هااا چوزيف.. شلونك.. مبين السفرة حلتلك.. شوكت ناوي ترجع..
وشنو الموضوع ردت تكوليا...
تمام .. تمام.. لاتشغل بالك.. كل شي تحت السيطرة.. واني ومصطفى قررنة ناخر العقد المدني .. ع كومتة بالسلامة..
تعرف مصطفى ووضعة.. لازم .. وقت..
شغل.. يمعود اني محتاجة احد يساعدني بالشغل..
مااكدر احك راسي ..
الله كريم.. اني هم وصلت للبيت ..
هههه.. كلش يحبك جوزة.. هههه.. لايمعود شجيبلة هدية خلينا بلا مشاكل...
يلا.. باي..
هلو .. خوانة..
رح اتاخر بالرجعة الظهر.. اعذريني مااكدر اساعدج..
رح اسلم على مصطفى واطلع..
شبيج خوانة.. اكو احد يم مصطفى..
مدام.. مداااام...
هذا الباب ليش مقفول.. منو ققلة..
دك... دك.. دك.. مصطفى.. مصطفى.. افتح الباب..
خوانة .. منو .. اجة.. دا اكلج.. منو جوة...
مدام .. والله.. مو اني.. هي.. هو..
اكو وحدة جوة..
هنا الصدمة.. مصطفى يخوني.. ليش.. يخوني..
جيبيلي مفاتيح الاحتياط.. انفتح.. الباب..
انتي.. شجابج هنا بيتي ..
لزمتها من سترتها.. اا شفتج متقربة ع بيتي او ممتلكاتي اكتلج فهمتي اكتلج.. طلعي برة .. برة.
طلعت .. طلعت.. بس راجعة.. اكيد وبشوفي..
فتت للغرفة .. مصطفى ساكت.. وداير وجهة..
جنت ارجف من العصبية..
ممكن تكلي.. انت شنو .. شنو عذرك.. هسة... انت شنو الخيانة بدمك متكدر..
اطمني.. اني لااكدراخونج وياها ولا ويا غيرهة..
مو هذا الشي الي صارلج فترة تتهربين عمود لااعرفة.. شوكت .. جنتي ناوية تبلغيني ست سالي..
لحظة .. لحظة.. انت تحاول .. تگلب الي سويتة علية اني..
اسفة.. اسفة.. سيد مصطفى.. طلعت عاجز كدام الانسة وانهارت رجولتك..
لك انت شنو .. فهمني.. اني شسويتلك..
رفضتك رحت زوجت صديقتي عمود ضوجني..
رحت نمت وياها وانت تمثل عليه الحب وعديتهة كلت مالي حق..
بس اني هسة زوجتك.. زوجتك.. انت شون تكون حقير لهالدرجةجيب وحدة لبيتي.. بغيابي..
تخوني.. بس عمود تتاكدمن روحك.. انت شنو..
شايف الصار اليوم عمري مااسامحك علي ..
ولهنا انتهينا.. انتهينا .. فهمت..
وحانت تلك اللحظة .. الي كان عقلي يحذرني منها.. هسة بهالدقيقة حاسة بركان يحرك بجسمي حرك..
ركبت السيارة وطلعت بيهة.. وصيت ام صديقة ايلا توصلها.. ورجعت للبيت بوكت متاخر لحد هسة وجه مصطفى .. بالي.. جان خالي من اي مشاعر .. لافرحان ولاندمان.. لا عصبي ولاهو هادي..
دخلت للبيت.. لكيت مصطفى .. كاعد ينتظر.. سويت روحي مشايفتة.. دا اصعد..
وين جنتي..
رجعت دا اصعد.. دااسالج وين جنتي .. ديحين بهالوقت..
هاي اول مرة يتجاوز علية.. مصطفى رجعت نزلت وتقربتلة..
ماكو واحد دايح غيرك انت..
لزم ايدي.. دير بالج تمديهة اكسرهة.. لاعبالج كاعد مبية اتحرك..
سالي:شايف انت هسة ينطبق عليك المثل الي يكول اللي استحو ماتو..
بس اني ليش استغرب هذا انت.. عمرك متغيرت..
احسن مااتعب روحي وياك.. بس حسافة..
جنتي يمة..
مثل كل مرةتطلعين تروحيلة..
رجعت خطوات.. كلمة ثانية وميصير خير فاهم مصطفى .. اني اشرف منك.. ومن عشرة منك.. عمري مخنت احد.. عمري.. لان الخيانة طبع الناس الحقراء واكيد اني مو منهم.. جنت بالمطعم من الصبح وضيعت ساعة بالسيارة كدام.. البيت.. اذا مصدك خابر واتاكد.
صعدت واني شايفة هذا الحلم الحلو تحول الى كابوس ..
دخلت غرفتي لكيت البنات ينتظروني.. وخايفين..
اني اسفة خوفتكم بس جنت.. تعبانة.. وجان لازم. اكمل شغلي..
هيلين :احنة نعرف الي صار سالي ماكو داعي.لاني احنا جينا عمود نكون وياج..
ذبيت جنطتي وفتحت ذراعاتي الهم وغطيت راسي
حضنوني بنات .. لاني تعبانة.. مانزلت دموع بس حضنتهم نستني شوي.. جنت نايمة وايلا وهيلين يم راسي .. وكل وحدة لازمة ايد..
ايلا..كان لازم ضربي على راسة..
سالي:عيب ماما.. لاتحجين هيج على بابا..
هيلين:هاي انتو البنات هيج قشامر.. ماما هم جانت تكلي.. عيب ماما لاتحجين على بابا.. بس اني هذا الرجال مااحب يكون ابوية..
شون يصير ابوية وهو مو محترم عمرة..
هييييييلين..
كافي ماما..
شنو كافي سالي.. واني اكول عليج قويةطلعت ماما اقوى منج بااضعاف عالاقل من جانت تعرف بابا خانها تروح تطلع وتسهر لو تغير لون شعرها جانت عايشة مو مثلج كاعدة بائسة ومخلية الجهال تنطيج نصايح بالحياة..
يمة .. مسوين علية فضل .. بنات سارة ..
اني مكبرة راسكم .. وكاعدة احجيلكم .. ظليت اركض وراهم .. ويمكن تعبي والمي نسيتة واني اسمع ضحكاتهم.. ونامو بحضني ليلتها.
اول مرة انتبه شي عمري.. ماانتبهت علي.. اني ليش ماعندي صديقات ماعندي احد ممكن من احتاجة ابكي ع جتفة.. ماعندي صديق غير جوزيف..
وميعتبر كلوز فريند بالنسبة الي.. اكو اشياء صعب احجيها.. جانت سارة هي صديقتي واختي وصندوق اسراري.. اول مرة انتبه لروحي اني لما سارة جان حياتي .. صارت بدون ملامح.. بدون الوان بدون ذكريات هي منحتني السعادة ب
دون مااحس.. وخلتني اعيش احساس الامومة الي مجنت رح احسة طول حياتي..
هسة .. بهالدقيقة وبناتي بااحضاني.. اي هو هذا الشعور الي حاستة واني حاضنة ايلا وهيلين ومدفيه بحبهم وحنانهم.. مع ذلك احساس الخيانة والخذلان يوجع.. اللحظة جنت خايفة منهة.. عشتهة وخلص.. اني وحدة حمقاء بكل ما للكلمة من معنى .. سحبت ايدي من البنات... وغطيتهم..
ورجعت الى صديقتي الي مبقى منها بس رسايلها الي تلمس بداخلي مشاعر تعبتني..
🌹🌹🌹🌹🌹
اه ياصديقتي اكثر احساس يوجع هو الخيانة .. احساس بطعنات بكل جسمج يمكن تكرهين انو هاي اللمسات انطبعت بجسمج.. هي نفسها بجسم غيرج.. كلمات جنت تعتقدين انكالت الج وحدج.. بس هي بالحقيقة انكالت لعشرة غيرج.. قبلج وبعدج..
بس لابد تنسين هالشعور وهاالاحساس.. وتهربين بعيد عنة.. لان هذا الجرح اذا ماداويتي رح يظل ينزف وينزف.. ويدمر كل ثقة داخلج..
لهذا هربت للسهرات والحفلات وكعدات وصديقات جدد مو صديقات رفيقات. ونسة..
حاولت اغير من نفسي عمود نفسي .. جنت اعتقد مصطفى يخوني.. لان ميحبني .. بس الي يحب احد ميخونة ولايفكر بالمتعة اذا هو مموجود ..
عرفت انتي ليش رفضتي..
لان انتي انسانة ذكية عرفتي تتفرسين مصطفى وتعرفين مصطفى الحب عندة ميتجاوز غرفة النوم واذا اكو بديل.. عادي.. اكو من يفرغ بي رغباتة..
ياريت مثلج اني سالي واكدر مااحب .. واتاثر..
دير بالج على روحج سالي. ولاصدكين برجال. لان كلهم خونة..
وميستاهلون التضحية ولا الحب..
..... ...... ......
ياريتج سارة موجودة عمود تعرفين صديقتج ووكعتها.. الي ميسمى عليها..
حسيت كل مشاعر الغضب تراكمت داخلي.. مو عارفة . حاسة بغضب مضاعف.. خلاني انفعل واتوتر.. اكثر..
ردت افرغ شحنات الغضب.. داخلي..
مو كادرة..
احس بضيق.. داخل روحي..
باوعت الساعة 3بالليل.. لبست سترتي.. وجريت المفتاح..
احسن شي اطلع..
مااكدر... ابقى..
نزلت بسرعة.. باوعت الضوة مال مطبخ مشعول..
عبالي خوانة كاعدة..
جان مصطفى صافن.. وعلبة القهوة بالكاع.. واكعة..
المطبخ.. كانو صاير بي اعصار..
الظاهر .. هو .. السبب.
كلت اعوفة.. واطلع..
صاحني.. وين رايحة.. سكتت وغمضت عيوني واني احجي بداخلي لبسي لاتهتمين ...
مشيت خطوات.. حجة..
طبعا.. انسان عاجز مرح تهتمين حجية..
مشيت خطوات ثانية..
انتي ليش قبلتي تزوجيني بهالسرعة..
شفقة.. لو مصلحة...
اهنا وكفت.. ودرت وجهي..
مشيت بسرعة..
مصلحة.. مصصصلحة .. مصطفى..
دير بالك .. دير بالك .. تشوفني هاي النظرة..
نظرة الانسان الفقير الساذج المغلوب على امرة..
دير بالك.. تسوي هيج.. عمود تاثر علية.. وعلى مشاعري..
تستهتر بكل دقيقة .. قضيتها واني انتضرك عمود سامحني.. بس على شنو سامحني.. واني مو غلطانة.. تاذي روحك واني ادفع الثمن تزوج من شخص ماتحبةوعود تتعذب وانت كاعد تخدعه.. وتكرهني بنفسي.. كرهتني بنفسي مصطفى كل دقيقة صديقتي عايشتها جانت وياك نخرت بعظامي نخر..
هربت وكلت ابتعد بلكت الذنب يخف..
كامت روحي تثور علية ويحرقني احساسي بالذنب حبك الي.. وصديقتي الي ماعندي غيرها .. وتركتها محطمة .. وهي تحجيلي خياناتك.. وبرودك..
وههههسة.. تريد تعيشني نفس الالم .. وتستغل مشاعري وضعفي كدامك انسى.. انسى .. اني .. ارجع.
الساعة رح توكف على رجليك.. اني رح اتركك للابد.. واترك عالمك واحاول الملم روحي بلكي تشفى من عذابك انت..
وليش متروحين هسة.. روحي .. ولاترجعين..
اني مااتحمل شفقة من احد.. ولااحسان.. انتي شايفة روحج ملاك..
بس مسالتي ر وحج ..
انتي شسويتي بية..
استغليتي مرضي وحولتي وصاية الجهال.. بااسمج..
والمطعم.. والوكالة.. الزواج .. جان اتمام.. عمود كل شي يصير تحت سيطرتج ومن الناخية القانونية.. انتي بالسليم رجال ومرتة متفقين.. اكيد مرح تبوكة..
محامية وحسبتيهة صح..
وكوشتي على كل شي بضربة حظ...
انت .. شدتحجي.. شدتخربط.. انت.. اني ضميت عليك عمود مصلحتك .. مردت تنصدم..
بس شكو احجي واتعب نفسي.. انت لاتحتمل انت واحد ميفيد الحجي.. محضر الاتهام ومقتنع بي لو مو اكلك واقنعك.. باجر يجي المحامي مالك وهو يكلك الوضع
رجعت صعدت...
منو بعد يعرف بحالتي...
جوزيف يدري.. مو..
سكتت وتبسمرت مكاني..
جنت اعرف..
سالي... انتي طالق...
للقصة بقية..
🌺🌺🌺🌺🌺🌺🌺
امتع الاوقات ارجوها لكم..
لاتنسون تسمعوني ارائكم وتعليقاتكم ..
والتصويت على البارت اذا اعجبكم...
منو بعد يعرف
