طلعت ، سلمت علي وجدان و وريتا اني حشتغل معاهم بأذن الله و اتبادلنا ارقامنا ، صراحه زوله مهضومة شديد ..
طلعتا و حاسه بي بهجه كدا ، لدرجة نفسي اقعد افطر برا ولا اشوف منظر طبيعي ، اول شي عملتو مشيت السوق ، محل اتصالات قلت ليهو الشي داا اركب شريحتي فيهو من وين ؟
قالي هنا ، قلت ليهو هنا كيف م بتشيل ، قالي الا تتقصا .. المهم جيه لي التلفون تب.. و شتريت منه #حاجة ،، و مشيت ، لقيت لي كفتيريا قدر ظروفك قعدت فيها ..
( في جانب دكتورة مني )
يا دكتورة ، انا حاخد اجازه شهر ، قالت ليها شهر عديل !! سمح اخير م تجي تاني ، امم
انتي شايفه كدا اني ما اجي تاني ؟ ززززهرة انا استحملتك كتييييبر بس لانك ماسكاني من يدي البتوجعني ، بقدر اتعامل معاكي بس انا ما حابة ليكي الاذيه انتي مرة بأولادك ، المهم وينو الدهب ؟؟
دد د دهب ! دد هب شنو يا دكتورة ..
هههههه زهرة انحنا دافننو سوا يا ماما ليه عايزة تجبريني اوريكي وشي الخشب ، انحنا كدا كويسين وناس كبار و عاقلين و بنتعامل علي الاساس داا ، اتهمت بت الناس و انا عارفه انك العملتيها ( يعني فعلا في دهب مسروق و زهرة لمن شفتها في اليوم دااك كانت جايه للموضوع دا ، يعني زهرة ما شاذة ) .. انا ما شلت اي دهب يا دكتورة ، طيب خليكي علي كداا ناكرة ، و انتي وهديل بس المعاكم نسخ و انتي بس العارفه محل الدهب حقي ، بس انتي عارفه ان ما بيفرق معاي دهب ولاغيرو ، بس حبيت اثبت ليكي اني عارفة و ما غبيه ..
يلا انا ماشه العيادة .... مشت دكتورة مني و هي في الطريق استلمت رسالة نصية في التلفون : {حتدمري و حتدمري و حتدمري تدريجياً يا دكتورة} ..
كان في جانبي ، م عارفه حاسة بحاجه سمحه كداا ، بس عشان الزمن لازم ارجع البيت ، اتزكرت الفيس و Coffee، فتحت من التلفون الجديد طبعا الدردشه تفتح النفس ، لقيتو سايب لي رسايل كتيرة ، من ضمنها يجيكي احلا تلفون مني هديه الغالي للغالي ، ومنها فقدتك و وينك و طولتي و ...الخ
بالجد كدا حاسه انه يومي كمل بجد و كل حاجه بقيت عارفه ابداها من وينن زي م بقولو بقيت ماسكة #طرف الخيط .. و ي احلا هند حقك حيجيكي في مكانك ، طبعا رديت علي الرسايل ، الزول دا من كتر ما بيحبني بحس انه متفرغ في الدنيا دي عشاني ، بالجد كيف ممكن زول يحب ليهو زول من غير م يشوفو اتعلقت بيهو شديد .. قال لي : عارفه انا نفسي اشوفك بس صعب
قلت ليهو ليه صعب ؟ قالي خايف تشوفيني و تغيري رأيك فيني ، قلت ليهو مستحيل الحب ما بالشكل و انا استحاله اتخلا عنك .. قالي بجد ، قلت ليهو طبعا بجد ..
قالي طيب انتي وعدتيني ، قلت ليهو انت التقول كدا ولا انا الاقول كدا ههه ،
اقوليك شي ؟ الليله الجو مبالغه ارح نتلاقا و نحسم الموضوع داا ، قالي الليله !
ما عارف والله متخوف يا هديل ، غريب امرك
طيب ، انا عايزة اعرف اناديك يا منو ؟
لمن نتلاقا حتعرفي اسمي !
طيب ليه زي الحاسه انك شخصيه انا بعرفا بس م داير تواجهني بكدداا ، اممم
هديل انا موافق نتلاقا و اسي دي كمان انتي وين ؟ انا قربت اوصل البيت ، قالي انزلي من العربيه ، قلت ليهو لا انا قربتا خلبها المسا او يوم تاني ، قالي لا اسي ، راكبه شنو انتي ؟
راكبه امجاد ،، قالي خلي يرجعك كافتيريا (..) ، اترددتا كداا ، تاني قلت ليهو خلاص تمام انا م بحب الانتظار بما اني برا حوصل قبلك ، قالي انا برضو براا ..
فعلا رجعت ، و طول السكة بقلب في بروفايلو عن صورة ليهو ما لقيت كلو كلوو
، قلت غريبة الاولاد عادي بيختو صورهم الزول دا مالو متعقد كدا مرات بحس انه ما عنده ثقه في روحو ...
المهم وصلتا ، و كتبت ليهو رساله اهاا حتعرفني كيف ؟
قالي عارفك ..... انا هنا قلبي دا لمن قال شح ، اذن دا زول فعلا عارفني ..
بقيت ماسكة التلفون و قاعده منتطرة
(في جانب دكتورة مني )
تاني استلمت رساله : و الله ان ما خليتك تدفعي التمن ما غالي ما ابقا انا حتتعذبي و تتعذبي لمن تبوسي رجولي وكل يوم حتشوفي وجعه جديدة ..
نرجع لي انا .. اها
قاعده و عيني في التلفون بهبش فيهو ،، قلت ليهو علي فكرة انا قلت ليك ما بحب الانتظار وانا لي 14 دقيقة من جيت قاعده ..
قالي انا جيت خلاص ، جاي عليكي ،، قلت ليهو جاي علي ! عارفني كيف ؟
قالي ايوة مش لابسه بلوزة كبديه واسكيرت اسود ؟ ،،،( انا بديت اخاف )
و اتفاجأ بعدهاا ، بي #وحدة جاتني مبتسمة و بتقول لي ازيك ، انا Coffee ..
قبل الاستككانة/ انا عارفه انه الجزء بسيط شديد بس عارفين احساس الزول البعمل ف وشي تحت التهديد وخاتين ليه مسدس فوق راسو عشان ينجز ، يلا دي اناا بكتب بالاحساس دا ،
يتبع....
