أكره مراسيم الوداع . الذين نحبهم لا نودعهم ، لأننا في الحقيقة لا نفارقهم . لقد خلق الوداع للغرباء .. وليس للأحبة .
• في كل لحظة نلعن الوداع الف مرة و ننهال عليه باللوم و العتب,لانه يحول دون بقائنا مع من نحب و من نصادق... و لكن هل فكرنا يوما بإلقاء اللوم على اللقاء..!!...
• لحظات الوداع ،، لحظات شبيهة الصدق ،، كثيفه الفضول بالغة التوتر ،، تختزل فيها التفاصيل التافهة وتتعامل مع الجواهر ،، تتألق البصيرة وتتوهج الروح
• ساعاتنا في الحب لها أجنحة ولها في الفراق مخالب وكَـمْ يَمْضِـي الفِـرَاقُ بِـلا لِقَـاءٍولَـكِـنْ لا لِـقَــاءَ بِـلا فِـرَاقِ
• قمة العذاب انك تشتاق لشخص وانت تحاول ان تنساه.
• اصعب شعور بالدنيا عندما تحب بشكل كبير وتطرد من قلب من تحب دون سابق انذار .
......
سالي: صار وقت المواجهة ..
دائما سارة تكلي انتي عرابة اولادي..يعني اذا صار بية شي صمالله علية وعلى شبابي ان شاء الله انتي قبلي ..
اكيد رح دير بالج عليهم...
صار المطار عندي روحة رجعة ..
ورا مرور اسبوع ع وفاة سارة ..انفصلت عن العالم.. حتة شغلي عفتة..مع العلم جانو يسموني مكينة مال شغل..
ؤجعت للصندوق وفتحت الرسالة الثانية ..
صديقتي العزيزة...
انا مستمرة بالكتابة لحد متتوقف ايدي على الكتابة لحظات من عمري مشت..صح تكولين علية نسيتج..ومذكرتج الا لمن مرضت..بس عمرج ماغبتي عن بالي بكل موقف وكل حدث انتي ويايا ...سالي...ارجوج..ارجوج...اذا تقرين رسايلي ..رديلي مااريد اغادر هذا العالم واني مو وياج...اريد اخر ايد تلزمني ايدج..
تعرفين كل الحوالية مفاتحين صفحة بالقران اكيد محد رح يذكر يقرالي قران ..ولا يرددلي التشهد واني باانفاسي الاخيرة..مااريد اموت واني كافرة..
اريد اموت ورب العالمين..راضي عني..
رح اقطع كتابتي لساعات عندي جلسة كيمياوي.. مااوصفلج الالم الي احسة ..لحد هسة محد يعرف بمرضي غيرج..خفت اكول مصطفى ..عبالة اريد عطفة..مليت احد يشفق عليه..اريد اكون قوية...لحد ..مااكدر اكتبلج انتظريني..
سالي...حطيت الرسالة بحضني وكعدت ابجي..
كل لحظات الالم تجمع برويا وحدة تخيلت منظرها وشكلها وهم يشكللولها الكانولات..وهي خوافة..رجعت بذاكرتي ذكرت سارة وكت راحت سوي عملية اللوز وظليت اتوسل بيهة ..عمود بس تلبس لباس العمليات..
سالي: كافي سارة عيب ولج شيكولون عليج..انتي وحدة جبيرة عمرج ٢٤سنة.. وعملية سهلة اني سويتهة قبل..
سارة : سالي الزمي ايدي..باعي صارت ثلج من الخوف ولج اني جبانة..اخاف من جكة الابرة امي تركض ورايا عمود اقبل اضربها..دمرتهم لااهلي..يلة كبرت..
سالي: يعني بربج انتي كبرتي ولج بعدج حرام زعطوطة واني تورطت بيج..
كانو ناقصني..
سارة: سااااااالي ..امشي نرجع..
سالي: كعععععدي..دفعنا كوم فلوس ..توذنين وميرجعوهم..
لو يسوولج عاهة لازم سووويهة فهمتي فيما عدا اليوم راح علية ومشتغلت..
سارة : لهالدرجة الفلوس عندج اهم من صديقتج..
سالي: كافي مدي ايدج ولبسي وبس طلعين احضرلج موطا اكليهة وخلصينة ..
لحد هاي اللحظة اذكر لزمة ايدهة وهي خايفة..
اوووه ..ياربي ليت هالايام ترجع..
سالي: هاااا.. سرو..كيفك..
سارة: سووولي ..عاهة..
سالي: خطية ..خرب مستقبلج..
سارة: صدك...وكامت فازة اطيني مراية..
سالي: ولج ..توج جنتي ميتة ..
كل شي مبيج..
سارة ..عيب عليج..صار ساعة افتر وراج بالشقة عمود ابرة ..لج انتي شون رح تزوجين وتخلفين..
سارة ..ماازوج ولااخلف.. مخبلة اني..
اعيش احب..وانحب..
عمري مااورط روحي بزواج ومسوولية..
سالي: تعيشين بالحرام..
سارة : ليش قابل شمسوية..
سالي: عبالج ..انتي بالعراق..بس طلعة وتلفونات..هنا يدورون كلة بالعميق...
ساااارة ...اخخخخ..خرب ابليسج سالي هيج ..بدون سابق..انذار ضربيني وفوك هدومي...
سالي: شسويلج خبلتيني..وكاعدة تحجين بقلة ادب وحرام..خاف عبالج تمشين اعوج..اكص رجلج فهمتي..
خاف عبالج امج مو هنا..
صدك ع طاري امج..
شو مختفية ..ماكو تلفونات ولاشي..
سارة: امي ..ايست ..ابوية كل مرة يرفضو..
وهي مطمنة دام الشرطي سالي ويايا مرتاحة..
سالي: يافطيرة ..لان خايفة عليج..
سارة: شكرا لان انتي ويايا سالي مااعرف جنت اسوي بدونج..
سالي..كملي حبابة وابدي طبخينا ..ترة اني تعبت من الاكل هذا ..
سارة : من باجر انزل للسوق اسوق واطبخ..
اكلج..سالي..شو مصطفى سكتة..
سالي : شجابة بالج..
سارة: تعودت عليكم وعلى هوستكم..
سالي: ههههه..مصطفى الي يشتغلة بااسبوع يصرفة بليلة..
ومكضيهة تدين من اصدقاءة..
من احجي يضوج..
شسويلة اوي كلمن ادرى بمصلحتة..
اندك ..الجرس..
سالي اروح افتح..
مصطفى..هاي انت صدك لو كال المثل البريطاني اذكر الشيطان تراه امامك...
مصطفى ..اندار يمنى يسرة وينة هذا الشيطان بس لاقصدج اني هذا الوجه الملائكي..
تكولين علي شيطاني...
شون صارت سارة ..اجتي ..سارة ..ابن حلال..تونا بذكرك..
شفتي هاي الناس تفتهم مو اذكر الشيطان..
شونج سروتي..
سالي: شفت مصطفى وسارة..متفاهمين..
ثنينهم فطارية كاتلتهم.. وسارة ...ترتاح مصطفى وتامن بي..بس اني مو مرتاحة لااندفاعها..
مصطفى..يابة ع سلامتج..اني عازمكم الليلة ع عشا..
سالي: خاف ننهيهة ننغسل المواعين..لو ندفع عنك..
ايس مصطفى سارة خلصت مدخراتهة عالعملية واني ضامة فلوسي للكورس الدراسي..فلهذا نكضيهة معكرونة بالبيت وفضت راحت..
مصطفى ..دايما .. ظالمتني..اليوم استلمت راتبي..
سالي: وناوي صرفة..كلة..
مصطفى: بس فهميني انتي ليش تحاسبيني ..امي.. اختي ..زوجتي..
سالي: عشتو ..اني ..ازوج واحد مثلك..صايع ضايع مضيع صول جعابك..
مصطفى..
سارة ترضيهة هاي صديقتج..
كل مااجي تهجني وجاي اتحمدلج بالسلامة..
سارة : اني موافقة اخسرك..
سالي: سااااارة..
سارة : خلص ..سالي تعبت من الخنكة شفتي فلوسي جمعتهم صرفتهم عالصحة ..
دخيلج خ نعيش....
اليوم ..عايشين ..باجر ميتين..
.....
سالي قاطع ذكرياتي ..تلفون البيت..
هذا جوزيف..
ع التلفون..
سالي..انتي بالبيت..
الشغل متلتل..وينتظرج.. وينج ..مختفية..
اجة طرد بااسمج..اليوم للمكتب..
من هيوستن..
افتحة ..كلت..بس من شفت بااسمج..
خليتةع صفحة ..
راسا رفعت السماعة..هلو جوزيف..
الله يخليك ..دز..الطرد للبيت..
وحاول تمشي مكاني. عندي ضرووف..
جوزيف: عرفت انتي بالبيت..
بس شصارلج انتي مريضة..
سالي: دز ..الطرد..
الله يخليك..
جوزيف..ماشي..ماشي..
هسة يجي ادد..وادزة باايدة..
سالي..شكرااا...باي..
....
رجعت..اكمل..رسالة سارة..
مرت ٦ساعات وحاسة بالم مو طبيعي اكتب..وايدي ترجف دتشوفين خطي المسماري..
سالي..
اول مرة اخاف..المرة هاي جانت الجرعة قوية واحس جسمي الي احترق مو الورم نفسة ..ذكرتج..الطبيب كالي لازم نستاصل المبايض..
ماطول الورم مطخ الخلايا اللمفية..
سالي..لاتنسين اولادي..اذا مكتبتلج بعد هالرسالة عرفي اني ودعت..
تعرفين مصطفى لايعتمد علي..
وماامن اي احد ع اولادي
.بس انتي..
انتي تعرفين كل شي عنهم ..هيلين..كبرت وكامت تفتهم وكل مااخذ جرعة هي تقوم بااخوانها.. كانو تعرف بس متريد تسالني تعرفين ساعات احسها امي اكثر من كونها بنتي.. ١٠سنين... بس حاستها اكبر..سالي...اني ..احتضر..
ارجوكي تعالي.. كوني بجانبي...اني احتاجك..
المخلصة سارة...
....... .......
مصطفى..اليوم..حيل مميز بالنسبة الي..
اياد...شرح سوي..رح تفاتح سالي بموضوع الخطوبة..
مصطفى اتمنى ..يكون مزاجهة هادي..
وتقبل..راسهة يابس..
اياد: متكلي..شعاجبك بيهة..
خشم يابس ..وجلف..هاي تكعدك مربع..ومتخليك تشتم الهوا..
مصطفى ..لهذا احبها..
هي هاي المراة الي احبها ...
قوية ...وشخصية والاهم اطمن تكون ام اولادي..
اياد..صار بيهة اولاد...
مصطفى ...بعد ..عمر ..طويل..
نحسب حسابك بالشرب..لو ناوي توب اليوم ..اذا قبلت سالي..
مصطفى..مااعرفكم بعد...
اياد....
مخبل..
مصطفى ..يلة لااتاخر...
سالي:ساااارة..متكليلي..وين صرتي..تاخرنا..هسة يجي مصطفى..
سارة لحظة البس تراجيي..
سالي: عزة بعينج سارة ..وج..شلابسة...
عرفت سافرة بس ..مو هيج..
سارة: اني ناااوية اتونس..سالي فكي ياخة مني امي وابوية..كلة شهرين ويجون بس تخلص الاجراات..
ورح ينكتم ع انفاسي بفضل المهيب الركن حيدر عبد الجواد..
سالي...منو هذا..
سارة ..ابوية غير..
سالي..اول..مرة اعرف..
سارة ...يلة امشي..
مصطفى..ها..بنوتات..نمشي..
سروة ..طالعة حلوة..كلش..
سارة..وانت هم ابو الصوف طالع جنن بس انزع هذا الرباط مكاعدلك..جيبة ..افتح الدكمة..
جيد.. جدا...
سارة ..ها..سالي..لاتباوعين ..علية..
اليوم انسوني..
زين ..اذا رجعت وياكم..
سالي..سارة احترمي نفسج..لو نرجع للبيت..
سارة: ماشي ماشي..
رايحة للسيارة..
سالي...مصطفى منتاخر..
دتشوف هاي المطيورة ...خل يجون اهلهة ويستلموها سلامات..
بلا ما تضيع عالنهاية..
مصطفى..ماشي..
يلا..
سارة..يلة يمعودين كلة من عمرنا رايح..
مصطفى بشرفك..افتح المسجل..
سارة: كل ..قوتك..علي يمعود..
سالي..سارة ..ترة شالولج لوزج مو جزء من دماغج...
سارة...هههههه..ماشي...عديهة ..
سالي...مشينا مسافة..دخلنا ..مطعم مرتب..
وموسيقى هادئة ..
طلبنا ..اكل..اكلنا..
شوي واشتغلت اغنية جان مصطفى يحبهة..
سالي...تجين..نرقص..
سالي..خزرتة..شنو...
تعرف ..مبدئي.. حراااام...
سارة ..جرت..مصطفى..يمعودة سالي عيشتنة كلهة حرام..تعال مصطفى..
خل ارقص وياك..
سالي..سارة...
سارة: بااااااااي..
مصطفى..سارة اريد تساعديني...بموضوع..يخص..
سارة...شنووو...مااسمعك الموسيقى عالية ..
جتي سالي..
شوفت سارة التلفون..
امهة ..دك..
سارة..اشرتنة..سكتو..
سالي..اشرتلهة والعالم والموسيقى ..هم سكتهة طلعي برة..احجي..
رجعنا..اني ومصطفى..
عالطاولة وسارة طلعت..
مصطفى: سالي..طبعا هلكد متحجين براسي..كمت اوفر جزء من راتبي..جنت ناوي اشتري سيارة بطلت...
لازم استقر..وابدي افكر بالمستقبل..
سالي..سالي...انتي ويايا..
ظليت اتلفت يمين يسار..
ماكو..سارة..
خفت لان جانت ناوية نية كشرة..
سالي..مصطفى..مشوف سارة وين صارت شو اتاخر ت..
مصطفى..يعني شنووو خلفتيهة ونسيتيهة..
شااحجي اني وانتي شتحجين..
سالي: مو صوجك..صوجي جيت اني وصديقتي هيج مكان..
ظليت ادور سارة اخر شي لكيتهة بالحمامات..خفت عليهة..
ركضت شبيج سارة شوصار ..حضنتني وكعدت تبجي..
رن الجرس..
وصل الطرد..
استلمتة وكان بي مفاجاة الي..
للقصة بقية...
💮💮💮💮🌷
لاتنسون سمعوني ارائكم وتعليقاتكم..ولاتنسو التصويت فضلا وليس امرا..
