تكفى لا تعلم إبوي ترى اللي فيه يكفيه

45

  البارت الخامس والأربعون ..
كنت اخذ انفاسي اللي موقادره تطلع ثقل الفستان من جهه وتسارع دقات قلبي وخوفي من المستقبل من جهه ثانيه ودموعي اللي خانقتني من جهه
لبست عباتي وشيلتي وانا اتذكر ايام طفولتي اني كنت احلم واتخيل هاليوم وش بيصير
لكن كل اللي تخيلته ماصار منه ولا شي ..
رقصة على ضو الشموع وبين همسات وغيرة الناس مني ..
وبين صوت دقات قلبي المتراقصه من شغفها وحماسها .. لكن ولا شي من الي تخيلته تحقق ..
طلعت وساعدتني وحده من تبع عاملات الفندق وانا انزل بفستاني الثقيل ..
تفاجأت بأبوي وراكان وغسان اللي كان يتكلم معاهم وكان يبتسم لهم مجامله لكني عارفه ومن نظره وحده
على ملامحه المتوترة انه تعبااان وبيموت من التعب ..
قربت منهم ابوي احتظني وسلم علي وباسني على راسي وقال :مبروك حبيبتي وعساها زواجة الدهر انشاء الله
والله يهنيكم ويوفقك انشاء الله ..
ابوي لما قال زواجة الدهر لفت عيني لغسان اللي ناظرني نظره سريعه وبعد عينه عني بسرعه .
ابتسمت :تسلم يبا ..
راكان هم قرب مني وقال :مبروك ياغسق ..
غسق ابتسمت اجامله وانا ماني طايقه اشوفه حتى :الله يبارك فيك وعقبالك ..

وكلها ثواني وامي جات وضمتني لها لكن هالمره كنت اقدر احس بلمعة دموعها معقوله امي بتفقدني بالبيت
اتذكر الشهر اللي جلست فيه بالبيت كانت كل يوم تقول لي :انتي متأكده ان زوجك مسافر وبيرجع ياخذك
حسستني وقتها انها ماتبغيني لكن الحين وش تغير يايوما ..

حظنتها وانا اقول :انتبهي لنفسك ..
امي ابتسمت :وانتي حبيبتي وطيعي زوجك ترى طاعة الزوج واجبه .. وتذكري كل اللي نصحتك فيه ..
وعلمتك اياااه خليهم كلهم يقولون هذي تربية امها وابوها ..

غسق ابتسمت بحزن :حاضر يوما ..

ابوي وتوصياته الأخيره :ياغسان تراها امانه برقبتك لين ربي ياخذ امانتها ..
غسان وفتح اول ازرار ثوبه :هي بالحفظ ياعم لاتوصيني على قلبي ..

بهاللحظة لفيت وناظرته وابتسمت بسخرية :قلبك يعني مااعني لك ولا شي لأن قلبك رميته بكل سهولة ..

ابتعدوا عنا بعد ماوصلونا للسيارة اللي كانت ليموزين لكنها موكبيرة مرة .. فتح لي الباب واشر لي اركب بسرعه ..
ركبت وبمجرد ركوبي تفاجأت بالشخص اللي موجود داخل السيارة وممرضة جنبه شسالفه ..
غسان رمى نفسى على الكرسي بتعب وقرب منه الدكتور بسرعه مع الممرضة واول شي سواه ..







عند فجر
عند فهد وفجر
ركبت السيارة بتعب من الكعب الأسود العالي نهايتها لبست جزمة الفندق اللي يحطونها بالغرفة هدية ..
وكانت ماسكه جزمتها الكعب الله يكرمكم بيدها .. وركبت السيارة ..
فهد كان فاتح عيونه ومنصدم :الفندق راقي كيف تطلع بهالشكل سكرت باب السيارة بأقوى ماعندها وتنهدت
هــ يلا حرك ..
فهد رفع حاجبه :عفوا لكن انتي موزوجتي زوجتي انسانه رقيقه ماعندها هالسوالف ..
فجر تأففت :اوووف غيرت بحت صوتها انعم من بحتها الحالية :فهووودي لاتسوي كذا ..

فهد خق عليها لكنه كتم ابتسامته وهز راسه : احم .. لاحول ولاقوة الا بالله ..

فجر وبدى حماسها بالكلام :تصدق الزواج كان يجنن يجنن بشكل موطبيعي تعرف كيف يجنن ..
خصوصا غسق الله يحفظها طاله تجنن .. تصدق تحمست حتى انا ابغى اسوي لي عرس ..

فهد لف وناظرها وهم عند الأشارة :لا خلاص انتي قلتي ماتبغين ..

فجر بحسافه :أي والله صج خلاص طيب بس ابلبس فستان ابيض خاطري فيه ..
فهد ابتسم :من عيوني كم فجورة عندي فستان ابيض وكوشة بعد ..

فجر بفررح :صج !!

فهد ابتسم بخبث : اي صج ونجيب لك مصنع تسالي بعد ..

فجر كشرت :رجعنا لسالفة تسالي .. ..

انصدم لما سحبت يده وباستها :مشكوووور ..

فهد سحب بريك ووقف على جنب الطريق وكأن حنا بالبر .. ناظرته بخوف :وش فيك وقفت هنا ..

فهد فتح حزامه الأمان وقرب منها ..
وسط نظراتها الخايفه من المكان اللي وقف منه .. قرب منها و *****************************







عند تولين ..ونيشان ..
كانت تبغى تبعد من وسط يدينه اللي محاوطتها وهو غارق بنومه لكنها موعارفه ليه موقادره تتحرك من جنبه ..
تولين وهي منحرجة من البدي اللي كانت سيورة تطيح عن اكتافها وموعارفه تعدلها .. :غبي غبي غبي اتركني اهـ اتركنييي
نيشان بنفس الحاله اللي اهو فيها :لاتخليني اصحى واكمل اللي بديته من شوي ..

تولين بخوف :اوووف

نيشان وهم بنفس حاله :تدرين لو فتحت عيوني وشفتك صاحيه عارفه وش بيصير .. 1.2.3

فتح عيونه وابتسم لما شافها مغمضه عيونها وتتصنع النوم .. مسح على شعرها وباس جبينها
وحظنها اكثر بعد ماا طفى نور الأبجورة .. وغرقوا بأحلامهم ..





عند غسان
كان ساند راسه على مخدة الكرسي اللي بسيارة ... والدكتور مزع ثوبة من النص وحتى قميصه الداخلي وكشف عن صدرة
وفتحت عيني بصدمه من الخط اللي موجود بنص صدرة وللحين ماالتئم جرحة .. رحت وجلست جنبه بخووف
لما شفته يتنفس بسرعه ومغمض عيونه ودقات قلبه الصارخه وتسارعها الدكتور سحب جهاز اسود وركب اشياء قريبة
من قلبة وهو يأمر الممرضة تعطيه بعض الأدوات ..

ولاشعوري دموعي طاحت من الموقف اللي اشوفه كان ضيقة نفسه طاغيه على تصرفاته وصل لدرجة انه قام يتأوه

وهو يبعدني بيده عشان مااشوف وضعه بهاللحاله ..

الدكتور لف كمامة الأكسجين حول وجهه وقال :غسان تسمعني غسااان
غسان هز راسه بشويش ...
الدكتور وهو يحرك يدينه بسرعه ويشغل الجهاز الأسود :لاتحط ببالك انك تعبان حاول بأرادتك تنظم دقات قلبك الصناعي
قبل لايصير تلف كامل للجهااز ..


حطيت يديني على وجهي وجلست اصيح من الخوف معقوله يموت بهالليوم معقولة اليوم بيتركني ...








عند فجر وفهد
كانت مرتبكه من اللي يسوية بعد عنها وهو قريب من وجهها وهمس:قلت لك لاتسوين اشياء تحركين مشاعري فيها ..

فجر نزلت عيونها منحرجه :اسفه ماكان قصدي ..

فهد رجع يكمل طريقة وهو يتجاهل مشاعره الهايجه ناحيتها بدى يحس نفسه مراهق بعد ماتزوج هالمطفوقة هذي ..

وبدل لايتوجه لشقته اتجه لبيت اهله ... مايبغى يقعد معها بمكان مافيه الا اهو معها يخاف يوس وس له الشيطان
ويسوي شي المفروض مايسويه بهالوقت ..

اما فجر كانت تحاول تهدي دقات قلبها من الهلع اللي جاها ..






عند غسان وغسق
كلها ثواني وهدأت دقات قلبه وحتى تنفسه صار منتظم ..
الدكتور تنهد براحه :هـ الظاهر اني مارح اسمع كلامك وببلغ اهلك عن العله فيك ..

غسان ابتسم بتعب ورتب على كتفه :عارف انك ماتسويها يعطيك العافيه ..

غسق موعارفه وش تقوله بالظبط كيف تحلل شخصية غسان حنون بارد جباااان او قلق موعارفه وش اسميها

الممرضة بدت ترتب الأدوات وترجعها مكانها ..

والدكتور اللي بدى يظغط على معصم غسان من اللي فهمته انه يمسجه له ..

غسان لف وناظرني ورفع يده لي يأشر لي امسكها .. وقربت منه وحظنت يديه بخوف بين يديني ... :آسف لأني كنت بنهي ليلة عمرنا
بوفاتي ..

غسق بهمس وهي منزله راسها وعيونها تدمع :بسم الله عليك..

غسان رفع يده من يدينها ومسح دموعها ... :تكفين لاتبكين ..

زاد بكاها من كلماته تحس بخووف من المستقبل وعدم استقراربمشاعرها ..

غسان حظنها بذراعه ...

وبعدها نزل الدكتور والممرضة بعد ماقاله :اي شي تحس فيه اتصل علي على طول ومبروك ياعروس والسموحه على
خرعتك من اول يوم ..

غسق عدلت صوتها :الله يبارك فيك ماصار الا اللي ربي كاتبه وانت مشكور على وقفتك معه ..


الدكتور :العفو ماسويت اللا واجبي قدام غسان ..







عند فهد وفجر
وقف قدام الفيلا ووقفها بموقف سيارته ونزل وفتح لها الباب قالت بستغراب :ليه بنبقى هنا اليوم ..
فهد ناظرها من على جنب :تراه لمصلحتك نبقى هنااا اليوم ..
قفل السيارة بريموتها ومشى قدامها وهي تتبعه .. وموعارفه وش قصده باللي يقوله ..
دخل للبيت وشاف امه ونارا ورهف جالسين بالصاله والظاهر انهم توهم واصلين لأن الخدامه
جالسه تشيل اكياس الأغراض والهدايااا اللي وصلت تهنئة لغسان وغسق ...

امي ابتسمت لما شافت فجر ... :توني بتصل عليك تجيبها تنام عندنا الليوم

ناظرت امي بأحراج لأني فهمت وش تقصد له بالكلام .. :ماله داعي هذاني جبتها ...

عقد حواجبي وانا اشوف ملابس نارا :من متى صرتي تلبسين كذا ...

نارا ناظرته بنظرتها البارده وصدت على جنب ....

رهف وبدت فكرة خبيثه تلمع براسها :فهود شفت فستان فجر ..

فجر لفت بصدمه على رهف وخزتها بمعنى اسكتي ..

فهد لف وناظر فجر :وريني وش لابسه ..

فجر ابتسمت بخوف :لحظة ارتب نفسي واجيك ..

فهد مسكها قبل لاتمشي :لا حبيبتي وريني وبعدها روحي وسوي اللي تبين ..

ام غسان :حبيبتي خلي رجلك يشوف فستانك عادي مافيها شي ..

فجر جلس تدعي على نارا بداخلها :ياجعلك تنقرضين يارهف وش يخليني اسمع كلام وحده هبلة ونفسيه مثلك ..

فصخت عبايتها وهي تناظر ملامح وجه فهد ...

فهد منصدم لدرجة انه جلس يصفق وهو يدور حولها :شاطره حبيبتي كان لبستي منشفتك ورحتي لهم فيها وش بقى من طول الفستان
من متى انتي تلبسين فساتين كذا اصلا ..

فجر تكتفت وهي تناظر رهف بنظرات حقد ....

ام غسان ترقع الوضع :روحي حبيبتي فجر غيري ملابسك ..

فجر ناظرت فهد بعيون راجيه يتركها اليوم ففي حالها مالها خلق تهزيئ ...


فهد تنهد وعطاها ظهره ومشى لمكتب غساان ...


بهاللحظة انفتح الباب الخلفي للمطبخ ودخلت غسق ومعها غسان وهي ساندته وتمشي معه بشويش عشان لايسمعون صوتهم وهو يدخلون

فتحت باب المصعد الموجود بالمطبخ ودخلت معه فيه وسكرته بسرعه .. قبل لايجي اي احد ..






عند فجر
رمت عبايتها بغيض على سرير نارا :اختك الغبيه الخاينه انا عارفه انها تبغى تمشكلني لكن ماتوصل انها تخوني كذا
اهي اللي ملبستني هالفستان وتجي وتخلي اخوك يعصب علي ..

نارا ابتسمت براحه وهي تمسح مكياجها بعد ماغيرت فستانها ولبست بيجامتها الناعمه .. :قلت لك خلك معي انا وغسق وناريز
فكرتيني باكلك ..

فجر :الغلط مني رئفت بحالها مسكينه لحالها الا مالت عليها الغبيه ..

نارا شوي وتنفجر ضحك عليها :هههه طيب اعصابك قومي غيري ملابسك وتعالي ننام ..

فجر وقفت وهي تهدي من اعصابها :طيب ...






عند غسق وغسان
فتحت باب الجناح اللي اشر لها عليه كانت موغرفته ولا غرفتها ... جناح ثاني بأخر الطابق الثاني .. عشان يكون لهم بس ..
وبدون ماتناظر في اي شي بالجناااح ساعدته يجلس على السرير بعد ماجابت له ملابس وساعدته يلبسهم .. وهي منحرجه ..
لكنها ماعطت اي احراجها اهميه لأنها خايفه عليه ...
واخيرا ساعدته ينبطح بعد ماخذ دواه .. وقال بهمس :تروشي وغيري ملابسك وتعالي بسرعه بنتظرك ..

غسق ضغطت على يده :لاتجبر نفسك انت تعبان غمض عيونك ونااام وبكرة نتفاهم على كل شي ..

غسان سحب يدها وباسها ... :بنتظرك ..

غسق يدوب قدرت اسحب نفسي من جنبه وبدون ماافكر اتأمل بالجناااح خذت المنشفه وفصخت فستاني بغرفة الملابس وجلست اتروش ..
بسرعه لأني خايفه من تركي له ...





عند فهد
تنهد لما عرف باللي صار مع اخوه من الدكتور الله يهديك ياغسان ..
لازم حد يجبرك تسوي العمليه .. ابتسم لما شاف باب المكتب ينفتح وتطل منه فجر ..
دخلت وهي لابسه بيجاما اورنجيه مرسوم عليها بطه .. وبرمودا ابيض .. ورافعه شعرها ...
ببكلات ..

فهد ابتسم :ارحبو ارحبو ...

فجر تفاجأت بترحيبه لها على انها لساتها خايفه من انه يهزئها مره ثانيه على الفستان .. :ياهلا ياهلا ..

فهد :يالله انك تحييهم ..

فجر اندمجت :خشمك خشمك ..

فهد ناظرها بستصغار :اقول عقلي جاملتك شوي لاتزودينها ..

فجر ولييييييه :طيب طيب لاتعصب خلاص ..

فهد بتحذير :اتمنى اني ماشوفك تلبسين مثل هالفستان مرة ثانيه غير لي انا وبس ..

فجر ابتسمت :ترى اختك اللي خلتني البسه بس حاظر من عيوني ياقلبي مارح البس مرة ثانيه كذا ..

فهد وبليس بدى يوس وس له قرب منها وقال :اقول وش رايك نصعد غرفتي ..

فجر ببرائتها:لا نارا تنتظرني لازم اصعد لها بسرعه

فهد رفع حاجبه :الحين مين اولى فيك نارا ولا انا ؟؟؟

فجر :لاطبعا انت ياقلبي بدون تفكير حتى ..

فهد ابتسم :ياااوييل حاللي منك ياويل حالي ..

فجر اندمجت :اويلي ويلاااه ..

فهد ضربها على راسها وهو يكمل تبسم :نعومه لوسمحتي ..


فجر رمشت بعيونها :حاااضر ..

انفتح الباب ودخلت ام غسان :وش تسووون ليه مانمتو للحين ..

فهد مسك يد نارا :الحين بنصعد ننام ..يلا فجر

ام غسان مسكت يد فجر :معليش حبيبي فهد خل فجر تنام عند نارا لأنها قلقانه شوي .. وماتقدر تنااام

فهد تنهد :هـ طيب روحي يافجر نامي مع نارا ..

فجر ابتسمت وشدة على يده وقالت :تصبح على خير ..

فهد بادلها الأبتسامه :وانتي من اهله .. تصبحين على خير يوما ..

ام غسان ابتسمت وهزت راسها بمعنى تحمل :وانت من اهله حبيبي ..






عند غسق
جففت شعرها بمنشفتها ولبست بيجاما بللوون الموف اكمامها طوييلة .. وحريرية وحطت لها كريم وتعمدت ماتحط اي
عطر عشان لايضايقه .. وقربت من السرير وابتسمت لما شافته مغمض عيونه ونااايم ..
غساان بهمس وهو مغمض عيونه:تأخرتي ..

غسق انبطحت بعييد عنه على السرير :خلصت وجيييت ..

غسان ماكمل كلااامه لأنه غرق بنومته ...



وتصبحون على خير كلكم ..