تعرفين سالي..شنو اكثر شي حبيته بمصطفى..حبيت تناقضاته..ساعة معرف..اني خنتة مهتم..كالي الي سويتي رح يضرج وحدج..حتى اذا اجة أحد يخطبج ويعرف الي سويتي محد رح يدنالج..بس اذا كررتيهة..تحلمين شوفين اولادج..بالرغم هو لاتعبان بيهم..ولابتربيتهم..
لمن اكتشفت المرض..ترددت اكله..خفت ميصدكني..خفت..لايشفق علية اويفرح رح افتحلة طريق..وياج..بس لمن عرفت أن المرض..استفحل..ومأكو.. فائدة..اذكر..يوم جنت رايحة دا اجيبايلا من الروضة واحس..غواش صار بعيوني..
يمكن انصدمت السيارة..مااعرف..لكيت روحي بالمستشفى واول شي اجة بالي ايلا..وحدة بالروضة
محد جابهة..تهسترت وكتة وطلبت من الممرضة تنطيني فوني..اخابر..
شفت..مصطفى بوجهي انصدمت خلص عرف..بكل..شي..
مصطفى. انت..شجابك..انت. .
محسيت الابحضنة قوية من مصطفى وبجة بجي..قوي..تمنيت..لو متمرضة من زمان..بلكي..يحن عليه..بس حضنتة مو حضنة حبيب..حضنة اخ صديق..يمكن..وهاي المرة تأكدت جكد جنت غلطانة وانانية بحقكم انتو الاثنين..اني منطيتج..مجال..حتى تبرريلي..لان جنت متأكدة اذا بقيتي.. مصطفى..رح يظل يحبج...لا عبالج اني غبية ومااحس. .بس تصرفت..تصرف..وحدة..رادت تحافظ ..على عائلتها..
خفت لاابقى وحيدة..خفت..لااشوفكم سعيدين والغيرة.. تكتلني هواي مخاوف داخلنا بس شنو فائدة الحياة إذا نكضيها بخوف..وتخسر اقرب الناس النا..متأكدة لو باقية مرح تقبلين بمصطفى..عمود لاتقهريني..بس ..اسفة..اني احس وإني اكتبلج رح تكرهيني ويمكن تلوميني..بس عمري مفكره ااذيج..
بس غبائي..هو السبب..
دا اعيش..ايامي الأخيرة..وصديقتي مو يمي..اكيد..انتي كلش..زعلانة..بحيث..مرديتيلي..ولارسالة..ممتعلمة على هاي القسوة منج..
بس اني استحق..الي صار بية.. مصطفى انتقل للبيت وجهالة نافرين منه...
ماعدا ايلا..
تصورين.. مصطفى مقبل انزل ايلا..لم عرف حامل..
كتلج مصطفى متناقض..ويا روحةووياية..
سالي..اكثر شي اخاف علي..انو اولادي يوكعون ويا مرة اب مترحمهم..أو متكون ناصح..حكيم..الهم..
لهذا لاتتخلين عنهم..سالي...ولاتتخلين عن مصطفى لان يحبج..كلش..
سالي..انتي وإني ..وهو..تعبنا هواية..
اني نهاية تعبي راحة الموت..رح اخلص من اوجاعي..والحقن والجرعات واودع هذا العالم..بس..انتي..وهو..تكدرون ..تكتبون نهاية سعيدة الكم..واذا مانكتب هالشي سالي لاتتخلين عن اولادي لاتخليهم يضيعون وحدهم..
امي جانت تكلي الرجال اذا ميحب المرة ميحب جهالهة..
ومصطفى..ميحبني..
سالي: شلت رسالة سارة مكملتها..واخذت نفس..شسوي اني بهالحالة..
لاكادرة اخذهم ولاكادرة ابقيهم..هو هذا الشهر الي كعدت وياهم نظمت حياتهم..
هيلين بدت تسمع كلامي وتستشيرني..
ميار ..بدأ يترك التاب الي تعب عيونة..
ايلا..فراشتي..احلى شي بالدنيا..اني مو كادرة أتخيل حياتي بدونها..
فركت..عيني ..من التعب..كمت غسلت وجهي..وبدلت.. ملابسي..
احسن شي استشير جوزيف.. بالموضوع..
نزلت..وخطف..نظري..ع نفس القنفة..نايم عليها مصطفى..ماكو..شفت خوانة صبحت عليها ..الجهال بعد مكاعدين..صعدت صحيتهم..كعدو اكلو شي خفيف..وكلمن ع مدرستة وايلا..للروضة...
يلا..ايلا..خ نطلع..وإني بطريقي دا اوديهة ..اكو بيت معروض للبيع نفس الشارع..الي بي بيت سارة..
وصلت ايلا..ورجعت للبيت..
بدلت ملابسي اليوم عدنا اجتماع ويا شركة الغاز..
ولازم اتحضرللاجتماع..
بدلت وشلت شعري..ولفيت..حجابي..نزلت لكيت ..مصطفى كاعد وهو هم مبدل ومتحضر يطلع..
رفع نظرة الي جنت لابسة رسمي..
ورجع نزل راسة..
وكاعد يشرب قهوتة..
شاورت خوانة..وكتلهة رح اتاخر..لازم تبلغ.. مصطفى. .يجيب ايلا..من الروضة..
استغربت ..وباوعت باتجاه مصطفى..هياتة..ليش متكوليلة انتي..
خوانة..مثل موصيتج..
جنت لابسة نظارتي الشمسية داخل البيت خايفة يشوف عيني ويكشفني..
طلعت..
نزل..قهوتة وقال:
على وين العزم....
سالي:نععععممم..ويايا تحجي..
مصطفى متانقة ولابسة..اكيد اكو مناسبة ورا كل هذا..
سالي: ابتسمت..اولا..مو مبهذلة يومية دا تكولي ليش متانقة.. صح حقك الزبائن العندك لبسهم..وكاله منا ومنا..فعبالك كلمن حضر روحة ورا شي..
مصطفى:بداخلي ..هههه..جلبت...مرح تنسى ذيج البنية ابد..اريد افهم..هاي غيرة لو شنو..
مافهمت..
وثانيا..هذا شي ميخصك..وين طلعت وين رجعت ..
مصطفى: لاتنسين..احنا ملتزمين بجهال..
سالي:جهال..الي يسمعك يكول جهالي..مو جهالك..
وكت مصير الوصاية يمي..ذاك الوكت..اني ملزمة انظم اموري وياهم..
هسة هم جهالك وانت ملزم بيهم..واذا مو حاب تكدر تتنازلي..عن الوصاية..وتكدر تأخذ راحتك..وين تروح وين ترجع ويامن تسهر..انت
مصطفى..والمناظر..ليش متنزعيهة..وتحجين..
ماكو شمس..بالبيت على مااعتقد..وخرت المناظر...
شتريد ..انت بعد..باوع بعيوني..مبين سهرانة وتعبانة....
ظل صافن..
كمت وكتلة..لاتنسى جيب ايلا..من الروضة..الظهر..
باااااي...
لبست نظارتي وطلعت..
طلعنا اني وجوزيف..ورجعنا الاجتماع جان قصير مو مثل متخيلتة بسرعة لمينا الشغلة..بعد اكو فراغ..كتلة لجوزيف..ع فكرتي..يكون بيتي قريب عالاولاد..
رحنا شفنا ..صح صغير بس حلو ومرتب..
اتفقنا ناخذة..
هيج ابقى قريبة من الجهال..
مصطفى..جنت مار من الشارع وشفت سالي..وجوزيف..كدام بيت معروض للبيع..هو هذا الشغل الي قصدت عنة..يشترون..عش لحبهم..
وتكول اجتماع.. مبين عليهم فرحانين...
خابرت ع روضة..ايلا كتلهم يخابرون سالي..عمود ايلا..
سالي: ماشي اتفقنا..بأجر اجيب العربون ونتفق..
الحمدلله خلصتي من شغلة ...بعد بس تحصلين أمر الوصاية..
جوزيف مو حابة أخذ الجهال من مصطفى..لحظة تلفوني يدك
جوزيف:هاي منو؟
سالي: هاي روضة ايلا.. مصطفى ..كايللهم يخابروني
مع اني وصيت مصطفى..وكلت خوانة تذكرة..
هسة جنتي شايله همة وخطية..باوعي ..مو ناقصتك جوزيف..امشي نجيب ايلا..
وصلنا للروضة..
ركضت..ايلا..خفت كتير..
استلم يوميةجايتني بمفردة...
احب اعرفج ع صديقي جوزيف..
اهلا وسهلا..
يلا تعالي نوصل جوزيف..وروح..
ماشي..
مصطفى ضليت انتظر مرجعو وصرت أعصاب اخذو جهالي..خسرت كل شي...
رحت شقة جوزيف..ماكو...
مشيت بالسيارة لمحت سيارة سالي..
كدام سوبر ماركت..
دخلت اباوع من بعيد..وهم فرحانين..ومتفاعلين ويا سالي...
عرفت اني خسرت كل شي ساعتها..
طلعت. توجهت سيارتي للمجهول وكفت كدام بار ومااعرف ياساعة بقيت...
سالي: الجهال جانو حابين يسوون عيد ميلاد لاابوهم...حضرنا كل شي وانتظرنا...بس مااجة الجهال نامو ولملمت كل شي...
ياترى وين راح..
ظليت انتظرة لحد مااجاني تلفون...
الو. نعم..اني هي..
مدام زوجج تعرض لحادثة وحالتة خطيرة...
شنوووو..مصطفى..لا...
للقصة بقية...
...................
لاتنسون التصويت عالبارت اذا اعجبكم
