بس الما بتعرفو ان انا كمان كنت في يوم من الايام زي أمنية ..
باك فلاش عمري كان 9 سنوات ، لحد 19 سنة ، و امنية كانت 10 سنوات ..
امنية دا شنو ؟
ما بعرف انا شفت مرة جيرانا و معاها وحدة نمن كنا بنلعب حجله قدام بيتهم و دخلت البيت اشرب موية ، لفيت كايسه الزير و كانت بتقوليها انا راجلي كبير و بيضربني وانتي الوحيدة وقفتي معاي عشان كدا انا بحبك ، ولقيتهم بعملو كدا ، وانتي صحبتي يا هديل وفهمتا من كلامها ان البحبو بعض شديد بيعملو كدا عشان يثبتو حبهم لبعض ..
خلاص ارح سوي لي .. الموضوع استمر طيلة العشر سنوات وكراهيتي تجاه ابوي كانت بتخليني افكر ان الرجال فعلا ككلهم كعبين و بيأذونا لان نفس الشي ابو امنية كان بيدق امها و مرات عادي بيطرداا نص الليل ،، و دايماً غلط الناس الكبار بتحملو الصغار في زمن غلط ..
نرجع للاحداث ..
بعد امنية طلعت فاتت ،، بقيت اضرب اخماس في اسداس ، يمكن تقولو لي لمن انتي اصلا مسبقا عندك فكرة ان الشواذ ليه اتخلعتي كدا لمن شفتي دكتورة مني كدا ، لان م حصل شفت بعيني حاجه زي دي امنية كانت بتحكي لي و بتدخلني معاها اي حاجه ، وغير كدا م عارفه بالجد كانت صدمة قويه هي مرة متزوجة و غير كداا والله م عارفه اقوليكم شنو ، بس انا بالنسبه لي ما مرض يمكن لاني لحقت نفسي و الزول مرات بيعمل الغلط لمجرد انه اتعود عليهو بس انما لو هو اخد قرار بينه و بين نفسه بيقدر يتجاوز ويبقي انسان طبيعي زي م انا عملتا .. المهم مافي شي يذكر الي اليوم الثاني اللي هو السادس من بعد اللي حصل ..
صحيت الساعه 10 تقريباً وانا مواعيدي الساعه 11، فطور ما فطرتا ، طوالي خشيت في الطقم الجديد و اتمكيجت و اتريحت و طلعتا ..
بعد طلعتا اتزكرتا اني م عارفه العنوان ، مسكت الكرت دا اقلب فيهو فوق تحت م عرفتا ، حاولتا طلعت الرقم بالقوة من سواد شاشتي ، و اتصلتا سالت عن العنوان ..
و ركبت لي امجاد ،،
وصلتا ، ياهو بتلفت زي اي زول بمش مكان جديد عليهو ، المهم جاي جاي ، دخلتا و بقيت اسأل من زول لي زول ، لمن وصلت للبت الردت علي زاتا ، قعدتني و بقيت منتظرة ، لمن قعدتي طالت ، قلت ليها هو لسه ما جا ؟
قالت لي جا لكن معاهو المدام ... اوووووف قلت ليها بخلعه قصدك دكتورة مني ؟
قالت لي ايوة انتي بتعرفيها ؟ قلت ليها حق المعرفه ، قالت لي فتحت عيادة جديده جمبنا ، قلت ليها غير الفي مستشفي المبرء ، قالت لي ايوة ديك جات دكتورة تانيه في مكانا ، قلت ليها طيب طالما معاهو المدام اخليه ياخد راحته حقوم افطر واجي ، قالت لي الا تفطري معاي عندي استراحه بعد ربع ساعه ، قلت ليها لالا ، قدر ما حاولت اتملص منها مسكت فيني بس حست صوت دكتورة مني قريب ، طوالي قلت ليها بمشي الحمام و اجي و جريت .. بقيت بفتش لمن لقيتو ، دخلت بس واقفه قريب ربع سااعه ، اخر شي اتمناهو اني الاقيها .. بعدها طلعت و رجعت مكان البت ، قالت لي اتاخرتي مالك ؟
قلت ليها م كنت عارفه مكانه وجازفت لمت لقيتو اها الدكتورة مشت ؟ قالت لي ايوة
قلت ليها خساااااارة كنت حابه اسلم عليها ، قالت لي مرة تانيه ، بعد دا اتفضلي الاستاذ منتظرك .. خبطت الباب مرتين حتي دخلتا
لقيتو متعصب لمن نفسه دا قايم ، حاسه اني لو قلت ليهو سلام عليكم ممكن يكشطني كف يلصقني في الحيطة ، وهو مقبل بزاوية يعني م شايفني ، بقيت اقول اححم احم استاذ عمر . هنا عاين لي و ابتسم ، قالي هديل ؟
اقعدي اقعدي ، قال لي :
_كويسه انتي ؟
*شديدة حمدلله
_دايماً يا رب ، لكن صراحه زيارتك فاجأتني
*والله كنت حابه الاقيك ضروري و م عرفت القاك وين وكيف بالصدافه لقيت الكرت
_طيب حمدلله انك لقيتي الكرت
*طيب يا استاذ عمر ، العلبه دي انت جيت لحد بيتنا و هدي اختي استلمتا منك و هي م عارفه فيها شنو ،ولا انا لحد ما فتحتها وحصلتك برا لقيتك مشيت ، انا بس جيت ارجع ليك شي م من حقي ..
_كيف ما من حقك و مرتي كسرت التلفون؟
*داير تغرم لي اغرم لي واحد زيو م تجيب لي حاجه ولا بتجي بجمبو ، ولو ماا وضعي م بسمح لي اشتري تلفون انا اصلا ما كنت حقبل العوض ..
_طيب انا دا اللقيتو واشتريتو و ما ناوي اشيلو
* ولا انا حأشيلو ... عن ازنك
_هديل هي هي لحظة انا لسه قاعد اتكلم معاكي عايزة تطلعي تخليني وانا بتكلم كدا م صح
*طيب انا جيت عشان التلفون واتكلمنا بخصوصو انت قلت العندك وانا قلت العندي
_اقعدي
*عايزة امشي
_ هديل اقعدي
*طيب
_قبل كدا انا عرضت عليكي تشتغلي هنا و قلتي م عندك شهادة و انا لسه عند كلمتي تدربي و تشتغلي ..
*بس ....
_لحظة م تقاطعيني خليني اتم للاخر ، خلافك مع زوجتي شي حصل وانتهي و الحصل داك زاتو انا م لي دخل كلها مصايب مرتي علي قول امي ، المهم انتي محتاجة الشغل دا و انا حأوفرو ليكي و مافي زول حيضايقك ولا يزعجك انتي انسانه كفاءة و بحسك قدر المسؤليه ، مرة وحدة بس اتعاملي بأنانية و فكري في نفسك وبس ..
* طيب موافقه ..
_طيب بما انو الليله الاربعاء تنزلي من اول الاسبوع الجاي ، حتبدي من 11:4 و ممكن 3
*جدااا ..
_و وجدان القاعده برا دي حتساعدك
*خلاص تمام .. يلا بعد دا انا حأمشي
_وانتي ماشه شيلي معاكي العلبه دي
* يا استاااذ ..
_هديل ارجوكي والله مصدع عليكي الله اسمعي الكلام ...
*طيب .... مع السلامة
_في امانة الله ...
يتبع....
