صديقتي العزيزة

البارت ١٤

ظليت انتظر مصطفى لوقت متأخر..ومااجة مصطفى دكيتلة دزيتلة رسائل مرد..
اخر شي رن تلفون..
وكان الخبر ضربة موجعة بكلبي..حسيت بكسرةداخلي..
نفس احساسي يوم خابرني مصطفى عمود سارة..

حاسة بالخوف..خايفة ابقى وحيدة..مرة ثانية ..اتصورت بعيني ذكريات الحادثة..الي ماتو امي واابوية بيهة..وانتهت حياتي..يومهة...
وصلت للمستشفى..ومجنت عارفة هاي الدموع شون دتنزل..ولا احساس الخوف..لااشوف نفس المنظر..

سارة ...لا مستحيل..مصطفى شخص قوي..ورح يكدر يعيش..
ركضت ..ومااعرف شااريد اكول لموظف الاستعلامات..
ضاعت الكلمات مني..خابرت جوزيف..
الو..
الو..سالي...شبي صوتج..
جوزيف تعال للمستشفى انا ضائعة مااعرف شااحجي وشااسوي ..
شعندج بالمستشفى واحد من الجهال بي شي..
لا ..مبيهم شي...مصططط...
جوزيف..شبي..مصطفى..
تعرض لحادث..
بصالة العمليات..انكطع صوتي من البجي..
ظليت كاعدة ..انتظر..يطلع احد يطلب شي..يطمني..ماكو..
شكلها العملية مطولة..
سالي..كومي..شربي..شي..وجهج اصفر..
جنت احجي وارجف ممصدكة معقول الي ديصير لحد هسة ممصدكة انو سارة..ماتت..
شون مصطفى هيج ..يسوي..ويعوفني..وحدي..هو كالي..مااخليج تاخذيهم..وين وعدة الي..وين وعدك مصطفى..
رحت ادك ع باب.الصالة..اصرخ..بلكي يسمعني ويرد..
جوزيف..والله هو كالي..ميخليني اخذ جهالة شون يسوي بيه هيج..شون يعوفني وحدي بالوسط..
جوزيف..ميرد..ميرد..
سالي..سالي..اهدي..هسة..يجي احد يبلغنا..تعالي..تعالي خ نكعد..لاسوين ..هيج..
الكل يتفرج علينا..عيب...
بعد وقت طويل..طلع جراح وبلغنا..انو تجاوز مرحلة الخطر بس اكو اضرار بالدماغ..ولازم ننتظر ٢٤ساعة..يلة نمطي راي بالحالة..
طمنت..لمن شفتة عايش وبي الروح..أن شاء الله يرجع ان شاء الله..
نقلو للعناية المركزة..

جوزيف..يلا..سالي..كومي..رجعي للبيت..
قبل لايكعدون الجهال ويرتعبون..
سالي..شااكللهم.ابوكم وينة.رح يظلون يسألونني علي..شااكول..مااعرف اكذب ..
روحي خليهم..لايحسون..
فتت للبيت بعدة هادي..
صعدت غسلت...باوعت ع روحي.. جكد غبية اني جكد ضيعت ع روحي فرص..لو صدك مثل مكال عبدالله انتي تجيبين الفكر للبيت واهلة..صدك اني جبت الحظ السيء لابوية وامي..ساعة متكفلو بتربيتي..من بعد وفاة امي..وخلو هذا السر لحد يوم الحادثة..
حتى مكلولي..
خلو عبدالله يواجهني ...
احنا وصلنا هنا..وهذا المكان مو مثل بغداد..هنا تكدرين تعيشين وتقيمين بروحج..
وانت..عبدالله..مرح تبقى ويايا ..تعوف اختك بمكان وناس..متعرفهم..
سالي..اني لازم اكلج ع شغلة..
أبوية وامي..قبل لا يموتون كالولولي انتي مو اختي ..انتي بنت تبنوج..لمن ملكولج..احد..وربيتي بيتنا وكبرتي واهلي ربوج وكبروج هم  ووصوني عليج..وإني مااكسر كلمة للأهلي..بس كعدتنا سوى مو راهمة حرام..رجال ومرة اغراب..بنفس..البيت..
اغراب..عبدالله انت اخوية..شتحجي..
بس الشرع ميكول هيج..انتي غريبة عني..
لهذا تفضلي..هذا المكان رح تعيشين بي..وعندج شغل..لازم تعتمدين على روحج..
لان زمن الدلال بيت أبوية راح...رااااح..رااااح..
ظلت ترن الكلمة بااذني..
سمعت صوت ..ايلا..سالي سالي..
مسحت دموعي لبست منشفة وطلعت..
هااايلا..حبيبتي..صباح الخير..
صباح الخير سالي..مااجة بابا..
لا..حبيبتي..يلا..روحي بدلي..عمود تروحين للروضة..
وكعدي اخوانج..
صعب تكونين ام..صعب تمثلين كونج ام..جنت شايفة الأمومة شي سهل..شنو البيهة اذا اني المسيطرة..
بس لمن جيت بيت سارة..
عرفت الموضوع مو بالسهولة..
مو بسهولةتمثلين ع اولادك القوة وانت على وشك الانهيار..مو بسهولة تبينين..انتي مرتاحة وانتي قمة بالتعب..مو سهولة..ترسمين السعادة وانت محطمة. من الحزن..
حاولت أبين طبيعية على الرغم..يكولون علية المرة الحديدية..
بس..الموضوع يخص. مصطفى..مصدكت الجهال راحو..كلت لخوانة..خطية انصدمت صارلها سنين تشتغل عد سارة وهي مكسيكية الجنسية..
خوانة..مااريد الجهال يحسون بشي..الله يخليج..ادعيلة..
شفتها لزمت الصليب..وكعدت..تدعيلة..
رجعت للمستشفى..
وكعدنا اني وجوزيف..كدام الدكتور..الي بدأ يحجيلنا..حالة حالة مصطفى..
سالي: نعم..دكتور..ممكن توضحلنا.حالة مصطفى.ليش لحد هسة. مصحة..
الضربة جانت قوية عالجمجمة..وسببت ارتجاج بالدماغ..
واكو كسور بااماكن.. مختلفة..من الجسم..
واحب اكللكم على شغلة..المريض..دخل غيبوبة..
لان اكو جلطة دموية..بالدماغ نتيجة الارتجاج..
سالي:يعني..شنو ..دكتور مصطفى..مرح يصحى..
الدكتور:منعرف..نتوقع..ممكن المريض يصحى بااي دقيقة..
ممكن يبقى بغيبوبة طول حياتة...
سالي..دكتور..انت شتكول..هذا عندة 3اولاد..شرح و اكللهم..شرح اكول لروحي اني..اني ضيعتة من ايدي..
البارحة جان يكلي..يحبني..يحب يشوف اولادة والمرة الي يحبهة..
اي ..اني هي..المرة الي يحبها..
يمكن لحظات انهياري..لان جنت هادئة..فترة طويلة..
جوزيف..هداني..والدكتور قنعني فرصة يكعد جبيرة..
خلص اريد اشوفة..جوزيف..
بعد إصرار..مني..
فتت..لبست الزي..حاولت..الملم روحي..واتمالك..التعب..
داخلي..
معرفت شااحجي..وشااكول..
اول مشفته نايم ومو حاس بشي..
دمعت عيوني غصبا عني..
ممتعلمة..عليك هادئ وحباب..
متعلمة اشوف ضحكتك الي كلها استهزاء وثقة..
ثقة عمود تحرجني..تخوفني ..تحسسني..اني ضعيفة..
متعلمة على غرورك..وع تلميحاتك..
مصطفى..الله يخليك لاتعوفني..لاتعوفني..اني خايفة..
منك..وعليك..تعرف..اريد اكلك سر..بس لااحد يسمعة..
جانو يسموني تطوة..
اول مااجيت للدنيا.. ماتت امي...
ولمن لكيت عائلة ترعاني وتحبني..ومااعرف كل شي..بلمح البصر حادثة خطفتهم مني وتركتني ويا شخص..اسمه اخوية بالجنسية طبعا بس هو مو اخوية شايفنا اغراب..
شفت الحظ..مو بس حظ..هذا ياهو الي يقبل يتزوج وحدة يتيمة جاية من الملجأ..
لا وازيدك من الشعر بيت فقدت الشي الوحيد..الي يخليها مرة وأم..
لا تستغرب..اني مااريد اظم عليك شي بعد..مااريد اتهرب..عشت عمري  كلة عايشة بكذبة..وغشاء سميك..
عمود محد يتقرب إلي..
عرفت بهاي اللحظة..رغم ايماني..اني شخص سئ..
ويجيب الخراب..بالي مكان احط رجلي.بي..
مصطفى..اوعدك..اوعدك..بس اصحى..وإني رح انسحب من حياتكم للابد..
مصطفى..اني احبك ..هواية..احبك..اكثر..مماتتخيل..
لاتضحك..شفتك..تعرف اني مااحجي هذا الحجي..ال واكون..قاصدتة مئة بالمئة..
بس اصحى..اصحى . شتريد تسوي سوي..
هزيتة..وسمعت صوت كلش..عالي..

طوووووووووووووووووووط..
سالي..هاي..شنو..مصطفى.. مصطفى..مصطططططططفى...
للقصة بقية...
🌺🌺🌺🌺🌺🌺🌺
لا تنسونا من تعليقاتكم وارائكم..
ولاتنسون تصوتون عالبارت اذا اعجبكم...