طوووووووووووووووووووط..
فجأة صحيت ع صوت عالي..وناس تدك عالجام مال سيارة ..
مدام هل انتي بخير..
چنت احس عبالك جسمي كلش خدران وكلبي يوجعني شوي وصحيت...
مدام...هاي بنتج..جانت تبجي..عبالها صار بيج شي...
ايلا..ايلا..ركضت عليها حضنتها..
ها حبيبتي..هياتني..لاتخافين..مبية..شي..جنت تعبانة تاخرتي..غفيت بدون مااحس..لاتخافين..كعدت كعود وحضنتهة..عمود تسكت والناس يسألونني متأكدة
مبيج شي..
اخذت نفس شكرتهم..وظليت اني وايلا...
خلص..ماما ..لاتبجين..هياتني..يمچ..مرحت مكان..لاتخافين..لاتخافين حبيبتي..يمچ اني..
اهدي ..يلا..اهدي..
بداخلي..انهيار...محد يتخيله جكد جنت أبين للعالم..اني قوية..بس لمن شفت مصطفى..والي عرفت من الدكتور حسيت بخوف جبير..
نفس خوفي..ساعة معافني عبدالله بالغربة وإني لااخ ولا صديق مكان غريب..وكل انطباعاتي تخوف..سرقة اغتصاب دعارة..ضياع..بس ظليت واكفة على رجلية كمت..وصرت سالي..
ياترى بعد هاي الوكعة رح اظل واكفة..
رح اكدر وحدي.. اربي ٣جهال..
بنص الغربة..
شدا احجي اني..هسة مصطفى..يكوم..اكيد ميعوفني..متأكدة يارب ميعوفني..
ظليت احجي ويا روحي..واطمنها..
انتبهتلي ايلا....
سااااالي..انتي بخير..
اي حبيبتي بخير لاتخافين..علية..
انتي زعلانة..من بابا...
اختنقت..وغصيت..
لاتزعلي سالي..بابا يحبج..
زادت الغصة..
دائما اني وميار نتعارك..بس اني أحبة متأكدة هسة يجي ويصالحج...
هنا بعد مابيهة..مجال..وكفت السيارة على جانب الطريق..وبجيت وبصوت عالي...
خليت ايلابحضني وظليت ابجي..وهي زادت حضنتهة..وهي متعرف..ليش..دا ابجي..بس ايديناتهة الصغيرة ع خدودي وتمسحهم وتريدني..اسكت..
خلص..البجي..وخلصت الدموع..
اني ملازم اصيرضعيفة..لازم أشد حيلي..واكون قوية...
اذا مو عمودي عمود الجهال..مرت ايام وإني بين البيت والمستشفى والجهال واسئلتهم..لحد مدخلت هيلين يوم...
سالي..ممكن تكوليلي..بابا وين..ليش ميجي.ليش.ميسال علينا ميخابرنا..
بابا..تركنا..هجرنا يعني..لهذا انتي حزينة..ماما جانت تبجي لان بابا عافهة بس ليش يعوفج..مو يحبج. هو..ليش..يعوفج...
سالي:هيلين..ابوكم ماعافكم..ابوكم عندة ضرووفة.
هيلين:شنو هالضرووف..ليش متكوليلي اني جبيرة..اني افهم...
سالي:حبيبتي..قاطعتني..
بابا ..ديموت..هااا...ديموت..كولي.
امي من جانت بالمستشفى..هم..كالو عدهة شغل..
تالي..توفت..
لا حبيبتي..لا..ابوج ..عايش..وان شاء الله يرجع...
بس صارلة..حادث..ولازم..يبقى بالمستشفى..
عرفت..بالاول تكولون بالمستشفى..وبعدين..تكولون مات..
سالي..احنا..وين روح..منو يدير بالة علينا..
لاتكولين..هيج..اني وين رحت..
هيلين:ساعة متريدين تروحين رح تروحين وتركينا..مثل متركتي..امنا قبل..
ونضيع اني واخواني..
سالي:سكتي هيلين..اني..مااعوفكم...ابد..
لاتخافين..رح نكون سوا لحد ميرجع ابوج بالسلامة..
اريدك تكونين قوية..وتساعديني..نشد بعض..ماشي..
ماشي..
تعالي حبيبتي..تعالي بحضني..محتاجة احضنج..
اول مرة احس احساس الأمومة بكل ما للكلمة من معنى...صح ثقيلة بس عظيمة..جدا..
كعدت الجهال..وفهمتهم. وضع ابوهم...انصدمو حبايبي..ومعرفو شنو معناة غيبوبة..
بس بالاخير فهمو الحمدلله..
صار وكت هم يزورون..ابوهم..بهذا الوقت خسرت شغلي..لان هملتة...ومرت الايام بين البيت والجهال وبين المستشفى.. ومصطفى..اكعد يمة..مرات امسحلةابدلة..ملابسة رغم هناك الممرضين هم الي يسوون كل شي..بس..اني جان عاجبني..اسويلة نسيت كل شي وركزت ع حالة مصطفى..لحيتة الي بدت تنبت..اول مرة اشوف هاي السماحة بوجهة..
جنت اقرالة القران..واحجيلة سوالف الجهال..مرات اشوفة يبتسم افرح يكلي الطبيب هاي حركات لا إرادية للعضلات جان جواية امل جبير يصحى..
بس املي بدأ يقل ويا الايام..واقترب موعد الجلسة مال وصايا وتراكمت فواتير.. مصطفى والبيت..ماكو احد يتابعها..هنا صرت كدام قرار صعب..
اكون وصية عالاولاد بالاعتبار ابوهم عاجز..ومو كادر يتصرف وهو بالحالة....
جوزيف:سالي..تعرفين شون رح تتضاعف الديون..والمصاريف..انتي لازم..تاخذين قرار..والا رح يضيع كل شي..ولاتنسين انتي صفيتي بلا شغل هذولة الجهال شون يعيشون..
هاا..سالي..شكلتي..
لازم أخذ رأي الجهال..
شششننننو..رأي الجهال..شمفهمهم..كل عقلج..سالي..شبيج كعدتج بيت صديقتج اثر على دماغج..
سالي..ذولة قصر..يعني ميعرفون مصلحتهم..ياعيني..
فكري..
سالي..ميخالف..اعرف شسوي..
سالي بالليل جمعت الجهال وسألتهم برايهم بية..
والضرووف نمر بيهة لحد ماابوهم يكعد..
المهم بالنهاية هم وافقوا القرار صعب..بس كلة لمصلحة الجهال والشغل..
عرفت مصطفى ماخذ قرووض هواية ..وهاي فوائدها تتضاعف..
مع هذا حاولت اعالج الضرر..وضاعفت علية مسوولية جديدة..
خلصت ٦٠يوم..والحمد لله مصطفى هم جان موصي انو اولادة يضلون تحت وصايتي اذا صار بي شي..لهذا المحكمة عينتني وصية عالاولاد..
وتدير شوونهم...
جنت تعبانة حيل..ومشغولة ومهمومة مرات انسى.. المستشفى نص هاي الهوسة اخذت مني شهر..يلا فضيتها..احلى اوقاتي..جانت لمن ازور مطعم سارة..اسم المطعم يعبر عن روح الصداقة والمودة الي تتولد..بالصدفة ..دون تخطيط..منا...
جان المكان دافئ..والأثاث كلاسيكي حلو جامع..معالم وثقافات..وريحة الاكل تشهي..الطاقم جان اغلبة عرب والشيف فرنسي..
هواي ناس يزورو لان جانو يامنون انو المكان الي يجلب الطمأنينة والراحة لااصحابه..أو طماعنين للحصول على اصدقاء..
جمعتهم الصدفة..
اكو ع جدران المطعم محفورة عبارات امثال أجنبية..كل واحد من لغة ومرسوم بااحرف اللغة الي اقتبست منة ..مثل...
