تكفى لا تعلم إبوي ترى اللي فيه يكفيه

23

البارت الثالث والعشرون

عند غسق .. وغسان ..
كنا جالسين نتمشى ويديني بجيبي موقادرة اتحرك .. وامشي عدل ..
كان احلي شي انك اذا نفختي بالهوى يطلع بخار ..
اشرت له على مقهى كان موجود بالطريقنا .. دخلنا فيه ..
كان المقهى دااافي والمدافئ متوزعه بكل مكان ..
وكل شخص يجلس قبال وحدة من هذيلا المدافئ .. من كثر مان الجو حلو كانو اللي بالمقهى نفسهم مولابسين كثير
مثلنا مجرد قميص لونه عاجي مع بنطلون اسود وقبعه كيووت .. حمرا كان الوضع ترقيع بس يجيب الدفا المكان
صج تحسينه رومانسي وهادي ودافي كل شي .. المهم
جلسنا قبال مدفئة احنا اللي نشغل النار وانتي اطلبي اي شي تبغينه ...
جلست على اليمين واهو جلس على اليسار ..
تقدمت وحدة من اللي بالمقهى وقدمت سلة فيها خشب كثير مكسر مع شي مثل عود الكبريت وعلبة صغيره فيها مثل الزيت ..
حطينا الخشب ورمينا عليه الزيت وشغل غسان النار ..
حسيت بالدفا فجأة ... وتشقق وجهي من الوناسة ..
ناظرني وابتسم ولف مرة ثانية ..
خذينا المنيو اللي كان كل شي انجليش وروسي وانا موفاهمه شي
ناظرني وقال :وش تبغين
ناظرت القائمة وقلت :مثل اللي انت تبغية بس بشرط انه مايكون مر ويكون بارد موحار ..
ابتسم بسخرية :بارد !!! ؟؟ في هالبرد والثلج
هزيت راسي بمعنى ايه انا عكس الناس كذا ..
جلس يتكلم بالروسي وبسرعه مع اللي تاخذ الطلب بس احسن انها موبنت حرمة كبيرة
وموب حلوة بعد يعني حالنا من بعضة ..

كان كل واحد فينا سرحان بخيلة وبالنار اللي كانت تشتعل وتنشر دفاها ...
وفجأة رن جواله بأغنية صاخبه عربية عن الأم خلت الكل يناظرنا بتعجب ..
ناظرته ولأول مرة احسه يبتسم من قلبه .. مبتسم لأن فيه شي فرحان عشانه :هلا وغلا باللي لها الخاطر يحن ويشتاق
لفيت ناظرته اكيد انها خالتي ولا ... وجلس يكلمها :لا والله يالغالية غسق خاطرها تسافر قبل لا اجيكم
فقلت عن خاطرها اخليها تشوف مكان خاطرها فيه كلها هالأسبوع وجايك تطمني لا مهيب ديره بعيده تطمني
ايه يوصل انشاء الله .. انتبهي لحالك لا قولي لها اني ابجي وشكلي ابكسر راسها .. لا يما لاتخلينها تروح مكان
بدون فهد .. ايه انتي بلغي نارا اذا فضت تكلمني وابشري باللي يسرك مع السلامه يالغالية ..

لفيت وناظرت النار وكأني اتذكر شي امي مااذكر مرة انها كلمتني واهي لها خلقي الا اذا سافرت ..
ولا وانا اكلمها تعجل وتقفل الجوال في وجهي ..
يالله والله انها ايام .. تدرون يمكن ماتصدقوني اذا قلت لكم ان امي بالنادر تضمني من وعيت على هالدنيا
اذكر اذكر انها ضمتني اربع مرات بس وكل وحدة منهم بمناسبة واكون انا اللي غاصبتها تضمني ..
يالله حسيت عيوني بتخوني وبتنزل دمعتي رفعت راسي وخذيت نفس عميق ..
كنت دايم اقول اني اذا تزوجت ابلاقي حنان اكثر بس مااحس بأي تغيير ..
تنهد تنهيدة طويلة سمعها مني :هــــــ

غسان انا كان غرضي من جلستنا هذي اني ابغيها تقول لي كل شي ابغى اعرف وش بالظبط تحس فيه
ابغى احسسها بعكسه تدرون الشي اللي انا متأكد منه انها دايم تهرب من الواقع وتروح لعالم الخيال
اللي بزمنا مستحيل يحققه شي .. الكل صار يتمادى بخياله لدرجة انه يقنع نفسه انه صج خيال ..
ناظرتها ولفيت جسمي كله جهتها وقلت :انا بطلب منك طلب ولاتاخذينه عن مزح ومسخره انا اتكلم بجدية ..
انتي الحين وش تحسين فيه بالظبط قولي لي في شي يضايقك \