اشتريت العشاء و مشيت البيت ..
ركزو معاي ، يلا خامس يوم من موضوع الحبس والشي الحصل لي داا ، انا كنت ماخدة قرار بس م كنت عارفه ابدأ من وين ، المهم في اليوم دا قررت اسحب ورقي من الجامعه و بقت لي حارة زي المرة الحتطلق يعني جانب منفصل عن حياتي العايشاها م عارفة بحسها كداا ..
جاتني هدي قالت لي صباح الخير ، قلت ليها صباح النور ، قالت لي دايرة سماعتك ، قلت ليها خربانه شغاله فردة وحدة ، قالت لي م مشكلة اصلا حتكلم بيها بس ،، قلت ليها لحظه ، مشيت جبت شنطتي و طلعت الحاجات الفيها ، اديتا السماعه و مشت ، بقيت برجع في الحاجات ، لقيت #كرت ، قلبتو يمين شمال ، فوق تحت لقيتو كلو انجليزي و انا ميح في الانجليزي ، الشي الوحيد العرفتو ، مكتوب فيهو Omar Al Ruby , عاد م عارفه روبي ديك ولا وحدة تانيه ههه م عرفت اقراهو ، المهم لقيت الارقام و اتزكرت لمن قالي اتصلي بي كان بخصوص شغل لو تتزكرو يوم كنت بايته في الحمام ..
قلت حلوو اقدر ارجع ليهو التلفون ..
اتصلت ...... بعد مسافه ردت علي وحدة قلت بس دي دكتورة مني ،، لمن قالت السلام عليكم شركة شنو كدا م بعرف ( باللنجليزي)
اتفضلي ، عرفا انها م متي ودا رقم الشغل ، قلت ليها :
* لو سمحتي ممكن اكلم استاذ عمر ؟
_قالت لي حالياً م موجرد بيجي المكتب بعد الظهر
*طيب لو جيت بقدر اشوفو طوالي
_قالت لي انتي منو ، وبكلمو انا
*بعتذر بس دا شي شخصي ، بس وريني اجي متين لانو ضروري الاقيهو ..
_تعالي بكرة الساعه 11 لانو الليله لو جا م حيقابل زول
* تمام ... قفلتا
جاتني امنية ، سلمت علي كداا و شكلها ما ياها ، قدر ما حاولت اعرف مالها اصلو ابت تتكلم ،،
باك فلاش قبل مني تجيني
*اذا انتي م دايرة طيب جبتيني ليه ؟
_انا جبتك عشان اقوليكي كفايه لحد هنا ،، كفايه لحد هنا يا امنيه ّ
*كيف يعني انتي بتلعبي بي ولا الحاصل شنو ؟تعالي يا امنية و امشي يا امنية ..
_امنية لو سمحتي زي ما بدينا الشغله دي بالمعروف ننهيها علي كداا
*ايوااااه ، لقيتي ليكي وحدة تانيه صح ؟
_ياخ فرضاً لقيت ، فيها شنو ، بس انا دايرة اتوب من الموضوع واحاول احب خطيبي
*خطططيييبك !! انتي مخطوبة ؟
_ايوة مخطوبة
*حتندي و حتعرفي قيمتي و خطيبك دا غير حيكسر قلبك م حيعمل ليكي شي ، بس لمن يجي اليوم دا اوعي تفكري ترجعي لي فهمتي ، ااااااا ولا تكوني خاته عينك علي هديل صحبتي
_ اااااا اااا ه ها هه هديل منو ؟
*سمعتيني يا توتة ، هديل صحبتي البتقرا معاكم
_م م ممم متزكراها
*م متزكراها شنوو امس القريبه دي سالتيني منها بطلي استعباط ..
_مالي ومالها انا بعدين انا قلت ليكي عايزة اتوب مالك انتي م دايرة تصدقي ..
*ايوااااه ، سمح صدقتك ، يلااا باي
_م تنسي تمسحي رقمي
*جداااا ً .... ( نرجع للاحداث )
منوية ، سرحانه وين ؟
مافي شي يا هديل مستاءة شويه بس و بفكر ارجع القضارف ..قلت ليها ترجعي القضارف ليه يا امنية انتي قلتي بتقعدي مدة ،، اي قلتا لكن زهجتا ، احسن ارجع وانتي زاتك اتغيرتي علي شديد ،، انا م اتغيرت يا امنية بس م دايرة نرجع نغلط ، يا هديل وينو الغلط ؟
كيف وينو الغلط ، اتكلمنا قبل كدا في الموضوع داا ، انا ما زيك ،، قصدك شنو يا هديل بتعايريني ؟ دا حادث قضاء و قدر وانتي اكتر وحدة عشتي معاي معاناتي ،، انا ما قصدت كداا ، بس الشي الكنا بنعملو غلط و انا م كنت عارفه ، اسي كبرنا والوضع اختلف افهميني ، انا الشي دا م بفرق معاي بس انتي مفروض تتعالجي يا امنيه و تشوفي حياتك لابد حيجي يوم و تحبي راجل و يتقدم ليكي ، وريني حتعيشي معاهو كيف ؟
لا انا مستحيل اتزوج يا هديل ، و بعدين انتي بالذات بعد المعاناة الشفتيها من ابوكي دي مفروض تكرهي الرجال و اصلااا مافي راجل بيقدر يمسك ليهو بيت ، الرجال قاسين لكن انحنا البنات بطبعنا حنان علي بعض ، ليه انا احب لي راجل في حين اني ممكن القا الحنان والشي الفاقداهو دا من وحدة زي ، ليه الغلط وين ؟ ،، الغلط غريزتك المحتاجة تتعالج مؤثرة فيكي و كانت حتتنقل لي ،
امنية انتي ماا صغيرة ، ولا انا صغيرة الفي عمرنا واصغر مننا عرسو و ولدو ، انا لمن بقيت متعقدة و بخاف من العلاقات للان لو واحد شاغلني بشوف وش ابوي فيهوو ، بس انحنا ربنا خلقنا ذكر و انثي للتكامل مافي انثي وانثي او راجل ورجل ، البكون كدا بمشي يتعالج ...
لو بتقصدي يا هديل اني مريضه ، لا انا ما مريضه انا حكون مريضه بجد لمن احب لي راجل ، طيب اذا م غلط ليها بتعملو علاقات بالدس ليه م تكون معلنه ؟
بتقدري تقولي لزول مثلا انك بتحبيني ؟
اكيد لا ، فا يا امنية الشي لو م غلط م كان اتعمل بالدس ، اقتنعي بكداا ..
لا ، و انا بحبك انتي و فتحت عليكي انتي يا هديل شئتي ام ابيتي ،، سلاااام
و طلعت فاااتت ،،
طيب تقريبا عرفتو ان امنية فعلا شاذة زي ما اتوقعتو بس الما بتعرفو اني كمان......
يتبع ........
