صديقتي العزيزة

البارت ١٧

الناس شايفيني مرة ماانكسر..مااهتز ماانتفض...ماتهزني كلمة شوگ..ولاتهمني كلمة حب..
شايفيني تمثال جليد..مايحس..بس نسو اصل الجليد ماي..والجليد لابد تشرق شمس.. كفيلة بدفئها تذوب الثلج گد ماجان صلب..هذا الي صار ويا مصطفى..اني كلش حابتة ..عاشقتة بس عايشة بتناقض وصراع دائمي بين كلبي وعقلي..
كلبي يگولي طيري وحبي..
وعقلي يگلي لاطيرين..توگعين على رگبتج وتنكسرين..
اول ميتقرب لي مصطفى...أحبة..واحس داخلي هيج كلوب مشتعل..ومنور السواد بداخلي..بس كل ما زاد القرب..أخشى..أخشى مأاخشاه أن أكون بحياتة..مجرد نزوة بس ياخذهة ينساني..
زين شون اتقبلة وهو متزوج صديقتي.. لا..اختي..
سارة طول عمرها اختي..اني هيج شايفتهة..
مااريد اشوف..غير هاي الشوفة..
بس اني احب مصطفى قبل حتى لاتزوجة سارة..وهو هم يحبني..
ظليت الطريق كلة ..احجي ويا روحي..لهذا قررت اعيش الحب..هو هذا قدري حقي اني هسة اجة عندي..
ومرح اضيعة..
فتحت الجكمجة مال سيارة كلها اقراص مال كاظم الساهر اعرف مصطفى يحب كاظم ..جريت قرص جان بي اغاني المستبدة..حطيتة وكعدت أتخيل مصطفى وهو شايفيني المستبدة..
وبدون وعي مني بديت أردد ورا الاغنية واعيد بيها صعدت ايلا..
وفتحت عيونها...
هااااااي..شنو.ااااغاني..انتي..سالي...
نفس اسلوب ابوها..
اني اسفة مدام اني غلطت مو انتي سالي...
اموت عليها حبيبتي..
جاوبتها وإني اضحك..تعالي صعدي لج ملعونة..
الظاهر ايلا هم تحب كاظم..والطريق كله اني وياها ندندن بااغاني كاظم..ومن نزلنا كتيلها..
باوعي ايلا:رح ننزل..بس لاتكولين لااحد جنا نسمع اغاني..
ماشي ..يلا ننزل ..جريتها من أيدها..
باوعي ايلا..اليوم اريدج..يمي وين ما اروح..لزكي ابد لاتعوفيني أحد يدزج يكلج...روحي ابد لاتعوفيني..
ماشي...انزل لو تكولين شي ثاني ..
لا حبيبتي مااريد..
ها خوانة شونج..مصطفى كاعد..لو نايم..
نايم..اعتقد سنيورا...

ماشي  ...رح اصعد ابدل وانزل...
بدلت ونزعت حجابي..وفتحت شعري ..ذكرت لمسات مصطفى علي ..لان حبة..
خلص ماكو.داعي البس بعد..
كملت ونزلت ..راسا ايلا نبهتني على حجابي..

سالي ...حجابج..
عادي حبيبتي بالبيت..
و..بابا....
بابا..هم صار عادي لان تزوجنا..والشيخ..كال ميخالف كدام بابا..
امممم.  هيج احلى ماشي امشي نساعد خواننة ونكعد ابوج. 
بس اني اريد العب..
ايلا.. مو اتفقنا متعوفيني اليوم..
ابد
روحي كعدي بابا انتي سالي هو يحب هيج.
شنو يحب هيج..
البارحة لزمتة جان يكلي جيتي حبيبتي..
هههه. وشكو بيهة يكول بنوتة حبيبتي..
لاااااا... هو كالهة.. ههه..
شو ضحكين...
معلية اروح العب انتي كعدي بابا وتعرفين..
يمة .. ذولة بلة موجهال..
هاا.. خوانة.. كمل الغدا ؟
اي مدام..
والجهال على جية.. رح اكعد مصطفى..
فتحت الباب على كيفي.. بعدة نايم..
بلة شسوي اني .. كل مايلزمني اتكهرب ماادري شيصير بية..
سديتة.. وتقربت عليه..
مصطفى.. مصطفى..
ابتسم... رجعت..
وهو فتح عيونة.. ها اجيتو .. جووي الجهال..
هسة على جية..
شبيج خايفة ومبتعدة..
تعااااالي..
مصطفى لاصيح علية..
شسويلج.. مو فتيتيني.. جنج بنت 14 مراهقة خايفة صديقها يبوسها.. شبيج بابا عادي اني هسة زوجج..
سالي:شكرا المستحة والخجل صارت مراهقة.. اشرلي باايدة تقربتت.. تعالي... تعالي كعدي قريب..
الله ..هو اكو احلى من انو الواحد يعيش المراهقة ويحب بالمراهقة.. شعور يخبل..
ظل يمسد بشعري.. واني احس موجات امتدت لكل جسمي..
جرني.. وظل يبوس بية ويهمس...
سالي.. احبج.. احبج حييل.. حسيت روحي خلص سلمت.. اصلا صعب اقاوم...