تكفى لا تعلم إبوي ترى اللي فيه يكفيه

30

  البارت الثلاثون
غسق ..
كان في بانيو بالحمام الله يكرمكم .. كان في اثنين واحد الظاهر انه للأطفال لأنه طويل بس ضيق
وواحد على شكل دائرة يعني تقدرين تجلسين بس
كان خاطري اتروش بموية دافيه من برودة السويت .. على اني سكرت التكييف ومازال السويت بارد
حطيت الرغوة والعطور الزيتيه الموجودة بالحمام الله يكرمكم .. وشوية ورد من الورد الموجود
بالسلة .. للبانيو .. وصار لون البانيو احمر فاتح برغوة خفيفة وريحة جمييييييييييييله ...
فصخت ملابسي وعينت من ربي خير وجلست .. غصبت نفسي انبطح بالبانيو اللي كان
عبارة عن مستطيل طوييل بس انه ضيق .. تفاجأت بالموية اللي بدت تطيح من البانيو
شي طبيعي من كلتة الجسم بس كان الوضع تمام وماشي .. غمضت عيوني
وبديت استرخي .. بس صحيت على صوت غسان ينادي وواقف قريب من بوابة الحمام :غسق
ياغسق غسق ..
رديت بخوف :هلا وش بغيت
غسان :خوفتيني عليك يلا عجلي عشان يمديك تنامين ورانا طلعه المغرب .. ولاتنسين .. صحيني بعد
ساعه للصلاة ..
غسق ناظرت الساعه الموجود بالحمام .. ممداني استرخيت نص ساعه قلت يلا هذاني قايمة ..
المصيبة يوم جيت ابقوم .. ماكنت عارفه كيف اقوم .. كنت منبطحة وراسي مستند على الرخامه اللي بالبانيو ..
وجسمي ممدود وماكان البانيو عند الجدار لا كان بوسط الحمام .. تكرمون ..
حاولت اتحرك بس مافي امل وكأن احد حط بجسمي مغناطيس يلصقني بأرضية البانيو ..
قلت يمكن اذا شفطت الماي اهون لكن للأسف كان الحال اردى من قبل ..
حسيت برجفه لمجرد تفكير ان تمر الساعات ولساتني هنااا ..
ويظن ان عمري ماشفت خير .. وبقيت طول هالوقت عشان البانيو ياربي رحمتك .. فيني
توبه ماعاد اسبح ببانيو غير اللي ببيتي .. ابقوم .. حاولت وحاولت لكن للأسف مافي شي يسندني
رجعت مليت البانيو .. طبعا اكيد تسألون كيف قدرة تشغل الموية ..
وهي موقادره تتحرك .. كان في جهاز الكتروني تتحكمين بالموية ودرجة حرارتها وتفضيت البانيو
وتملين وكذا منها .. خذيت الرغوة اللي حمدت ربي اني خليتها قريبة ومليت البانيو
الى ان خليت ولا شي من جسمي باين غير اكتافي ..


سمعت صوته ..
ايه صوته قال :ياغسق ماخلصتي .. ليكون فيك شي
غسق رفعت صوتي :لا مافيني شي ثواني واطلع جلست افكر بأي حل ممكن
يطلعني من هناا حاولت بشتى الطرق لكن مافي امل .. لازم
يجي احد يسحبني شالموقف اللي حطيت عمري فيه ..
اه ياقلبي انا قايلة انك اغبى وحدة على وجه الكره الأرضية بس ماتصدقيني .. اه ياقلبي وش السواة
نزلت دموعي من الفشيلة يوم تخيلت الموقف انه يجي اهو يطلعني
وقسم كان مافيني حيل احط عيني بعينه بعد اليوم ..
يليتني قلت مابي اروح دبي اصرف لي وقسم ..
مسحت دموعي وانا اخطط وانا اناظر حولي يمكن الا قي حل لوضعي الحين ...
المشكلة ان مافي بالحمام الله يكرمكم غير كرسي طويل انيق بيجي
وبالوسط في بانيو عميق على شكل دائرة .. يليتني رحت وغطست فيه احسن من هالبلا ..
وبعدها بنهاية الحمام فيه مغسلة طويييييييلة كرستالية .. بأنوار تعكس بشكل انيق
وانواع اللوشن والعطور والعناية بالجسم والبشرة موجودين عليها ..
وبزاوية مظلمة بعيدة عن كل هذيلا يوجد البانيو اللي انا فيه .. اه ياقلبي اه حتى جدار قريب
اشد حيلي فيه مافيه ...
مرت الساعه والنص ساعه بدون لاا احس وش انا فيه ..




فجر وفهد
انتهى حالي بنومتي على الصوفا قبالة وانا حاظنه جوالي ..
وابتسامة على شفاتي كلها خبث :اوريك يافهود .. هههههههه
حسيت فيه لما سمع صوت جواله يعلن عن وقت الصلاة بدبي .. وقف بتعب وكسل وخمول ..
وهو يحط يده على راسه عشان يرتب كشته عقد حواجبة من الأشياء الموجودة فيها ..
شنو هذا ...
انتبه لبتسامة فجر اللي موقادرة تتحكم فيها وقال :وربي لو يكون الي ببالي
بتشوفين وش بسوي فيك ..

تقدم من المرايا ووانصدم لما شاف نفسه بالروج البينكي والبلاشر الخوخي ..
والرموش الصناعيه لمركبة بشكل غلط .. وغير كذا شعره المربط
على فوق ... سحب البنسات اللي بشعره .. وخذى المناديل ومسح وجهه وشال الرموش
اللي المته وتقدم من فجر و




غسق
غفت عيني وانا بالبانيو .. والموية الدافيه بدت تعمل عمايلها فيني ..
سمعت صوت ضرب الباب وصحيت فجأة من فكرة انه يمكن يدخل علي وانا بهالحال ..
لأني نسيت الباب مفتوح ...
قلت بقلق :نعم ..
غسان بخوف :فيك شي .. ليه ماصحيتيني من النوم ليه اصلا ماطلعتي ..
غسق لميت يديني على جسمي وانا الوم الساعه اللي خلتني يجي ببالي اتروش ببانيو ..
ياجعلهم يمحون كل البانيوهات اللي بهالطريقة .. يما ياقلبي وش اسوي ..:لا مافيني شي ثواني واطلع
كنت بتهور وبسوي اي شي لكن موقادرة حتى ارفع نفسي .. ياربي رحمتك ..
ناديت بتهور :غسان .. غســــان

بعدة فتره قصيرة سمعت صوته يقول :وش بغيتي ..
غسق وانا اتأكد ان الموية موشفافه يطلع شي من جسمي منها :انا توهقت ..
غسان بستغراب :توهقتي بأيش ماعندك منشفه ولا ملابس ولا ايش .. ولا غرض خاص
غسق بأحراج :لا شي ثاني
غسان استغربت :شي ثاني شنو ؟؟
غسق حطيت يديني على وجهي وقلت :عقلت بالبانيو موقادرة اطلع ..
غسان بعدم تصديق :موقادرة تطلعين ... اي بانييو هذا انا خبري انه كبييير يوسع ثلاثه مو واحد
غسق بأحراج قصرت صوتها :لا مو الكبير
غسان بعدم تصديق :الصغير ..
غسق بهمس :اييه ..
غسان ناظر الساعه :طيب ليه ماقلتي من زمان جيت ساعدتك الحين شوفي كيف جسمك بيصير من الموية
غسق ........................
غسان فتح الباب ويدخل صرخت وقالت :لحظة لحظة لحظة
غسان وقف :شنوو
غسق :جيب معك منشفه وغمض عيوني ..
غسان بسخرية :كيف يعني تبيني ادخل وانا مغمض عيوني ..
غسق :طيب بس جيب منشفه معك بالأول ..
غسان لقيت منشفتها حمرا كبيره .. وخذتها ورجعت لها مرة ثانية .
الحين ادخل .. غسق تنزل نص جسمها بالموية ولأن البانيو قصير موطويل ماقدرت الا انها تغطي بيدينها
باقي جسمها .. ولمت نفسها وقالت ادخل ..
غسان دخلت وشفتها ضامه نفسها موباين منها غير ظهرها .. واكتافها ..
قربت ومديت يدي لها ..
ناظتني وهي تقول :احلف ياشيخ .. لا عطني اياها اغطي جسمي فيها ..
غسان بتعجب :تغطين جسمك فيها وبعدين .. كيف بتنشفين عمرك ..
غسق بأحراج :مولازم انشف عمري .. بسرعه عطني اياها ..
مديت لها المنشفة وناظرتني وقالت لف الجهه الثانية ..
لفيت وعلى فمي ابتسامة سخرية ... لأنه كان في مرايا تعكس اللي تسوية ..
غسق تغطت فيها وكأنه غطى بتنام فيه .. وقالت بعد مالفته عليها عدل وامسكته بأحكام تحت
ذراعها .. مدت يدها وقالت :يلا ..
غسان لف يناظرها ومد يده لها .. وقال :يلا ..
مانتبهت للرغوة الي بيدها واهو مسكها وهم بيسحبها بس بدل مايسحبها ..





فهد
قرب منها واهو يشدها من شعرها ووقفها قباله وفجر مصره تسوي نفسها نايمه ..
جلست تهمهم ومن داخلها تصرخ من الألم ..
قرب وجهه من وجهها وقال :ياحياتي اثاريك نايمه يكون احسن ..
حملها وترك راسها عند رقبته ووحاظن جسمها السفلي .. ابعلمك كيف تكونين .. انثى ..
دخل لل.................................







غسان .. وغسق
موقف محرج لأبعد الحدود بدل مايسحبها لقى نفسسه بيطيح فوقها ..
واهي كردة فعل سريعه خذت يدينها وحطت وحده منهم على قلبه بالظبط والثانية ..
في وسط صدرة ..
غمض عيونه من الألم اللي جاه بسبة يدها وثقل جسمه اللي صار وكأنه احد جالس يظغط عليه .. حمد ربه انه
تمسك على طول بالاطراف البانيو ..
وجهه كان قريب من وجهها .. وشعرها المبلول نصه .. ووجها اللي تلطخ بالرغوة ..شوي
جلس ثواني يناظرها ... واهي بأحراج نزلت راسها موقادرة تناظره الموقف سخيف وبايخ ..
دايم احط نفسي بمواقف مالها داعي .. ولازم تشفلني ..
قلت وانا ابلع ريقي من الشعور الغريب اللي اجتاحني من نظراته :بتساعدني ولا ..
ناظرها .. بصمت وغمض عيونه مرة ثانية وهمس :شيلي يدك من على قلبي .. عشان اقدر ارفع نفسي ..

احس بأجهاد موطبيعي وشكلها اثر فيني شعور غريب .. انا رجال لاحد ينسى هالشي ..
وشي طبيعي بتأثر من هالموقف ..
خدودها المتوردة بشكل محرج .. لأول مرة اشوفها بهاللون بهالشكل وبريحة العطرية هذي ..


ناظرتني بخوف وقالت بحنان جاها فجأة :المتك اسفة ماقصدت بس عشان لاتزيد الوضع طعون .. يكفي اللي فيني ..
ابتسمت لما قالت هالكمله حنونه مثل ماتوقعت قربت منها وطبعت قبله على .........






فجر ..
ماكنت ادري وين بياخذني كنت بصرخ وبقولة ينزلني بس ارتحت لما مادخلني غرفة النوم ودخلني .. للحمام الله يكرمكم ..
مافكرت وش ممكن يسوي وكملت تمثيلي وصرخت لما اكتشفت اني بكون بعد ثواني .. مثل البطه المبلولة بالموية ...
صرخت لما رماني بالبانيو الدائري يرش علي الماي :فهيداااااااااااااااااااااااااااااااااان تكفى خلاااص ..
فهد بضحكة سخرية :ههههههههه تستاهلين يالمجنونه .. اجل احد يسوي كذا وكل مرة .. تسوين شي ماارضاه بستخدم معك هالأسلوب ..
فجر وقفت ورفعت نفسها من الموية .. وهي تشهق من برودة الموية :هااا هااا طيب خل الموية تكون دافيه شويي ..
فهد يلمس الموية ويرفع حواجبه بمكر لو فيه ابرد من كذا بخليه يكون ابرد .. تستاهلين .
فجأة تحول صراخها لضحك موطبيعي :ههههههههههههههههههههههههههههههههههههههه فهيدان .. ههههههههه
البنت استخفت .. اي والله استخفت رميت رشاش الموية وقربت منها وانا احتظن وجهها :وش فيك فجور وش فيك وش صار .. لك
فجر تكمل ضحك عشان تجذب اهتمامه ومدت يدها عشان تاخذ الرشاش وكان اسرع منها ..
لما حط يده على الرشاش فوق يدها وقرب منها وهمس :ماتستغفليني للأسف
ناظرته بخوف لأنه اكتشف لعبتها ..:ط طيب خلاص خلنا نقوم ..
فهد قرب منها وحط خشمه على خدها وهمس :هالمرة سماح المرة الثانيية لو تموتين ماتطيرين من يديني .. لو يصير وش يصير ..
فجر وقفت .. وهي تمشي بشويش ولا كأن شي صار ..
فهد انصدم من شكلها كيف الملابس لاصقه بجسمها رمى عليها المنشفة :ولف وجهه روحي غيري ملابسك بسرعه ..
فجر خذت المنشفة ولمتها على جسمها :طيب لييه تعصب ..
فهد تأفف وطلع من الحمام وهو يلوم نفسه لأنه تسرع ووافق ياخذها .. مستحيل تكون فيه بنت يصير لها كل هذا ووضعها طبيعي ..





غسان ** غسق
قاطعت قبلته الباردة .. وحطت يدينها على وجهها ونزلت جسمها بالموية تحاول تغطي وجهها ..
غسان ابتسم من حركتها :ههههه طيب خلاص خلاص قومي اساعدك ..
لازالت مغطية وجهها ..
سحب يدها من وجهها بخفه ووقفها بأقل من دقيقة .. قباله وهي خافت المنشفه تطيح ضمته بقوة ولمت المنشفة عليها بقوة ..
غسان غمض عيونه من برودة الموية .. اللي جاته فجأة ويدينها اللي احتظنت صدرة بقوة ..
اسند طولة لما شافها مثل اللي بدت تتمايل بوقفتها اكيد رجلها بتنام بعد هالجلسة الطويلة .. صار لها اكثر من ساعه واهي هنا ..
قلت بهمس وانا اقرب فمي من اذنها اللي غطاها شعرها :تروشي بسرعه عن Cosmetics Body
واطلعي انتظرك ..
غسق ماصدقت يطلع .. جلست بالأرض محتظنه نفسها تسترجع اللي صار .. ودقات قلبها .. بدت بالخفقان .. اكثر من الازم
ماكان المفروض يصير كذا مو الحين موب هالوقت اللي مشاعري فيه مشتته ..
حطيت يدي على فمي فجأة وحسيت بحرارة تدفق الدم بجسمي يالله شالأحراج ...






فجر
غيرت ملابسي ولبست قميص اخضر وطني وبرمودا جينز ابيض ..
وكششت شعري كالعاده ..
وتعطرت بعطره بوسس .. وانا استنشقة ياجماله ياجماااله ..
وه فديته فديته فديته ..


طلعت وهي تدندن .. بلحن غير مفهو يوشيهو وجاندا جانا داوتشيوو سيرانين دانا داوميشو .. يوجين جين تشيواسو

فهد يتأفف :بدينا الحين .. قل اعوذ برب الفلق من شر ماخلق ..
فجر ناظرته وهي ترفع حاجبها :لا يشيخ وش تتعوذ منه .. ليكون شايف جن وانا مدري
فهد يبي يغيضها اكثر :اللي داخلك جني بس خارجك الله العالم ..
فجر تقرب منها وبيدها المخده :اقول احترم نفسك .. لاتخليني استخدم غير هرج الرجال احول هرج حريم ترى
ماتخلص مني ابد ..
فهد وقف ورماها على الصوفا بقوة :كم مره ابعلمك ماتتكلمين ..بهاللغة تراك بنت وغصبن عن خشمك بنت
وكلمات هرج ماهج ماهي عندي هااا وسحبها من كشتها وقال :يالله اجهزي بننزل نتغدى مع غسان ومرته يلا ..

فجر ناظرته بغضب :يعني انتقم مرة ثانيه ..
فهد يكمل سحبها من كشتها لغرفتها :انتي جربي انتقمي مثل مرتك الأولى وقتها مابيحصل خير وربي وبتشوفين
فجر وهي تعض على اسنانها وتلم شفايها بطريقة غاضبة تكتم المها وبداخلها اوريك وربي بتشوف يالخااااااااااااااااااااايس







غسق
دخلت الغرفة وحدت ربي انه موموجود فيها قفلت الباب وانبطحت على السرير من التعب ربي لايعييدها من ساعات وربي انها
تحرج الواحد ...
خذيت نفس عميق ولفيت روب الحمام اللي يدوب قادر يلم جسمي وتوجهت للشنطة وطلعت لي ملابس مريحة
اهم شي بالدنيا راحتي باللي البسه ماهمني حلو موحلو اهم شي يرحيني ..
لبست لقنز اسود وقميص احمر نص كم مرسوم عليه سمايلي وورلد وجففت شعري ورفعته بكلبس بدون ماامشطه لأنه
اذا كان مبلول لو شوي يتساقط اكثر فضلت اني امشطه اذا رجعت
تعطر بعطر البودي .. لأن ريحته خفيفه ولطيفة هع هع .. توضيت وصليت الظهر ..

لبست عباتي وخذيت شنطتي .. وتأكدت من شحن جوالي وجازداني .. بالشنطة طلعت شفته مكتف يدينه والنظاره على
وجهه ولابس بدله .. انيقهه بنطلون جينز عادي وقميص ابيض عليه جاكيت اسود سموكنق ..
وعطره الأنيق كالعاده يالله وش وراه على هالكشخه قربت وقلت بأحراج :غسان غسان ..
غسان رفع نظارته وناظرني :خلاص جهزتي ..
غسق هزيت راسي بمعنى ايه :وقف ومشى قدامي وانا وراه ... وانا احس اني ابغى انام بأي طريقة من التعب ..




عند تولين
كانت جالسة على مسلسل كوري اسمه (to the beutefull you)
يالله صرت اكره كل المسلسلات اللي يكون فيها البنت تسوي نفسها ولد ..
رميت الاب على جنب وغمضت عيوني ماصرت اشوف رشا كثير من بعد مانخطبت
تصحى الصبح ولاترجع الا بالليل الوقت اللي اكون فيه زواجهم تحدد بعد شهر بالظبط ؟؟
ياربي هالبيت بيصير فاضي فيني ..
تفاجأت بزوجة ابوي تمشي وتجلس قبالي هميت اوقف واورح غرفتي لكنها قالت :فيكي تطلعي معي اليوم ؟؟
تولين بستغراب :وين اطلع معك
زوجة ابوها :بدي روح اسوق مشان بكمل اغراض البنبون ..
تولين عقدة حواجبها بستنكار :مين البنبون ..
زوجة ابوها ابتسمت واشرت على بطنها :ابني بسميه هييك ..
تولين ابتسمت بستنكار :ههههه اهااا.. بس مااقدر اجي معك اسمحي لي وقفت ورحت لغرفتي ..
وانا احس بملل فضيع اه ياقلبي وش اسوي مللل .. طفش ..

حظنت مخدتي وغمضت عيوني ونمت كالعاده وكأن النوم مهربي الوحيد بهالدنيا ..





عند غسق وغسان ..
توجهنا للمطعم اسمه Radisson SAS Deira Creek
دخلنا المطعم كان راقي بشكل انييق .. وموطبيعي ..

غسان لف يناظر فهد بمعنى :خلك انت لحالك واحنا لحالنا بعدين نجلس سوى ..
فجر بلقافه غسق خلينا نجلس سوى ..
غسق توها بتتكلم تدخل فهد :انتي دايم قاطه فيسك عند الأوادم خليهم يرتاحون شوي منك ياخي .. بس شوي ..
وش فيك الله يهديك .. مسكها من يدها وجلسها بمكان بعيد عنا ارتحت ..
انا من النوع اللي مااحب اي شخص جديد يدخل حياتي ..
اذا تعودت على شخص ابيه يكون ملكي انا وبس .. محد ياخذه مني بس ليس كل مايتمناه المرئ يدركه ..

جلس غسان قبالي وجاا القرصون مدري الويتر المهم وعطانا المنيو ..
وجلست اتصفحه وانا موفاهمه ولاكلمه كلمه ايه وكلمه لا .. fish يالله وش هالفشيله ... يعني بعد اقوله موعارفه اطلب شي ..
قلت خل اطلب Grilled fish with garlic and lemon sauce ..
ماكنت عارفه وش يعني وغامرت
غسان ناظرني وقال :وش تبين تطلبين
غسق تبلعمت واشرت على Grilled fish with garlic and lemon sauce ..
ابغى هذا الفيش ..
غسان عقد حواجبه مستغرب من طلبي :متأكدة ...
غسق هزيت راسي :ايه
غسان رفع حاجبه طيب قولي لي طلبك بالعربي
غسق تبلعمت وقالت برتباك :سمك بال ليمو ون
غسان هز راسه :طيب وبعد
غسق نزلت راسي وقلت بأحراج :كيف يعني بتطلبه لي ولا
غسان ببرود :اوكي سمك مشوي بصلصة الثوم واليمون اطلبه ليه ماطلبه
غسق تفاجأت :ثوم وليمون لاخلاص ابغير طلبي ..
غسان تنهد :وش تبين تبين
1- ستيك لحم مع رز
2- ستيك دجاج مع رز
3-شيش كباب مع شيش دجاج بدون عظم مع رز
4- مشاوي مشكله مع رز
5- مش
غسق تقاطعه "خلص خلص وقف ..
رفع راسه وناظرها وقلت بغصه :انت شنو طلبت ..
غسان ناظرني وقال :شي ماتحبينه ..
غسق جلست افكر شنو مااحب انا ..
غسان :شي مافيه اويل ولا سولوتي ..
غسق ححطيت يدي على اذني :طيب خلاص ابغى مشاوي مشكله ..
غسان ناظرني "وش تبين تشربين
غسق :ابغى عصير برتقال ..
غسان لف للقرسون اللي كان واقف ويناظرنا من بعيد وجلس يقول الطلبات له ..





في طاولة ثانيه يمليها المناوشات مابينهم
رفعت يدها بكل جرأة :اكس يوزمي قف مي بانيو بليز ..
فهد بصدمه لفعها على راسها بقوة :هي انتي وين احنا وش اكس يوزمي وش بانيو فشلتينا ..
فهد رقع السالفه وناظر الشخص اللي جلس يناظرهم بستغراب :Sorry Can you wait a minute please
القرصون هز راسه بمعنى طيب ..
فهد :ان شفتك تكلمتي بتشوفين وش بيجيك ..
فجر توقف :انا بروح اجلس بطاولة لحالي تبى شي ..
فهد سحبها وجلسها جنبه :لاماابى شي ابيك تنتبنين وتجلسين ..
فجر :اووووف ياربي ليش انت صمغ كذا
فهد :Excuse me Give me
One dish of all this list ..
And 1 lemon juice and 1 orange juice ..
فجر بستهبال :جوعااانه ابغى اطلب اكثر
فهد لف يناظرها :وجعوه حتى لو انك فيل طلبت لك كل الي بالقائمه هناا شوفيه ..
فجر :برتياح اي عبالي ..