قلت ليهو استاذ عمر ، معليش نزلني هنا
قالي ليه انزلك هنا انا بس كنت بسال ،، قلت ليهو اصلا وصلنا هداك ليهو بيتنا ،، قالي شفتي بيتكم لو جوة العربيه دي م حخليكي م لم اشرح لأهلك الحصل ليكي و اعتزر منهم ف النهايه انتي بنت و كونك تغيبي اربعه يرم من البيت دي ما حاجه سهله ولا كويسه لا في حقك لا في حق اهلك ،
قلت ليهو اهلي بيثقو فيني شديد لدرجة انت م تتخيلا ، اي نعم انا اصغر اخواني لكن ماخدة مكان الكبيرة ، فاا لو سمحت نزلني هنا و اعفي نفسك من اي لوم او مسؤلية تجاهي ، في النهايه انت م غلطت علي ، الغلطت علي مرتك ، قالي عشان الغلطت للاسف تبقى مرتي انا مجبر اصلح غلطاا ، قلت ليهو انت حتتحملا لحد متين ؟
انت كيف عايش مع زول اخجل اقول عنها بني آدمة ، عايش معاها كيف ، كيف بتستأمن نفسك معاها ، معليش يعني بس نصيحه اخدا من اختك الصغيرة يا استاذ عمر ، ودي مرتك دي لدكتور
و يا حبذا لو دكتور نفسي و برا البلد دي ، و انا متاكدو انك م حتفهمني لانك م عارف ولا حتعرف انا بقول كداا ليه .. و لمن تعرف حيكون فات الاوان .. انا حأنزل هناا عن ازنك ،، يا هديل لحظة لو سمحتي (نزل التأمين)
انا عارف مني صعبه و هي م كانت كداا ، وصح كلامك انا م مرتاح م لاقي راحه من كل النواحي ، حاسي اني م متزوج بلقا الخدمة و الاهتمام من الخدم اكتر منهاا ،، وعارف انها متغطرسه و مفترية ، حقيقي انا م عارف انا ليه م متحملا بس برضو م شي كافي يخليكي تقولي لي اوديها دكتور نفسي
.. امممم الكافي م حقدر اقولو ليك
يمكن لعل و عسي ربنا يفتح عيونك و يفتح بصيرتك انا لو انسانه كعبه يمين بالله م كنت حأسكت و فعلا انا ما حأسكت ليها ولا حخلي حقي وقدامك انا بقول الكلام دا لاني صاحبة حق ، اناااا يا استاذ عمر لي حق عند مرتك و حأخدوو منها ، كيف وليه و متين . الزمن كفيل بالشي داا . و اديك ابسط مثال ، و مثال حي و قدام عيونك .. حرك العربيه دي
، كيف يعني احركا ، يعني حركا خش بالشارع دا و امشي عدييل ، امشي امشي
هديل انتي في شنو ؟
مافي شي بس براك ختيت يدك علي جرح اتقفل علي وساخه ، كيف يعني ؟ّ
يعني انت عارق مرتك كويس و رغم كدا ساكت ليها و م قادر توقفا عند حدهاا ، م توقف العربيه كمل ، كمل عشان تعرف انا صاحبة حق ولالا ولي حق عند مرتك الاسمها دكتورة مني ولا ، كمل ، مش سألتني دي حلتنا ولالا ، ااااي دي حلتي ، اتولدت و اتربيت فيها .......
(في جانب تاني )
*خلاص تعالي
_ طيب و حبوبتك ؟
*حبوبة نايمة نا تقوم اسي
_دايرة اسألك من حاجة بس م عارفه اجيبا ليكي كيف ..
*اسألي ياخ انتي حبيبتي
_اممممممممم
*ي بت اتكلمي مالك بتأمأمي
_تتزكري اول يوم اتلاقينا فيهو ؟
*ياخ انتي جادة معقوله انسي اليوم داا
_طيب ااااااا
* ااااا شنو حتغني انتي
_بصراحه كنت دايرة اسألك من صحبتك ديك
*منو دي ؟
_البت الجيتي معاها جامعتنا
*اهاااا قصدك هديل ، مالا ؟
باك فلاش
اكيد اتزكرتو اليوم دا صح ؟ يوم امنية اصرت تجي معاي الجامعه ، و بعدها اتوترت كداا وخلتني واقفه ومشت ، ورجعت لي و لمن جينا طالعين من الجامعه ، ابت ترجع معاي قالت عندها مشوار لحد الثورة و حترجع و انا مشيت شغلي والحصل ، حصل ،، هنا امنية كانت ساكة توته ولا منو دي غايتو م زكرت اسمها ، و اسي لمن سالتا عني كانت بتقصد اليوم داا .. نرجع للاحداث ..
_ بس بسأل يعني ، عشان بس اول مرة اشوفا في جامعتنا وانتي قلتي انها بتقرا معانا و انا من الوقت داك ما شفتها ..
*ايوة فعلاً بسبب شغلها م مواصبه في الجامعه ..
_اا هي شغاله وين ؟
*هوووووي انتي مالك ، قولي كلامك دغري م تقعدي تلفي و تدوري ، هديل عجبتك صح قولي كدااا من البدايه لكن ما تستعبطيني ..
.واستمر النقاش ..........الخ
في جانبي .. انفعلت شديد من الكبت الجواي وعملت خطوة ، حتفشل لي خطة انتقامي من دكتورة مني ، بس انا كرهتي القا زول بيغطي علي زول و هو عارفو تماما انه انسان فيهو بلاوي ،، قلت ليهو اهاا وريتك دي حلتي و اسي حأديك مثال حي ، وريني انت سالتني بخلعه ان دي حلتنا ليه ؟
سكت مساااافه ، و وقف العربيه ، قالي في يوم حصل في حلتكم دي عمري ما حنساهو
، اللي هو شنو ؟ قالي خلينا نكمل طريقنا احسن ،، قلت ليهو جداا لكن م اظن تنسي اليوم دا باقي حياتك كلهاا ، قالي تقصدي شنو ؟ قلت ليهو لانك كاتمو جواك ..
قالي اكمل في طريقي دا ؟
قلت ليهو خش يمين اول بيت جمب الدكان ،، فعلا مشا علي وصفي و انا جسمي مولع نار من الضرب واللاعرضت ليهو بس القاعده علي نار ... اهاا وصلنااا ،، نزلتا قبلو
و مشيت خبطت بابنا ،، والله الاربعه جو جارين علي الباب ، امي واخواتي الاتنين وامنية ،، مسكوني اتفكيت منهم لانو بالي مع عمر ، قلت ليهوو شايف المثال الحي ولا ماشايف ، دي امي و ديل اخواني و دي بالذات اختي ( هند ) ..
تفتكر انك ممكن تنسي اليوم داا ... ؟؟
يتبع....
