اديت ضهري للباب واقفه ، حسيت بي يد وراي لامساني ،، اتنفضتا و بقيت متسمرة مكاني ، الا بعد شوية سمعت صوت أمنية ، قالت لي مالك اتخلعتي هههههه
والله ولا كذبتا دفرتها دفرة كدا بقوتي و صارة وشي فيها الله ستر ما كشطتها كف ،، قالت لي :
_ هديل بسم الله كنتي حترميني ، بهزر معاكي في شنوو كل دا عشان م اتفقدتك ؟
*م تعملي لي حركتك دي تاني فاهمه ولالاّ
_حاضر طيب براحه ..
مشيت رقدت و اتغطيت وقبلت منها علي الحيطه ، طبعا هي مسكينه واقفه جمب السرير ، ومحتارة في تصرفي ( انا ما حأحكي ليكم عن احساسي وقتها بس تابعو الاحدتث من غير ما ابرر ليكم ) ..
قالت لي ، هديل انتي عادي بتزعلي مني بس عمرك م كنتي معاي صارمة ، لمن خفتا منك والله زي الكأني اول مرة اعرفك الليله ، انتي لو زعلانه مني ممكن تسالي هدي وهند انا ما بطلت سوال عليكي والله حتي ..... *قاطعتها
قلت ليها :
*اتفضلي اطلعي براا
_ شش ششنو ؟
*السمعتيهو
_ايواااااه ،، طيب مع السلامة
*بالسلامة .. *وطلعت
جريت غطاي و نمتا م صحيت الا الصباح بدري ، جهزت ولبست ملابس الجامعة ، طلعتا صبحت علي امي ، و طلعت ..
ركبت المواصلات كانت فاضيه انحنا زي 9ولا10 نفر ف الباص ..
في اللحظة دي اتصلت علي هند اختي ، استغربتا لاني خليتا نايمة و هي ما بتصحا بدري ، المهم : رديت عليها ..
*ايوة يا هند
_انتي شنو الطلعك الليله ارجعي البيت
*ارجع لشنو في شنو براحه اك، امي كويسه ؟
_ياخ امي كويسه تعالي انا محتاجه ليكي في البيت
*ي هند خارجيني قولي عنذك شنو انا ماشه الجامعة عليك الله
_يا هديل انتي كان جيتي البيت حيحصل شنو يعني ما جامعتك دي طول السمستر داكاها
*ي هنده انا اخلاقي من غير شي في نخرتي عليكي الله ما تزوديها علي ممكن ولالا ؟
_طيب امس قلت ليكي ان الليله وبكرة ايام مميزة ، محمد حبيبي مكلمني من يومين مفروض الليله اهلو يجونا يتقدمو لي..
*انتي مش قلتي امو في مدني ولا وين م عارفه واختو م بعرف شنو !
_ايوة ، امو جات و اختو فضت
*خلاص برجع اسي ، لكن طلبات الضيافه كيف ؟
_ما عارفه والله
*خلاص انا بتصرف
_طيب بس م تتاخري
*لالا م بتاخر يلا ..
كملتا في الباص و نزلتا في سوق كدا ما بعرفو ، خشيت محل حلويات جبتا جاتوه قدر القروش النعاي ، والباقي اشتريت بارد من جمب البيت و خشيت بيتنا ..
ماشاءالله مع انو الوقت بدري لكن لقيت هند دي مطلعه ملايات العيد و فاتحه اغاني و ماسكه الصالون داا تلميع و رشريش ، هند الما بتتضف معانا البيت اللليله نضفت ..ّ
طبعا ما وريتكم شغل ابوي بمناسبه انه ما ظهر في اليومين ديل .. طبعا زي ما عارفين عندو لوري دا الشي الوحيد البملكو ، اها شغلهم زي نقل البضاعه من ولايه ل ولايه ، ف اليوم دا بالزات طلع الفجر سافر سنكات و م معررف برجع متين اصلا م بيكلمنا ، الا امي عرفت منه لمن قاليها ختي لي عراقي وجلابيه في كيس ، فا للاسف مفروض لمن ناس يجو يتقدمو بقابلو الولي اللي هو راجل البيت والصراحه ابوي وجودو وعدمو واحد (حتعرفو السبب لقدام واي اساءة م مسموح بيها ) ..
المهم يدي مع اخواتي ، بس احساس يوم العيد .. قاعدين انا وهند وهدي ، قلت ليها :
* يا هند اها حتلبسي شنو ؟
_بري ما بعرف اسأليني دبل
*بسم اللهّ
_اي شي من الدولاب دا
*برررررري ديل كلهم محمد شافك بيهم
_ اسمعو رايكم شنو نشد من مدينه عندها فساتين مبالغه
*مدينة منة ؟
_ بت عشه المحسيه
_ تالت بيت بي ورانا
*هوي امشو انتو انا بقعد اجهز الكبابي ، هم جاين كم ؟
_بري م قال لي والله ، قال امه وعمو واختو وراجلا اظن
*بااااااس لقيتا ، رايك شنو نتصل بخالي فتح العليم يجي ياخ م صح يتقدمو و مانعانا راجل في البيت
_ ليه ابوي وين ؟
_ سنكااات
_ ياسلااااااام احلا خبر يعني الليله م حيرجع صح
* كلبة انتي ولا شنو يا هدي ، عيب ّمهما كان هو ابونا وظل البيت داا
_ عليكي الله يا هديل اسكتي ابوي وعارفنو وعايشين معاهو من فتحنا كان مشا عرس ليهو وحدة تانيه و ختانا كان احسن بدل وجع القلب داا ، م تتكلمي لي عنه كأني ما بعرفوو
_بنات رووقو ما تعكننو علي يومي عليكم الله
اتصلي بي خالو يا هديل ي رب يكون فاضي
*ياررررب ، طيب انتو قومو امشو لمدينه دي م تتاخرو
_طيب كلمي لي منوية تجي تمكيجني و تسلفني رشمتا التركيب
*انا ما بكلم زول كلموها براكم ...
يلا....
يتبع ....
