غريبة هِي الأيام .. عندما نملك السعادة لانشعر بها ونعتقد أنّنا من التعساء. ولكن ما أن تغادرنا تلك السعادة التي لم نقدرها حق قدرها احتجاجاً ربما علينا حتى تعلن التعاسة عن وجودها الفعلي فنعلم أنّ الألم هو القاعدة وماعداها هو الشذوذ عن القاعدة ونندم ساعة لايفيد الندم على ما أضعنا وما فقدنا.
دك جرس الباب..
Hi..add..
Joseph..send u these pakeg..(جوزيف ارسل لكي هذا الطرد..)
سالي ..استلمتة..حطيتة كدامي..خايفة ..افتحة..
رحت ..غسلت..وجهي..
ورجعت اخذت ..صفنة..
رن الهاتف..
رديت..
الو...الو..
جوزيف: هاا سالي وصلج..
سالي..وصلني...بس خايفة افتحة..
جوزيف..اكو احد مهددج..
سالي..
لا ..جوزيف..تكدر تجي نفتحة سوا..
اني صدك محتاجة دعم..
جوزيف..مو رايد روحي..
خاف خاليلج..جمرة خبيثة..واروح بيهة..
سالي..تعال صدك ..جوزيف..
جوزيف: اكمل ...شغلي..وامرلج..
سالي..رح انتظر..
....
مفتحت الطرد ..فرشت رسايل سارة وكعدت اقرا بيهم..
...
رجعت بالذاكرة..
...
فتت ..للحمام لكيت سارة كاعد تبجي..وناس تطلع وعلامات الأسئلة ع وجوهة..
سالي: سارة ..شبيج..
شنو ..صار..احد تعرضلج..
حضنتني .. زاد بجيهة..
سارة: سالي..ابوية ..توفى...
سالي: شنوووو...
امي خابرتني كالت صار اسبوع بالمستشفى والبارحة توفى..
شون بية سالي..ابوية راح..راح وتركني..راح..سندي بالدنيا..
سالي...الله يرحمة ...كومي..نروح للبيت...يلة.. كومي..وجه سارة جان حزين حيل..وتعبان..ولاعبالك ذيج البنية المطيورة...والمليئة بالسعادة والفرح..
طلعنا مصطفى جااان ضايج حيل..
بس من شاف..سارة ..جانة بسرعة ..شبيج..سارة..شو ..صار..
سالي: خابروها..ابوها متوفي..
مصطفى..الى رحمة الله..
سارة..
الله يصبركم..
سارة: لازم ..اروح ..للعراق..
لازم احضر دفنة ابوية..
سالي: سارة ...اعرف ..انتي حزينة وتعبانة ومقهورة ع ابوج..بس متكدرين ترجعين للعراق يااشرون ع جوازج..وكلة مو بصالحج
...
سارة..لعد ..شون..اعوف..امي..وحدها.
سالي..مو كلتي عمامج وخوالج موجودين..شرح سوين انتي..
سارة..سمعي ..كلامي..وامج..شهرين بالزايد يمج..
انتي كلتي..
ابوج الله يرحمة..مرح تفرقين شي.. اذا رحتي..
سالي..بالنهاية قنعناها متروح..وتخابرت ويا امها..
وكالتلهة ..مكدرت تجي..
رجعنا لحياتنا..وشغلنا..
بس ..حسيت سارة ..الحزن مخلص بكلبهة..
بعدها حزينة وتعبانة ..مكسورة..
مصطفى ..طبعا ويانا...
بيوم..دترتب..سارة الغراض...ووكع كل شي وانهارت ..
جنت واكفة بالكاشير..وشفت بالكاميرا سارا..
مكدرت اعوف شغلي..
عين عالكاميرا وعين عالشغل..
خف شوي سلمت ولد ويانا..
رحت ركض..لكيت..مصطفى كاعد ..يم ..سارة..
وكفت اسمعة هو يحجي وياها
مصطفى..خلص..
سارة ..اتركيهم..جان لازم ايديهة..
ويحجي..
خلص..اخذي نفس عميق.. وارتاحي..
سارة: اني حاسس ..بمعاناتج ...
تعرفين ليش..
لان ابوية توفى واني عمري ١٢سنة..وعافنة لابيت ولا راتب..
اظطريت اشتغل واتعب عمود اساعد امي ..بالعيشة..وعمود خواتي..
كل مااشوف..احد..ويا ابو..
اضوج..واحس..عمري..ضاع..تمنيت..ابوية موجود..عمود يوفر..الي..الاشياءجنت بحاجتها..
بس ابوية مات..واني بعدني ..عايش..
رح اظل اذكرة..
بس مااعيش روحي بالحزن..لان ميخلص..ابوج كبرج وسواج ..سافرتي..وصرتي كد حالج..
اول مرة ..اشوف مصطفى حاضن سارة ويهون عليهة واني احس نار حرقتني..زين شعلية اني ..شو دخلني..
يمكن خفت ع سارة من مصطفى..بس لا..اني..خفت لا مصطفى يروح لسارة واني..ممنطيته ريك حلو..قاطعتهم..ببرود..
سارة..شبيج..يمعودة..صار شهر ع وفاة ابوج..
الله يرحمة..
داري شغلج..لو يلزموج الباب..
يلة روحي غسلي وجهج..وتعاي..لمي هاي الهوسة..
سارة..اومااات براسهة..ماااشي..راحت..
مصطفى ..باوعلي..بنظرة ..غضب..
استهجان..
سالي..شكو..
ماعندج ..احساس..
سالي...شنو هالحجي..
مصطفى..دتشوفيها منهارة..بدل ماتواسيهة..تهجيها..
سالي..دا اعلمها ..الحياة هنا اذا استسلمت تنكسر..واني اريدهااا..قوية..
سلامة كلبك الرهيف..
سيد مصطفى..روح على شغلك..
خل ارتب ..الهوسة هاي اني..وصديقتي..
صدك انقهرت داخلي من حجية..بس الدنيا علمتني ماانزل دمع..ولااشوف الناس حزني..والمي..
مرت ..ايام ع سارة كل ماتحجي..ويا امهة تبجي..امهة لازمة عدة
صار اربع اشهر..
المفروض جددامها ترجع لتركيا ...تكمل اجراات..
بس خوال سارة مقبلو يخلوهة سافر..
وكالتلها ترجع لبغداد..
لان خوالها ميقبلون وهي متكدر تعوفها..
لهذا خيرتهة اما تزوجين..او ترجعين..
بدينا رحلة البحث عن عريس لسارة..
كل ما انيشن ع واحد يطلع مو ضمن مواصفات.. سارة جانت مامتحمسة..لان تخاف..من الزواج وتبعاتة حمل ولادة..
ظلينا فترة اني وياها..ندور..
وهي الفطيرة كل واحد تنعجب بي تحبة كبل..
مصطفى ...كل مايتقرب مني ابعد..
لحد مايوم دز اياد..عمود يجس
نبضي..عمود ..اقبل..كتلة..مااريدة ولاحاسة شي اتجاهة..وخ يعتبر موضوع بينة ميطلع الله يوفقة ويا غيري..
كانو ردي..جان ضربة قوية الة..
مجان ..متوقعها...جان عندي ..طموح..مردت ارتبط بواحد محدود الخيال..
مصطفى: هاا ..اياد..شكلتلك..
اياد: مصطفى ..كتلك..هاي وحدة شايفة روحهة ..وخشمهة يابس..
لا تتورط وياها..
شوف غيرها..
مصطفى..بس..
اياد..مااعتقدتك ضعيف..ومهزوز..
لاتنهار..هي خسرتك..
مصطفى.. لازم تدفع ثمن كل لحظة حزن عيشتني بيهة..
مرت ايام..حاس وجعي ماخف زاد..وهي طبيعية وباردة واكثر هي مو مهتمة ولاحاسة بناري..
سارة: مصطفى..انت بيك ..شي..مو على بعضك..
مصطفى ..ماكو شي سارة شوي ضايج..
سارة: محتاج ..فلوس..
مصطفى..بعصبية ..ليش انتي... وسالي..ماخذين علية هاي النظرة ..من رخصتج..
سارة: اني ..اسفة مصطفى..حسبتك اخوية ..ومااحب اشوفك مضايق..من رخصتك..
