تكفى لا تعلم إبوي ترى اللي فيه يكفيه

1

  الــــــــــــبارت الأول
احساس اي شخص يمكن يحس فيه تكون منبوذ من المجتمع ..
بسبب مرض مش معدي .. ولا حتى يأثر في اي شخص لكنه ...
يخلي اي شخص يغير نظرته لك يحرجك ... صح اهو موعيب ....
والبعض ياخذه فخر لكنه بالنسبة لي اكبر عيب في حياتي ...
بالنسبة لبنت في سن ال 15 سنة تكون بهالشكل تخيلتووو .....
تبون تعرفون مرضي صح مرضي اهو السمنه .. تخيلتوو بنت عمرها 15 خريف
تكون بوزن 117 كم .. هذا شي مو معقول بالنسبة للغير ...
انا رح اكتب تجربة واقعيه صارت ..
روتين حياتي كل يوم نوم اكل جلسة على الاب توب ثلاثت ارباع اليوم والربع الثاني يكون
للنوم وللأكل ... مااطلع لأني اتحطم لم افتح غرفة ملابسي والبس احلى الملابس لكن
مع جسم يحطم الأنساااان تذكرت عرس عمي اللي باقي كم يوم عليه ..
وفستان لسى مافصلت ولاشريت تذكرت يوم كنت بأولى متوسط وبديت اشد على نفسي ونزل
وزني كثير لكن بكم اسبوع تحطمت ورجع وزني مضروب في 2 ... T_T
مافي حد يشجعني او حتى اخت تكون عندي تشد علي .. وامي طيوبة
لدرجة انها ماتقدر تخلي شي في خاطر ... وابوي يبغى يساعدني لكنه يخاف يجرحني ..


صح نسيت اعرفكم بأسمي اسمي ((غسق)) عمري 15 سنه ووزني 117 كم
صدمة للكل .. عندي اخ واحد بس اسمة راكان عمرة 19 سنة اول سنه له جامعه ..
لكنه غير عني ضعيف وجسمه ممشوق بشكل مو طبيعي لدرجة اني اغار اوقف جنبه .. >>>تحطيم صح ..

صديقتي المقربة نوير بنت خالتي قريبة مني كثير لكنها هم ضعيفة وهذا الشي اللي يحطمني اكثر ...





البــــــــــــارت الـــــــــــأول
اليوم زواج عمي وانا ماابغى اروح بس كيف وعمي قريب مني كثير لدرجة انه ملزم علي
بشكل مو طبيعي .. لازم اروح ناظرت الساعه كانت الساعه 8ونص الحين اكيد
امي رجعت من الكوافيرة تسألون ليه مارحت معها صح لأني اعرف ان مهما حطيت بوجهي
رح يبين الشي اللي يحرجني اكثر جسمي ...دخلت غرفة الملابس وطلعت فستان
اسود حرير طويل طويل وكانت مزمووم من عند الصدر بفيونكه فوشية
صح موديلة قديم لكن اهو الفستان الوحيد اللي حصلته البارح يكون فيه مقاسي ...
لبسته وفتحت شعري وستشورت اطراف كان شكله عادي كثير خذيت قلووس فوشي
وحطيته ولبست اسوارة تنلف على اليد بشكل عادي ولبست جزمة ((الله يكرمكم ))
لونها اسود وفيها فيونكة فوشية ناظرت الساعه كانت الساعه 9 تخيلتو خلصت في نص ساعه ابتسمت وطلعت
شفت امي وكانت لا بسه وكاشخه ابتسمت لي وقالت وش فيك ليه وجهك كذا شكلك
مالك نفس .. شي ابد هزيت راسي بمعنى ايوووه ...
ابتسمت لي امي وحطت يدها على كتفي :بيجي يوم وبتحسين فيه يبنتي يلا خل نمشي
جرحتني كلمتها شوي لكن عادي خليتها ماتأثر فيني .. من اسبوع وشوي خلصنا مدرسة والحين احنا اجازة ..
يعني المفروض انزل من وزني في هالوقت ...
ركبت السيارة وجلس راكان يستهبل كالعادة وانا احاول اتجاهله ... لكنه كان يجرح بزيادة ..
وصلنا للصالة وشفت عمي لابس البشت وكان يتكلم مع ولد عمي تقدمت بهدووء
وناظرني ابتسمت له وانا افتح وجهي ترك ولد عمي وجاني وسلم علي كالعااادة
مرررحبا وشخبارك زين انك جيتي وعقبالك والخ الخ الخ ...
دخلت الصالة وانصدمت من اللي اشوفه يمكن كنت انا الوحيدة اللي بالنسبة للناس متينه من البنات اللي في سني
كان الكل يفكرني وحده كبيرة بالسن بعمر 22 سنة او 18 سنة لكن الكل يظلمني ..
جمعت في نفسي ثقة شوي وتقدمت وسلمت على زوجة عمي وعمتي ..
كانت عمتي تناظرني ببتسامه حنونة لكن فيها شي من الندم عرفت قصدها وصديت
على طول عشان محد ينتبة لي رحت وشلت عباتي وعدلت شعري ومشيت لغرفة العروس
كان الكل يطالعني وكنت اسوي نفسي مو مهتمه ... دخلت وسلمت على لولوه زوجة عمي
وكالعادة مثل اي بنت يقولون لها عقبالك كان الكل يقولي كذا جلست على اقرب كرسي
وجلست اناظر وانا ساكته جوني بنات عمي وانا اطالع رشاقة جسم كل وحدة منهم وقلبي يعتصر من الألم ..
حاولووو يخلوني ابتسم لكني ابتسم ثواني وبعدها ارجع ..افكر بنفس الموضوع والقهر
مــــــــــــــــــــــــر العـــــــــــــرس وانا افـــــكر بشخص واحد وهو
حبيبي حبيب طفولتي ولد خالتي كنت اتذكر ايام حلوة جمعتا ...
رحلتنا للبنان معهم ورحلتنااا للكويت هم معهم ورحلتنااا لجدة ولندن ..
كنت ابتسم على بعض الذكريات وكنت ابغى ابكي على بعض الذكريات ..
تفاجئت من يدين تخبي عيني ... :كيفك ياحلوة ..
لفيت وشفت زوجة خالي اللبنانية جاية وكانت لابسه فستان من قوتشي باللون
الأبيض وقصير متناسق مع جسمها الفاتن وشعرها الأشقر الطويل ... ومكياج اسوود
خفيف مدخن بالأبيض والروج الأحمر الصارخ
ابتسمت لها :انا بخير كيفك انتي ..؟؟ وطقم الألماس نازل من على رقبتها وانها
ليش لا وخوالي اصحاب محلات ال.....وشركااااات ال........ يحق لكل واحد منهم
يدلل مرته اكبر دلال ...
جاوبتني وهي تدني شعرها الأشقر من اكتافها :انا منيحة بس العجئِة كتييرة هالمرة
ابتسمت لها بدون اي رد ..

مر الوقت بسرعه ودخل عمي واخذ مرته وصور معهاا جبرني اصور معه
وصورت بدون اي رد لأني ماادقر ارده .. وطلعنا كان يبغيني ..اجلس معهم شوي
لكني رفضت ورجعت للبيت مع راكاان وامي واول مادخلت البيت توجهت لغرفتي على طول
وكالعادة طلعت الاب توب وشغلته على اغنية كورية ارتاح لم اسمعها
كانت لفرقة كورية اسمها جيرلز جينريشن ..
واسم الأغنية اخبرني بأمنيتك .. كنت اناظر اجساام البنات وهم يسووون الفيديو
كليب كااااانت اجسامهم تخليني احس باليأس وان عمري مارح اوصل لهالجسم اللي انا ابغااه ..
غيرت ملابسي ولبست بيجامتي الناعمه ورميت نفسي ونمت وغرقت بنومه ..






قصة غسق واقعية لكن قصة تولار طبعا لا



تولين وهي تحظن دبدوبها الصغير ....
رشاا بخوف :تولار انتي من جدك حرام عليك والله ان عرف ابوي بيروح فيها ..
تولين ناظرتها ببتسامة :يارشوي ياحبيبتي منو بيعرف بعدين انا بسافر كوريااا مهيب البحرين ولا قطر لاكوريااا ..
رشا وهي تناظرها بعدم اقتناع :وكوريا موخايفه انا اساسا مو مقتنعه بسالفة هذي اسااسا ..
تولين :رشا انا بقولة اني رايحة لمرته واخواني اللي هناك ولا نسيتي انه متزوج وحدة كورية وعنده منها بنت وولدين ...اقولك اسمائهم بعد
رشاا :بس انتي منتي رايحة لهم بتروحين مع ولد يناس هالبنت بتذبحني ..
تولين رفعت حاجب وتخصرت لها:شنو شايفتني هم انا بروح وانا مسوية نفسي ولد ..
رشا سحبتها عند المرايا :طالعي نفسك تصلحين تكونين ولد بعدين منو الدلخ اللي بيصدق انك ولد
تولين بعدت يدينها عنها :مالك خص بس انتي ادعي محد يشك ..
رشاا بخووف :والله خايفه عليك ..
تولين بتفكير:شرايك تجين معي ..
رشااا زاد خوفها :لالالا حبيبتي روحي انتي .. انا مالي بهسواليف ..
تولين سحبتها وجلستها :شوفي نروح انتي بنت وانا الولد اسم انك اختي
رشااا بتفكير مرتبك :هاااا
تولين :اية عشان هم ترقعين لي السالفة لاصار شي ..هنا ولا هنااا ..
رشا :لالالا مابي ..
تولين:على راحتك
قطع عليهم صوت الباب .. تولين :منوو
......:انا يبوك فتحي ..
تولين فتحت الباب ورمت نفسها على ابوها وضمته :ابونييم فديتك ..
ابورشااا :ههههههه قولي شورااك مدام فيها فديتك ..
تولين ابتسمت :بسافر عند مرتك وعيالها لكوريا ..
ابو رشا مستغرب :لية
تولين :يووه ابااا مشتهية ارووح عندها واتعرف عليها يمكن تطلع طيبة واحبها واعتبرها مثل امونيم .. ويمكن يطلعون اخواني طيبين وحلوين احسن من هذي القشره ..
رشا خزتها :انا قشرة شطلعين انتي اجل ..
تولين :جشروكيااا اوني .. ..>>سكتي يااختي
رشااا لوت فمها :بدأت بالكوري ياخي شالهوس اللي فيك مدري ..
ابو رشاا :بس انتي وياها المهم خلاص روحي وانا اخلي اخوك يستقبلك بالمطار ..
تولين بسرعه :اني اني اني ..((لالالا))
ابو رشا :ليية ..
تولين بترقيع :لأني ابي اسوي لهم مفاجأه سمبل ((هدية يعني)) على قولتهم تكفى يباا
ابو رشا بعدم اقتناع :خايف عليك يبا اخاف ماتعرفين لنفسك ولا شي
تولين :يووه يبا انا مو اول مرة اسافر بعدين كذا مرة سافرت بروحي ولانسيت ..
ابو رشا :بس يبنتي هذي كوريا يعني لازم تتكلمين ياكوري ياانجليزي وانتي منتي فالحة فيهم
تولين :افا عليك يبا على كل هالمسلسلات اللي شفتهم وانت مومصدق تبيني اعلمك ولا ماله داعي ..
ابو رشا ابتسم لها :طيب طيب بس متى طائرتك ..
تولين :طائرتي بعد بكرة الساعه 3 ونص الصبح
ابو رشا :بعد يومين ..
تولين :ايوه والحين انا ابي اجهز اغراضي ناقصني كم شي ابغى اروح السوق ..
ابو رشا :طيب يبا قومي البسي ولم تجهزين قولي لي عشان انا اوديك السوق ..
تولين بفرح :والله ارسووو لم اخلص ابجيك ..
ابو رشا :وانتي رشاا حطي في بالك انك رح تروحيم معها بعد ثلاث ايام ..
تولين :بس اهي ماتبي تروح ..
ابو رشا :لابتروح مستحيل تتركك بروحك هناك عند مرت ابووك حتى اهي خل تروح تتعرف عليهم ...
رشا :لالالا يبا تكفى مابي اروح انا ماحب كوريا ..
ابو رشا :حتى لوماتحبينها لازم تروحين واشتري اللي تبينه اليوم ..فاهمه ..
طلع ابو رشا تارك رشاا وتولين في الغرفة ..
تولين بفرح :ونااااسة مارح اروووح بروحي ..واااو مسي مسي مسي ..>>>مرحى بس بالكوري ..
رشا جلست بيسأس:وععععع شيوديني كوريا انا اوووف ...
تولين وهي تطلع لها ملابس :يلا بس حاصلتلك كوريا غيرك يتمنى طاريها ..قومي غيري ملابسك عشان ابوي بيودينا السووق ...
رشا وهي تحاول تقبل الوضع :طيب ..




في بيت ابوزياد
زياد :ايه يما والله صديقي ملزم علي الا اسافر معه كوريا ولاحتى التذكرة مارضالي ادفع قيمتها ..
ام زياد :والله اني خايفة من اللي بيصير وش اسمة صديقك هذا ..؟؟
زياد:يما ماتعرفينه توني متعرف عليه ولد ناس وزوين والله اسمه محمد ..ال.....
ام زياد :طيب يما بس انتبة لايوديك مكان الله مايرضى فيه ..
زياد :لايما لاتخافين يلا انا رايح ابشتري لي كم غرض وراجع طيب ..
ام زياد :عاد يما متى بتسافر
زياد ابتسم لأمه :بسافر بعد بكرة يمة .. الساعه 3ونص
ام زياد :طيب يما انتبة لنفسك .
زياد :من عيوني .. توصين على شي ..
ام زياد :لا يما سلامتك ..





في محـــــــــــل ال........
ابو رشا :يبا لية جايبتنا محل رجالي ..
تولين برتباك :لايبا بس ابي اشتري لخواني هدايااا ..تدري اول مرة وعيب اروح فاضية ..
رشا لوت فمها :من الحب الزايد فيهم بتشتري لهم ..
ابو رشا بفخر :والنعم والله يبنتي .. هذا اللي انا عودتكم علية ..
تولين تأشر على بدلة رسمية لونها كحلي :لو سمحت جيب هذي مقاس S
ابو رشا لف عليها :يبنتي اخوانك ترى طوال وبعافية شوي >>>عضليين يعني ..
لاجيبين لهم هالمقاس صغير عليهم ..
تولين تبي ترقيعه :لا يبا صديقتي تبي بدلة رسمية لخوها اللي في صف خامس قالت لي اشتري لها لأنها ماتعرف ..
ابو رشا :اها طيب اسرعي ...
تولين :طيب يلا يلا ...
طلعــــــــــــــو من المحل ...
رشا تكزها :تولين تولين
تولين لفت عليها :هممم ..
رشا تأشر بعيونها :مو هذ زياد اللي بتسافرين معه ...
تولين لفت :وينه وينه وينه ..
رشااا تأشر عليه:شوفيه هناااك هنااااك
تولين شافته يدخل محل ملابس رجالية ...
تولين لفت لبوها :ابونيم ابغى ادخل هذا المحل ...
ابو رشا بستغراب الحن موتوك داخلة محل رجالي وش تبين في ذا ..؟؟؟
تولين بترقيع :سمعت ان الكوريين يعشقوون الألوان الفاتحه ابي ادخل اشتري كم بدلة فاتح لونها ..
ابو رشا :اي والله يبنتي ترى هم يحبون الألوان الفاتحه خصوصا اخوانك ..
تولين وهي تدخل المحل :اي اي يبا ..
رشا :شبتسوين ..
تولين :بشتري مثل اللي يشترية عشان البسهم ونقوول صدفة ..
رشاا فتحت عيونها :والله انك منتي بهينه ..
تولين :افا عليك بس اعجبك ..
زيااد جلس ياخذ له قمصان وجينزات وشورتات ...وكابات وتولين
وراه تاخذ مثلة تغير في اشياء بسيطة مثل لون الكاب اوالشورت كذا ...
رشا بعصبية :هي انتي بسك بتاخذين المحل كلة توك شارية ..
تولين برواقه :انتي صبري شوي مدام ابوي لاهي مع راعي المحل يسولف
معه خليني اشتري ..
رشا وطرى على بالها سؤال نسته وراح عن بالها ..:تعالي تولين
تولين وهي تختار لون الحزام :شنووو ؟؟؟
رشاا بخووف :شعرك وش بتسوين فيه ولانسيتي ان شعرك طولة مترين ونص ..
تولين لفت عليها :الا منو قالك اني نسيت ..
رشا برهبة :شبتسوين فيه ..
تولين بخبث :لم نرجع البيت اوريك ..
رشا :ليكون بتقصينة ..
تولين ببتسامة :كل شي في وقته حلوو ..
ابو رشا:ها يبا خلصتي ولا لا ..
تولين لفت تناظر زياد لقته يحاسب ..
تولين :الا يلا خلصت ..
طلعوو من المحل ورشاا منهد حيلها ..:امانه بعد بتروحين محل ثاني تراني هلكت ..
تولين برجاا:بس بقت الجزمة شوفي كاهو المحل تكفين تحملي ..
رشا بستسلام :طيب يلا ..بس هالمحل ..بابا يلا بس هالمحل ..
ابو رشا بتعب :لايبووك انا بجلس هناا قبالكم اناظركم بس انتبهوو ..
تولين تهز راسها :ارسووو >>>حسنا
دخلوو المحل وشرت لها كم جزمة سبورت ز
طلعت بعد ماحست انها خلاص شرت كل اللي تحتاجة ..
ومشيووو ... راجعين للبيت ..




في غـــــــرفة رشـــا وتولــين
تولين دخلت غرفة الملابس وطولت اما رشا كانت منبطحة تبي تريح ظهرها ..شوي
طلعت تولين وببحة رجولية :تررىـــــى
رشا لفت تناظرها وفتحت عيونها على الأخير شهقت
..:هااااااااااااااااااااااا وين شعرك ليكون قصيته وين اختفت معالم انوثتك ..وي وي وي
يويلك من ابوي لأنك قصيتي شعرك والله ليذبحك ..
تولين ببتسامه غمزت لها: عساني انفع اكون رجال ياااحلووة
رشا ناظرتها بخوف ورجعت لورى :بسم الله تولين خوفتيني منك والله
تولين :لاتخافي يقلبي شعري ماقصيته شوفي سحبت الباروكة وطاااح شعرها الطويل على كتوفها بنعومة ..
رشا بطمأنان :اشووة خوفتيني .
تولين : اقول قومي جهزي اغراضي يلا عشان ابي اترووش ..
رشاا :طيب ياخي اقلقتيني ..
تولين :هي انتي شب وروحي جيبي التصريح اللي جابة ابوي من شوي ..
رشا بغباء :اي تصريح ..؟؟؟؟؟
توليين :التصريح اللي يسمح لي اني اسافر بدون ولي امري عرفتي ..
رشا :اهاااااااااااااا



في غــــــــــــرفة زيــــــــــاد
كانت العفسة قايمة والأكياس في كل مكان يرتب اغراضة ..
انطق الباب :طق طق طق ..
زياد :منوو ..
.........:انا لولو
زياد لوى فمه :دخلي يالولو ..
لوتس وهي ماد بوزها :انت من جدك بتسافر ..
زياد ناظرها :لامن عمي اي من جدي ..بسافر ...
لوتس جلست :طيب خذني معك تكفى ..
زياد لف لها وهو رافع حاجب :انتي تفكرين بروح بروحي انا رايح مع صديقي ..يعني عيب تجين معنا ..
لوتس :تكفى والله من زمان خاطري اروحها كوريا يقولون انها حلووة ..
زياد :شوفي لك مني ان رحت وعجبتني السنة الجاية سفرتنا هناك وش تبين بعد ..
لوتس ببتسامة :صج ..5^_^
.زياد :اي صج يلا الحين لاتلحقك بنت اختك مهيووة تجنني بكثر اسئلتها ليش ويين ومتى وفي وعلى تجيب حروف الجر كلهم ...
لوتس وقفت :طيب طيب اذا احتجت شي نادني طيب ..
زياد :طيب



اووووووووووبس صح نسيت اعرفكم على ابطال روايتي او بالأحرى ابطال حياتي ..



عـــــــــــــــائلة ابورشــــــا
ابو رشا :تزوج ثنتين ام رشا الأولى جابت له رشا وتولين توأم وبعد 7سنين ظبط توفت وتركت عيالها تزوج في كورياا بس ماعلم بناته الا لم صار
عمرهم 16
سنه لكنه ترك زوجته وولدينه وبنته هنااك عند امهم وجدهم اللي دخلوو الأسلام بسبب ابو رشا عمره 56سنة ..
رشـــا :التوأم الأكبر يعني اللي طالعه اول اكبر بخمس دقايق جميلة جمال بسيك عيونها عسلية واسعه شفايفها صغار وخشمها ضعيف وصغير خوافه وماتحب تغامر شعرها عسلي يوصل لحد اكتافها عمرها20سنة وتدرس هندسة ديكور ..
تولين :التوأم الأصغر جميلة جمال موب صاحي عيونها ناعسة :عسلية ورموشها طوال خشمها مسلول وضعيف وشفايفها حادة شعرها لنهاية خصرها لونه عسلي فاتح وبيضة والأغلب فيها برائة عكس رشااا تحب تغامر عشقها كوريا ومسلسلاتها ..تعشق الممثلة park Shin hye
مالها هدف في الحياة عمرها 20 سنة ...



عـــــــــــــائلة ابو زيــــاد
ام زياد :طيبة بدرجة اجتماعية تتأقلم مع الناس بسرعه ... تخاف من زوجها عنده مالها كلمة عمرها 53سنة
ابو زياد :عصبي بالأاغلب مايحب احد يأمرة عنده فلوسة اهم شي بدنيتة ..
زياد :فديته احلى واحد ابيض طبعا مافيه لحية ولاشنب ..شعره بني يوصل لحد اذنة ..عيونه عسلية فاتحه واسعه ..
جسمة حلوو مش ضعيف ولامتين ..مش عضلي ذاك الزود شوي بس ..يشتغل في شركة ارامكوو عمره 26سنة ..
لوتس :اخر العنقوود بيضة شعرها بني فاتح دايم كيرلي ..ملامحها دايم يشبهونها بملامح بنات ايطاليا وفرنساا عيونها بنية فاتحه وشفايفها صغار وخشمها طويل .. عمرها 17سنة ..
رنا :اكبر البنات بيضة عيونها سودة وسااع شعرها لونه بيذنجاني صبغه طبعاا ..خشمها ضعيف وطويل عندها بنت اسمها مهاا عمرها 4سنوات وولد اسمه ماجد عمره سنتين ... واهي تدرس برى بمريكا وتوهم جايين من اسبوع .. عمرها 24سنة ..