تكفى لا تعلم إبوي ترى اللي فيه يكفيه

42

البارت الثاني والأربعون ..
شور طويييل كافي بأنه يشيل النعاس منها بعد مااستخدمت مجموعه كبيره من الكريمات والمرطبات
اللي امرتها ناريز انها تستخدمهم طوال هالأسبوعين عشان يخفي السواد اللي تكون ببعض المناطق من جسمي
ايام ماكان مترهل ...
جففت جسمها ووقفت على الميزان عشان تقيس وزنها في هالأسبوع قليل ماكلت بهالأسبوع بسبب الأختبارات
وبسبب تجهيزات العرس .. ابتسمت لما كان المؤشر على 52 .. وثلاث غرام بس ..
كان الحماس ياكل قلبي لما اشوف ردت فعل غسان ..اذا شافني.. يالله .. خذيت نفس عميق وتقدمت
من دولاب ملابسي ولبست قميص رسمي مخطط تركواز وشورت فوق الركبه بشوي ..
جينز وجففت شعري ومشطته ورفعته .. طول اكثر من الازم صار يوصل لنهاية فخذي .. ممايشكل عبئ علي وعلى
اللي يفكر يمشطني فكرت اني ابقص اطرافه اليوم بخليه يوصل لخصري .. ابتسمت وانا امسح على بطني ..
وامسك خصري بيديني واخيرا صار لي خصر مثلي مثل غيري ...
هع هع هع لقيت هالحروف تطلع من فمي وانا امسك جوالي واتصل على نارا ..

عند غسان
ماقدر ينام طول الليل وهو يدور بجناحه الجديد اللي بيكون اليوم بعد كم ساعه مشترك معها ..
جلس يفكر :اعلمها بموضوع قلبي ولا الوقت بيكون غلط ..
او اكمل الزواج واخليها تنصدم يوم العرس لما نرجع للبيت والحاله اللي بتشوفني فيها ..
تنهدت وانا اسمع صوت نارا وهي تمر من جنب الجناح .. :اوكي الحين ابجيك بس موعارفه اذا السواق
موجود او خذى رهف تجيب فستانها ..
غسان دققت بكلامها .. وعرفت انها تكلم غسق ..
حب الفضول ذبحني اعرف التغيرات اللي يمكن صارت على غسق فتحت باب الجناح وقلت بعدم اهتمام :وش تبين بالسواق
اذا تبين انا اوصلك .. وين ماتبغين ..
نارا ناظرت فيه وهي تسمع كلام غسق :نارا لا بيشوفني وبيخترب كل تعبي تكفين لا خلاص بصحي راكان يمرك معي
وش قلتي ..
نارا بتفكير :لحظة .. تقول ماله داعي تتعب عمرك اليوم انت بتشوفها تخاف تمل منك بتخلي راكان اخوها يمرني معها عادي ..
غسان بخيبة امل :طيب روحي معها دخل للجناح وسكر الباب وتنهد مدري وش مخبية لي ياغسق عساه خير انشاء الله \

بهالوقت تكلم ضميري :قل انت وش مخبي لها من اشياء ..
حرام اتركها ماتعرف باللي فيني يمكن تغير رايها وتفكر انها تنهي كل شي ..
وقفت بتعب من فكرة انها ممكن تتركني .. موشعور حب اللي انا احس فيه لا شعور وكأني تعودت على
وجودها بحياتي او يمكن لأنها تقتنع بأي شي .. او يمكن لطيبتها .. او لخوفها من كل شي يصير بحياتها ..
بعثرت خصلات شعري وانا اغصب نفسي بعدم التفكير بأي شي ..
وانسى فكرة اني اخبرها ..

عند تولين ورنسا
رنسا تناظر بألوان الشعر لموضة 2012
اقول تولين وش رايك اغير صبغة شعري ..
تولين تترك كوب الحليب اللي تشرب فيه :وش مفكره تصبغينه اي لون ..
رنسا تتلمس شعرها الأشقر الثلجي :اممم وش رايك اصبغه احمر عنابي يعني تقريبا دم الغزال يكون لونه ..
تولين تناظر فيها وعقدت حواجبها :امممممم ولمعت فكرة براسها وقالت بخبث :الا اقول وش رايك انا اللي اصبغه بهاللون ..
رنسا ابتسمت وهي تتخيل شكل تولين باللون الأحمر :اقوول وش رايك تصبغينه اشقر زيتي بيطلع عليك يجنن ..
تولين اعقدت حواجبها اقول :وش رايك اصبغه تقريبا مثل لون شعرك لكن افقع ايه شفتي شعر فيكتوريا من اف اكس
هذيك اللي لما شفنا تزوجنا للتو اهي مع نيكون وغنت نويبي او ..
رنسا تتذكر ايه :اللي كان زوجها بالبرنامج دائما يقولها دوندون مدري ايش يطفو ..
تولين بحماس :بينقو وش رايك اصبغ مثلها بأغنيتهم الجديده ..
رنسا وكأنها متردده :اممم حلوو .. بس اعتقيني من نيشان والحجج اللي يمكن يسويها ..