تكفى لا تعلم إبوي ترى اللي فيه يكفيه

19

  البـــــــــــــــــــــــــــــــــــارت التــــاسع عشر
غسان ابتسمت وشغلت جهاز المشي حسيتها موقادره تطالعني لأني نفسي صدمتها
انا ماكنت مستوعب ليه سويتها يمكن من الفرح لأنها حست شوي .. انها لازم تقلل وزنها شوي
وجات عندي امال الدنيا كلها .. وتخيلت شكلها واهي رشيقة كل شي جى ببالي في لحظة ..

بس فجأة سمعت صوت شي يرتطم بألأرض الصوت كان قوي مرة ..
ولفيت وشفتها طايحه بالأرض شكلها لوت رجلها وطاحت ركضت لها من دون مااوقف جهاز المشي
وقلت بقلق :فيك شي يألمك شي

كانت معقده حواجبها وحسيت انها من الأحراج دمعتها بتطيح
شفتها حاطه يدها على ركبتها وحطيت يدي مكان يدها .. لكن بسرعه شالت يدي ووقفت بصعوبه
وطلعت من دون اي كلمه ..

حسيتها حيل منحرجه المشكله اني موقادر افهمها ان هذي اشياء تصير عادي ادري يمكن صعبه عليها لكن عادي
مافيها شي .. طيب وطاحت وش صار بالدنيا يعني ..

كنت ابغى اروح لها بس حسيتها رح تنحرج اكثر ففضلت اني اتركها الى ان تهدأ ثم اروح لها ..








تولين وزيــــــــــــــــــــــــــــــــاد
احس بالحر السيارة مكتومه وزياده على كذا القميص الغبي اللي لابسته .. وزياده على كذا
كان جالس اهو جنبي .. ياربي جلست احرك يديني على وجهي واحرك قميصي ..
ناظرني وقال :برادن .. وبسرعه شغل تكييف التدفئة وسكر فتحات التكييف اللي يجينا هوى بارد منها
ماقدرت اتكلم .. لأني اذا احتريت اكون معصبة ولاعصبت صوتي يطلع على حقيقته ..
ففضلت اني اسكت احسن لي ..





عند غسق ..
صج اني سخيفة ياليتني ماطلعت بس احسن لي ..
انبطحت على سريري بملل .. ياربي صج بيتنا احلى راحت ايام فرحي وجلستي على النت ..
رحت لدورة المياه الله يكرمكم وغسلت رجولي بالموية الدافية وجففتها .. وحطيت ضمادة صغيره على الجرح اللي صار بركبتي
اهو صح جرح عادي بس انا مااحب جسمي يتشوه يكفي اللي فيه ..
تمنيت يرن جوالي ويكون المتصل نوير على انها جرحتني اخر مره لكن قلبي يحبها مايطاوعني اكرهها
وفجأة تحقق مبتغاي ورن جوالي بنغمة اذا ناوي تروح هالنغمه مخصصه لنوير .. لأنها تحب هالأغنية :رديت اهلين
نوير :هلا وغلا اخبارك من زمان عنك اشوفك انشغلتي عنا خلاص ماعدنا نوذكر
غسق :بس بس بس وربي واحشتني انا تمام اذا انتي تمام ..
نوير :احم احم تواضعي الكريم لاتحرجينه ..
غسق ضحكت من الفرح :يلا بس بللا كلام فاضي
نوير :اقول جوجو تعالي اليوم عندي اوكي مسوية جمعت بنات وابغيك تجين على شرفك طبعا
غسق :ليه منو بيجي
نوير :ريم وندى وكادي ويمكن مواكيد ميشو
غسق :اوكي انا بسأل غسان واعطيك خبر
نوير :ترى بننتظرك ..
غسق :طيب يلا باي
نوير :باي
غسق :دارت في بالي بيرضى ولا لا .. لأني اتوقعه يصير نذل ولايرضى لي اروح لها ..
وقفت ورحت عند حوض السمك وبعدت الستارة عنه وشفت ملابس في غرفته مرمية بالأرض
عرفت انه رجع من الرياضه .. وسبحان الله احراجي وقهري كله راح ..
طلعت ورحت عند باب غرفته وطقيت الباب :طق طق طق
سمعت صوته :ادخلي ..
دخلت وتوجهت لمكان صوته جهت ملابسه .. لقيته كان يبدل كان لابس بنطلون رمادي بس ماكان لابس قميص
وشعره مبلول وكان عاطيني ظهره ..
ابتعدت شوي عنه .. وقلت :امممممم
لف علي وناظرني كالعادة ببرود :نعم ..
قلت وانا مزلة راسي احس بأحراج توني طايحة والحين في هالموقف :بس كنت ابغى اقولك اني رح اروح عند نور
بنت خالتي .. شوي ورح ارجع ..
قرب مني وقال :ومتى ناوية تروحين ..
رفعت راسي وناظرته ولمحت شي موقادرة ابعد عيني منه كانت ندبة وسط صدرة بالظبط في جهة اليسار ..
شتت نظري بسرعه وقلت :المغرب عالساعه 7 او 6وشوي ..
لبس قميصة الأورنجي بسرعه :طيب انا رح اوصلك اجهزي على الساعه 7 بالظبط
ابتسمت فجأة وقلت :صج ..
غسان رفعت حاجبي من الدهشة :ليه كنتي متوقعه اني ارفض ليه انا عمري منعتك عن شي ..
قلت بأحراج :لا بس توقعتك ماترضى لأسباب احب احتفظ فيها لنفسي >>>قلتها وانا قاصدة ارد حركته اللي مالها داعي ..
ابتسم وقال وهو يمسح على شعري :طيب خلينا ننزل نتغدى لأني جايع ..
ابتسمت :طيب يلا ..
قلتها بدون وعي حسيت بفرح لأنه مسح على شعري لأني مومتعودة من اي شخص هالحركة الناس دايم وكأنها تنفر
مني وعلى اني شخصية مرحة وبريئة واللي في قلبي على اللساني ومااحب اجرح احد بس الناس الله يهديها








عند زياد وتولين ...
قلت وانا احاول ماابين اني مختنقه :اقول وين رايحين ..
زياد ابتسم :بنروح للبر ..
قلت بصدمه :البر والحين بهالوقت ...
ناظرني بخوف علي من صدمتي :ايه وش فيك ..
قلت وانا ماسكة نفسي لا اصيح :لاعاد ماتفقنا على كذا خل نروح اي مكان الا البر صعبة شوي ..
زياد :طيب علمني ليه >> وقف السيارة جنب الطريق ...
قلت وانا ادور لي عذر :وراي جلسه من الصبح بروح احجز لي تذكرة عشان اقدم اوراقي للجامعه
قلت له برجا :شوي مارح نطول كلها ساعه ساعتين ونرجع
قلت وانا احس اني بنفجر من القهر :انت شفت الساعه الحين كم
ناظر الساعه :كانت الساعه 11ونص وهو يقول ساعتين يني تقريبا صارت الساعه 2 وشوي
ووقتها لو حد شافني وانا انط من سور بيتنا بيقولون حرامي وربي اروح فيها ..

بالموت اقتنع ان حنا بس نتمشى وقفنا عند كرسبي كريم اللي مدري وش اللي مخليه فاتح هالوقت
نزلنا شريت لي دونات كلاسك مع كوب قهوه ..بالحليب ..
واهو طلب بس عصير برتقال .. مما خلاني استغرب ..
جلسنا نتمشى شوي ونسولف الى ان سألني سؤال ارتبكت مدري وش ارد فيه ...






غسق وغـــــــــســـــــــــــــــان
الغدا كان عبارة عن ستيك لحم مع سلطة وسوب حسيت نفسي بمريكا على هالغدا تعودت في بيتنا مااكل الا رز يوميا ..
واهم شي عصير التوت اللي كان طعمه يجنن صراحه احلى شي حبيته من الأكل كله عصير التوت
اما الستيك كان ملحه قليل والشوربة الشوفان فيها كثير والخضار فيها اكثر ياالله مدري وش اللي جابرني اكل كذا
وقفت وقلت :انا بروح تبغى شي
مسح فيمه بالمنديل وناظرني ببرود :المفروض تنتظرين زوجك يخلص اكل بعدها قومي معه ..
غسق حسيته بيذبحني يوم قالي كذا :ط طيب جلست العب بالملعقة شوي وجلست العب بمفرش الطاوله
الى ان خلص السيد غسان طعامه لكي اتخلص منه وارجع الى غرفتي .. اووف






عند تولين وزياد
انصدمت من سؤاله :اقول بطاقتك الشخصية وين ..
تبلمت ماكنت عارفة وش اقول :قلت اي لحظة ... طلعت جازداني وسويت نفسي ادور بطاقتي الشخصية
قلت برتباك شكلي نسيتها لأني ماشفتها بالجازدان ...
ابتسم بشك وقال :ممكن اسألك سؤال ..
قلت براحه :ايه ..
فجأة انعطف بقوة بالسيارة على جنب مما خلاني اضرب براسي بقوة على قزازة السيارة ورجع جسمي على ورى ..
لفيت ناظرته بخووف :وش فيك ..
تلفت كان كل شي ظلام المكان كأنه بر ..
قال وهو يقرب مني :يعني منت ناوية تعترفين ..
رجعت راسي لورى وابتعدت عنه :وش اعترف فيه بالظبط .. وش فيك
زياد كنت متنرفز ومنقهر ماتوقعت هالشي .. من وحدة من قرايبي ..وبهالطريقة تستغفل اهلها ...



عند غـــســـق
ناظرت الساعه وكانت الساعه 5وربع قمت وتروشت واحترت وش البس الملابس اللي في الدولاب
كلها تجنن لكن للأسف مع جسم مثل جسم الفيل مافي امل من لبسهم ..
لبست بنطلون جينز ابيض مع قميص اورنجي وسيع فيه خطوط باللون الأحمر ..
استشورت شعري مليت منه حيل طويل فتحت ادراج التسريحة ولقيت المقص مسكته رح اقصة
حسيت بتأنيب الضمير ورميت المقص في الدرج ...
رفعت جوانبة بحركة نعومة وحطيت فيه فيونكة حمره لبست ساعه من gucc باللون الأبيض
مع حلق نعوم على شكل كرستاله انيقه باللون الأحمر
حطيت مكياج شوي اوفر ناظرت الساعه كانت بالظبط 6 .. خذيت لي جزمة سبورت عادية وخذيت عباتي وطلعت
بسرعه لأن غسان من النوع اللي ماينادي اذا بيطلع ...
شفته واقف بالصالة ويناظر ساعته بس هالمرة كان لابس بدلة سموكن سودة مع كرفته باللون البنفسجي الفاتح
رفع راسه وناظرني :بسرعه لا اتأخر
ناظرته بدون وعي :اكشخ وين رايح .. كأنك واحد طالع من فلم من الأفلام ...
ابتسم بستهزاء: هه طيب يافلم يلا
قلت :لحظة انت وين بتروح ..
قال وهو يطلع جواله ويكلم احد :بروح لدبي يومين وبرجع الكذا اول ماتخلصين من بيت خالتك روحي لبيت اهلك
على طول واجلسي عند امك اذا رجعت بكرة جيتك ..,.
قلت :طيب وليه ماتاخذني معك
غسان :انا مورايح العب امشي وبلا هرج ماله داعي ..
مشيت وراه وانا مالي اي كلمه بعده لأني ادري وش مصيري لو جادلته ... رح يطنشني ولأكأني موجود بالعالم ..









تولين وزياد
زياد :لاتسوين لي نفسك غبية بتعترفين ولا
تولين دموعي طاحت كنت اظنه غبي ..:لاكن للأسف طلعت انا الغبية ..
زياد سحب شعري وطاحت الباروكه بيده وبقى شعري مرفوع بربطة ابتسم وقال :وكل هذا ومارح تعترفين للحين ..
قلت وانا اسحب الشال اللي على كتفي واحطة على راسي : وش تبيني اعترف فيه ..

زياد بعصبية قلت وانا اشدها قبال وجهي من ملابسها :ابيك تعترفين انك بنت وانك بنت الرجال الطيب المسكين .. وانك تولين وسويتي هالحركة بوقت غباء رماني على الباب وضربت بقوة على النافذه ..

بكيت من الألم والقهر :آآآآآي طيب لاتسوي لي كذا
زياد مسكني من شعري وقرب وجهي من وجهه :والله مااوديك البيت الا وجه الصبح وقت يفقدك ابوك ويدورك .. ووقتها اعلمه
بكل شي ويكسر رجلينك وتحرمين تطلعين بعدها
تولين برجا :لا تكفى ووربي ماعيدها تكفى ..
زياد صفعني مرة ثانية على الباب وهالمرة ماتعدتني وانجرح راسي من على جنب بس ماكانت مرة خطيرة ..
حسيت وقتها اني غبيه غبية ومافي احد اغبى مني وش لون سويت هالشي وش لون مدري ..
بكيت وانا اترجاه وربي بكيت .. بس فجأة رن جوالي والمتصل كان رشــــــــــــــــــــــــــا ..
بغيت ارد عليها بلهفه تدور لي حل لكنه سحب جوالي مني وقفله ...
ظليت اترجاه يتركني لكن طلعت له شخصيه جديدة مو الشخصية الحنونه اللي كنت اتوقعها للأسف كانت
شخصية مناقضة للحنان اللي كنت ابغيه .. للحب اللي كنت اتوقعه للشي اللي رسمته في بالي
صج اني تأثرت بالغرب اكثر من الازم كان لازم احط حد للي اشوفه وللواقع اللي انا فيه ..
لكن عرفت بوقتها ان كل شي ضـــــــــــــــــاع بلحظة طيش مني ..
بكيت وبكيت وبكيت لكنه طنشني وبلحظة غضب سحبني و................................................. .......\














غسق وغســــــان
وصلنا عند باب بيت خالتي بعد تعب لأني مااعرف اعلم اي احد بموقع بيته .. انا نفسي مااعرف .. وين بيتنا
لفيت عليه وحطيت يدي على يده :حبيبي انتبه على نفسك وطمني عليك طيب ...
ابتسم لي وقرب مني وطبع قبله صغيره على جبهتي .. حسيت اني ماابغى انزل وابغى اجلس معاه اكثر ...

..>>>>>>>>>>>>>>>>>طبعا هذا كله من خيالي من سابع المستحيلات يير شي مثل كذا هذا كله شي تخيلته انا
صحاني من سرحاني صوته البارد :وش فيك مو ناوية تنزلين ..
قلت برتباك :هاا الا يلا .. مسك ذراعي ..
وقال ببتسامه مصطنعه باين عليه مره :ترجعين للبيت على طول بيت اهلك لأني رح اتأكد ولو اشوفك راجعه ..
البيت او اعرف انك راجعه البيت رح يحصل شي ماتحبينه ...
غسق قربت من وجهه :طيب ممكن اسأل سؤال
غسان رفع حاجبه وغمض عيونه وتنهد :وشوو عجلي
غسق بعدت شوي عن نفسه قربت اكثر من الازم :ممكن اعرف ليه ماتبغيني ارجع البيت .. وانت موموجود
غسان ابتسم وقرب من وجهي مثل طريقتي وقلت معه :احب احتفظ بسبب لنفسي
ابتسمت وهزيت راسي :حفظتها اوكي اوكي زوجي العزيز الى اللقاء

لأول مرة اسمعه يضحك لسبب بسيط :هههههههههه يصير خير ..
انتظرني ادخل ودخلت




لكني تمنيت اني ماادخلت لأني شفت جهااد
وكان شكله بيطلع .. بلعت غصتي ودخلت قال :اووووه حركات الفيل عندنا اليوم ..
استغربت ولفيت اناظر حولي منو من نصيبة هالمرة كلمة فيل ...
لكن للأسف كنت انا المقصودة ابتسمت وقلت :اخبارك جهاد ..
جهاد كتف يدينه وقال :انا بخير دامي مااشوفك ..
غسق تأففت وتوني ابمشي .. سمعت صووته يقول
تدرين ليه سميتك فيل لأنك سمنتي اكثر من اول مدري كيف تزوجتي الله يساعد زوجك صراحه
ماتوقع انه متحمل جلسته معك اكيد جايبك يرفه عن نفسه شوي ..

غسق مشاعري كلها طلعت وتبخرت وعصبيتي صارت اهي اللي متحكمه فيني قلت :جهاد حدك عاد تراني انسان مثلي مثلك
ولاعاد تتعدى حدودك معي لاتنسى اني متزوجة الحين .. ولي من يوقف معي ..

فجأة لقيته انفجر ضحك وقرب مني وقال وكأنه يكلم بزر :ياحياتي سار عندك والي يماما اشوف طلع لك اللسان خليني اشوفه ..
عضيت على شفايفي من القهر ودي لو عطيته كف يسكته ... انا اللي خليته يرفع من مقدرته اكثر من كذا ..
افي فرق لم اقول عن نفسي كذا وعن لم اترك الناس تقول عني كذا .. ياربي حسيت بقهر العالم كله بوقتي
تمنيت ان تجيني مجزرة وتجزرني من الشحم كله وتتركني عظامه بلحم قليل ..

انقذني من هالوضع دخول نوير وهي تسحبني :وينك من زمان انتظرك ..
ابتسمت :ايه يلا ..
مقوله يكون غسان صج مسويها فيني كذا ... ومتعمد انه يخليني اروجع البيت عشانه يبي يتخلص مني شوي ..
تنهدت بقوة :مزاجي اخترب ..
جلست امشي وارجع .. امشي وارجع ..
نادتني ريم :وش فيها الحلوة معصبة ..
ابتسمت بوجهها ببرود :هههههه مافيني شي بس ابغى ارجع البيت ..
خذيت جوالي واتصلت على بيتي .. اللي اهو بيت غسان زوجي العزيز ..
ردت الخدامة بعد مدة :سلام اليكم ..
قلت :مستر غسان موجود ..
الخدامة :لا مستر غسان مافي سافر ..
سكرت براحة بدون اي كلمة بس على كذا انا كننت حاسة بضيقة ماكنت مرتاحة للروحة بكبرها ..
اتصلت على غسان .. ومارد حسيت بخووف ..
ماكنت مركزة معهم .. في وناستهم واستهبالهم .. خذيت جوالي واتصلت على امي ..
امي :هلا يما
انا :اهلين يما شخبارك ..
امي :انا بخير انتي يما شلونك ..
انا :بخير .. يمما رسلي لي حد يجي ياخذني من بيت خالتي ..
امي :طيب ابرسلك راكان ..
انا :يوووه يما رسلي لي السايق ...
ذكرت اخر موقف صـــار ارتبكت وقلت :هااا ابوي وينه \
امي :ابوك مو هنا مسافر ..
انا :طيب خلاص ابنتظر يما بسرعه ..
امي :طيب ..

سكرت وانا مو مرتاحة خوفني كلامه معقوله سافر وراح يتزوج علي ...
اووووف خذيت وتخبيت في غرفة نوير وانا احس برتباك وقلق وكل شي دقات قلبي موطبيعية .
احس في شي ..ياربي ...
خمس دقايق بالظبط الا وجاني راكان ..
تعذرت بأعذار واهيه عشان يخلوني اطلع .. طلعت
وركبت السيارة طبعا تخلصت من شقاء جهاد وجاني شقاء راكان .. تقولون انهم متفقين مع بعضهم عشان يجننوني ..
تجاهلت كلامه الجارح وغمضت عيوني وكان كل اللي في فكري غسان وسفره المفاجأ ..

وصلـنا البيت ودخلت داخل بسرعه واول مادخلت .. ماهتميت اني اسلم على امي ولا شي كل اللي سويته
صعدت غرفتي واتصلت على غسان .. وكالعادة مارد..
وظليت وانا اغير ملابسي خليته مايك وجلست اتصل على رقمة .. بس فجأة يوم اتصل كان مشغول ..
استغربت وخلاني هالشي اخاق اكثر ..
سمعت صوت امي تناديني .. لبست ملابسي بسرعه وطلعت لها :هلا يما ..
امي :تعالي غسان في التلفون يبغيك ..
رحت بسرعه ورديت بلهفه :غسان ..
غسان :هلا بغيتي شي ..
انا :ها لا بس كنت اطمن عليك مااتصلت علي ولا شي ..
غسان حسيت وش فيها :غسق انا رايح اوقع عقد وبرجع اليوم نص الليل مورايح اسوي شي
من خيالك ارسموه عيال بليس ..
انا ارتحت وحسيت اني ابغى اشوفه ودي اضمه ..>IN MY DREEM :اوكي انا حبيت اطمن عليك وبس
غسان :خلاص الحين ارتحتي ..
غسق :ايه لاتخلي ساعتك تزعجك اهتم بنفسك
ابتسم غسان ورفع يده وناظر ساعته الألكترونيه :طيب اي اوامر ثانية ..
غسق :لا
غسان :روحي نامي وانا لجيت ابوصل ابتصل عليك عشان امر عليك ..
غسق :طيب .. باي
غسان :لارد ..




جود وفجر
فجر كنت جالسة اطالع المبارة بين الهلال ومدري منو ... اهم شي ان الهلال .. فيها ..
كنت جالسة اصارخ من الحماس .. بس النهاية ماكانت حلوة .. فقمت الوح المخاد على التي في ..
دخل ابوي وجلس يصارخ :هي انتي .. شتسوين ..
عدلت جلستي .. وخذيت علب البايسن اخبيهم ..
ابوي :انا كم مرة قلت لك لاتلبسين هالأشياء ولاتحطين في وجهك هالأصباغ
انا كنت لابسه قميص الهلال عليه رقم 26 وكنت راسمه على وجهي خط ازرق وابيض ..
وحاطة لي روج ازرق .. وتوني اذكر ان البايسن ماشلته
سمعت صرخة ابوي وهو يلوح علي علب البايسن مجنونة انتي كم وحدة تشربين باليوم هااا ..
وش اقول لزوجك لتزوجتي هاااااااااااااااااااا
قلت ببرود عكس النار اللي داخلي :اللي يسمع الحين انت مخليني اتزوج .. هذاني انتظر على احر من الجمر >>>قلتها عن استهبال وطيش ..
ابوي :وربي اني عند كلمتي ولارح .. اثنيها .. اول واحد يجي يطلبك عنده على طول ..
ابتسمت انا واثقه من شي ان الناس مارح تناظرني حتى ولا حتى تتجرأ تقول اني لولدها لأني ولد موبنت ..
ابتسمت ومشيت .. انا وابوي مزاج متقلب ساعات يكون راضي وساعات تكون شياطين الأنس والجن كلها يشوفها فيني ...








عنــــــــــــــــــــــــد رشــــــــــــــــــــــا
الحين الساعه 3ونص واهي ماجات ياربي دقاي ويقوم ابوي يصحينا للصلاة ..
اتصلت .. على جوالها للمرة ال20 واهي ماترد .. دموعي تجمعت من الخوف ..
ركضت .. للجهازها ... وكان عليه رقم سري .. جلست افكر كتبت كوريا بس مافي امل كتبت زياد
بالغلط وطلع ظني صح .. كان اهو الرقم السري دخلت عل محادثاتها ..
وشفت رقم جوال خذيته واتصلت عليه بسرعه ..
لك الجوال مقفل وقتها حسيت اني رح اموت اليوم مدري ليه ابوي رح يقتلني ..
قمت بسرعه ولبست عباتي .. وخذيت جوالي ..
وركضت بسرعه لغرفة ابوي وغيرت منبه الساعه وخليته يرن على الساعه 6وربع ..
بست راس ابوي وقلت :يبا سامحني انا سويت هالشي لمصلحة تولين
طلعت بسرعه .. كنت امشي بالشارع الفاضي واحس اني رايحة للعدم
ماكنت ادري وين اروح مين اسأل اتصلت مرة ثانية وثالثة ذكرت الشارع العام يمكن اشوفها هناك ..
مشيت بس كان الشارع فاضي جلست في وسط الشارع وجلست اصيح خايفة ليه مادري احس صار فيها شي
قلبي قام يدق بسرعه حسيته بينفجر صرخت بقوة تولييييييييييييييييييييييييييييييييييييييييييييييي ييييييييييييييين
وش فيك وينك فيه تكفين ارجعي اهئ اهئ ..
غفت عيني بدون مااحس من الم قلبي اللي خف فجأة ...




كان خاطري اقولكم وش صار مع تولين وزياد
بس في البارت الجاي مارح يكون في حماس .. ولا ردود



عند غــــــــــــــــــــــــســـــــــــــــق
كنت جالسة على التيفي .. على مسلسل اكون او لا ..
وكنت اغني مع اصيل وهي تقول ماخترت انا اكون انا وامشي على دروب العنى .. وارحل وادور عن امل
وارحل وادور عن امل اكون او لا ..
اتوه انا بالهم ليه ضاع العم....................................
لفيت شفته راكان غير المحطة وحطة على ارب ايدول ..
لفيت هي رجعه .. لاتسوي كذا ..
راكان :كلي تبن .. وجلس يغني مع الأنسة كارمن .. تدري ليش مدري ايش ..
قمت ووقفت قبال التيفي .. بكل تمرد وقلت :لاتحلم تشوفه هذا اللي خربك وخله مخك منحرف ..
انصدمت فيه يوقف مثل الثور الهايج ويعطيني كف على وجهي وسحبني من كشتي ولاحني على جنبي وضربت في زاوية
الطاولة ..>>>وربي شعور مألم اقولها عن انسان مجرب .. وقسم مؤلم لاحد يتجرأويجربها ..>>احلفي
صرخت من الألم لأن الظربة كانت قووية على جنبي بالظبط ..
حاولت اقوم بس ماقدرت خدي يشتعل نار وجنبي احس ان الكلا تقطعت ..
راكان رجع جلس يكمل مشاهدة للآنسة كارمن ..
صحت وصحت وصحت وصحت .. لكن للأسف محد سمعني امي كانت نايمة حتى لو سمعتني
رح تقول اني اصيح على شي تافه ولا رح تجي . وابوي موهنا ...
اسندت نفسي على الصوفا .. وحاولت اقوم بصعوبة جنبي كان يصرخ من الألم ..
كانت فيني نار تطلب ارجاع حقها لكني ماقدر على راكان واقولها لكم ..
وصلت غرفتي بصعوبة .. حمدت ربي اني ماكنت تحت لأن وقتها مارح اعرف اصعد الدرج ..
دخلت غرفتي وضميت مخدتي اللي على شكل قلب وفيه يدين وجلست اصيح واصيح واصيح ..
بدون ماااحس بالوقت رفعت عيني وناظرت الساعه كانت الساعه 3 يعني الحين غسان رح يجيني ..
رن جوالي وكان اهو حاولت اعدل من صوتي ورديت :هلا غسان
غسان عقدت حواجبي صوتها لأنها نايمه ولا تصيح :هلا اطلعي يلا انا عند الباب ..
غسق :لا غسان خلاص روح البيت بكرة مرني ..
غسان عرفت ان فيها شي ... فتحت باب السيارة وقلت :لو ماتنزلين انا رح ادخل نادى حارس الباب يفتح له ..
سمعته ينادي الحارس صرخت بسرعه :لا لا خلاص ابنزل سمعت صوت باب السيارة يتسكر ...
قمت بسرعه وتحملت الألم وغسلت وجهي ولبست عباتي ...ونزلت
كان راكان جالس يدندن مع الأخ راغب .. والأخت كارمين ..
طلعت بسرعه وشفته واقف وقال :وش فيك
كنت مغطية وجهي ينقالي عن الحارس .. :مافيني شي .ز يلا خل نمشي فيني نوم
لاحظتها ضامة شنطتها وبقوة على جنبها .. اليسار ... ويوم كلمتها تنهدت بقوة وركبت ..



ماستفسرت اكثر ضنيتها صج نايمة وماحبيت ازعجها ...




كنت اصرخ من الألم داخلي وربي الألم مايحتمل
كتمت وكتمت وكتمت .. وكنت كل دقيقة اتنهد بقوة عشان اخفف من الألم لكن هذا كله ماكان نافع ..
فتحت النافذه .. عشان يجيني هوى اكثر ..
غسان :حسيتها منكتمه ولأن السيارة مضلله قلت :افتحي وجهك السيارة مضلله ..
قلت بتعب :لا عادي انا مرتاحه كذا ..



كنت امسح على خدي بقوة عشان يخف الحمار شوي ..
وصلنا البيت .. نزلت بسرعه وانا احاول امسك نفسي من الصراخ من الألم ..
حاولت اصعد لكن للأسف وصلت للدرج متأخر ..
ناداني بصوت فيه بحة خشنة وحدة تردد صداه في البيت .. :تعالي
قربت وانا منزلة راسي ..
تكتف :ارفعي راسك ..
رفعت راسي . وناظرته وانا خايفه وكنت باصمه بالخمسة ان مافي اي علامه على وجهي لأن وجهي من النوع
اللي مايخلي اي اثار من ضرب اي احد ..
فتح عيونه واشر على خدي :منو ضاربك ..

لفيت وقلت :محد ضاربني ولا شي ..
سحبني من اذاني للمراية الطويلة الموجوده بالصالة :وشنو هذا ..
كانت طبعة اصابع راكان موجود وكأني لاعبة بوجهي بالمكياج واصله حتى جنب عيوني ..
قلت :هذا من المكياج اللي اللي كنت حاطته وصار كذا بوجهي ..
غسان :اه صج .. لاتخليني اسوي شي مايرضيك .. قولي لي منو ضاربك ...
سكت وماتكلمت لأن هالشي رح يشوه صورتي عنده .. واحنا تونا على البر ماكملنا سنة ..
قلت :وش فيك قلت لك محد ضربني المكياج وعمايلة ..
غسان :بتفهميني ان هذا كله مكياج تعالي امسحيه قدامي ..

مرت علي ذكرى قبل لا اتزوجها .. يوم كنت ابودي اوراق لعمي شفت راكان ماسك وحدة من رقبتها وطايحة
في الأرض وكانت دبدوبة ولما سألته منو هذي قال ان هذي بنت خالته مدري خدامتهم مدري منو ..
قلت وانا اطالعها :راكان اللي عطاك كف صح ..
ناظرتني وهزت راسها بسرعه بالنفي :لا قلت لك محد ضربني ...
غسان جلس يحن ويحن .. الى ان استسلمت .. وقلت .. :ايه . راكان ضربني ..


غسان رفع حاجبة وقرب مني :وممكن اعرف ليه اضربك
نزلت راسي وقلت :احب احتفظ بأسبابي لنفسي ..
غسان رفع وجهي بيدينه وقال :هالمرة اسبابك لاتحتفظيم فيها لنفسك وقلويها لي احسن لك ..
غسق بلعت غصتي من الخوف لو قلت له السالفة وسببها من البداية رح تهتز صورتي عنده ورح يطيح اخوي من عينه
اقول ولا لا ..