تكفى لا تعلم إبوي ترى اللي فيه يكفيه

12

البــــــــــــــــارت الثــاني عشر
انصدمت من حركة رشا مسكتني من ياقة قميصي وصرخت :فتحي الباب بسرعه ..
هزيت راسي بمعنى طيب وفتحت الباب وانتبهت ان عبايتها كانت عالقة في الباب ..
فتحت الباب وركضت لدورة المياه الله يكرمكم ...
استغربت .. لكني مااهتميت ورحت غيرت ملابسي وتوضيت وصليت الفجر وتوني
ابنبطح عشان انااام وكانت الصدمة برشا وهي تقول :يالخايسة ليه نايمه برى هاا
انتي ماتدرين شصار فيني في سبيل اني القاك ..
تولين عدلت جلستي عشان اقابلها :ليه انا قلت لك اطلعي تلقيني لا والله ماقلت لك
وش اسوي لذكائك الخارق اجل تطلعين تسكرين على عباتك ولاتاخذين كرت الفندق
رشا :هذا جزاتي تأخرتي وانتي تعرفين اذا سافرنا انا مااحب انام لحالي ..
تولين جلست اراوغ لأني ابغى اكمل نومتي :اووه ارسوو بياني >>>طيب اسفة
حطيت راسي على المخدة ونمت واهي قامت وخلصت صلاة وانبطحت جنبي
صراحة رحمتها حسيتها بتموت من التعب والنووم

عند غسان وغسق
كانت الخدامة تقدم له الأكل فجأة طلع صوت مثل المنبه ..
ورمى الملعقة من يده ورفع يده اليسار وكان يناظر ساعته ..
الخدامه خافت يوم شافته كذا :مسترغسان اجيب دواا
غسان عبس بوجهه واشر لها بيده :لا روحي
تقدمت صراحة خفت :وقلت فيك شي
خذى نفس عميق وتنهد لا وبشويش قل صوت المنبه وسكت
شرب كوب العصير وبس لف علي :كملي اكلك .. انا بقوم ارتاح ..
صـــعد وطنشني ياربي ولا كأني متزوجه وقسم يعاملني وكأني سكرتيرته اوووف
بدون مااهتم شفته ركب المصعد مادري حسيت فيه شي .. لكني مافكرت اسأله ليه ..
وجلست اكمل اكل وانا احس اني بموت جوووع ..
كنت جالسة اكل وبسرعه قبل لايجي احد ويشوفني فجأة انفتح الباب و ...

عند تولين ورشا
صحيت على صوت جوالي ورديت :الو ..
زياد :الو ارتبك من الصوت الأنثوي وقال :ممكن تعطيني محمد
تولين صحت فجأة وعدلت صوتها وقال :هلا والله
زياد :هلا فيك ليكون ازعجتك ..
تولين لفت تناظر الساعه شافتها 2ونص الظهر :لا عادي انا كنت بصحى ..
زياد :وش رايك نطلع ابغى ادور على شي تجي معي \
تولين :اوكي بس اغير ملابسي واصلي واجيك ..
زياد :طيب انا بنزل الكوفي تحت ابطلب لي شي تبغى اطلب لك معي ولا
تولين :امممم اوكي ابغى ميلك تشيك توفي اوكي
زياد :طيب
تولين بدون مااسمع رد سكرت الجوال ولفيت شفت رشا نايمه وشكلها تعبانه من جد ..
دخلت الحمام الله يكرمكم وتوضيت وفرشت اسناني وصليت الظهر والعصر لأن موأكيد اشوف مسجد
ولبست بنطلون جينز كحلي مع قميص بنفسجي غامق كان مرسوم عليه قيتار مع الات موسيقية
مع جكيت رمادي فاتح ورفعت شعري ولبست الباروكه ورتبتها .. تعطرت ولبست ساعة من شنل
لونها رمادي فيها خطوط بنفسجي وخذيت نظارتي الشمسية من gass وتأكدت ان كرت الفندق عندي
وجوالي وكل شي طلعت بعد ما كتبت ملاحظة بجوال رشا لاتنتظريني وسوي اللي تبين ولاتنسين كلي لك شي .. انيو >>>با ي