمر ..

اتصل .. رفعته بسرعه ..

هلو حبيبتي اسف لان غلقته .  بس اجو ولد اعرفهم عمود الشقه الفوگ مو گتلج اريد اعزل درج وباب وحدي ..

جبتهم يصمموها ويسون الديكور ..

ميار .. وسام يشتغل بالديكور والتصاميم يخبل شغله ..

قيصر .. اممممم رجعنا الوسام.  

ههههه بس لو اعرف ليش تضوج منه والله حباب

ميار لاتدافعيله گدامي بعمري ماانسى ذيج نضرته الج من اجيت وشفته يحجي وياج ..

هههههه فديت الي يغار واني گتلك هو مجرد اخ لااكثر ..
هسا دعوفنا من وسام ..
گولي ..
اشو ماعلقت من گتلك ع اخواني ..

قيصر .. هههههه ذكرتيني من كنتي تگولين عدنا اكشن بالبيت بسبب اخواني .. گلت اكيد تبالغين ماكو اخوان هيج يسوون

بس هسا من عرفتهم .. والله حقج ومااعرف شلون متحملتهم

ميار .. استحيت 😒😞
ليش گلت هيج ..

ميوره مو بس ببيتكم. بدون زعل ..
ممخلين واحد ممتعاركين وياه .. بيناتهم. ووي الناس

حتى الناس يگولون حرامات ذولي ولد حجي عبد الله ..
الصراحه اني ماشايفه ولااعرفه بس كلها تمدح بي الله يرحمه