تكفى لا تعلم إبوي ترى اللي فيه يكفيه

27

  البارت السابع والعشرين ..
نارا :فجر ماخلصتي
فجر بصراخ :وش تبيني اسوي .. وعع قرفتوني وش اسوي بقى شي ماحطيتو بوجهي وععععععع ...
نارا :بسم الله طيب طيب جلست تقرى عليها :ليكون مسك الجني اللي امس بالفيلم
فجر خزتها :كملي استهبالك ... طيب

جود بعدم رضى :المفروض تحطين لك شدو اغمق مو كذا
نارا تهمس لها :احمدي ربك رضت اني انا اللي احط لها ولا كان من الأساس ماحطت شي بوجهها ابد ..
جود :اي والله .. حمد لله والشكر الظاهر ان امي متنسية فيها برجال موبشي طبيعي .. استغفر الله ..
نارا تأشر لها :اششش تكفين لاتجي تاكلك ..الحين ..
جود تناظرها بقهر :طيب..



فجر ماكنت حاسة بشي مخيف لكن احس بعصبية مفاجأة ..
سمعت صوت ابوي يقول:فجر يلا تعالي الشيخ يبغى يكلمك ..
طلعت فيوزاتي ومابي بمزاجي مابي اروح لفيت لجود اللي كانت ترتب خصلات شعر نارا :جويد انزلي وقولي للشيخ بدالي اني موافقه
جود بصدمه :نعم وليه ماتروحين انتي ..
فجر خزيتها :انقلعي وسوي اللي قلت لك وانتي ساكته ..
جود ناظرت نارا :شوفي هالخبلة متعيجزة تنزل تقول ايه موافقه موافقه موافقه ..
فجر لاحت عليها علبة كريم الجسم :بتشوفين عطرك مارينا لو تموتي مايرجع لك ..
جود بصدمه فتحت عيونها على اخرها :انتي كيف شفتيه ..ومتى خذتيه .. اذكر اني مخبيته ..
فجر ضحكة بسخرية :ههههههههههههههههههههههههه مخبيته في دولاب الجزم مرة مكان ختيييييييييير عشان تخبي اغراضك فيه
نارا مسكت يد جود وقالت وهي ترفع حواجبها بغيض :جودي حبيبتي خليها تروح زين انا اشتري لك مو الحجم العادي اشتري لك
الحجم اللي يعرضون بالدعايت BIG SAIZ
جود بدهشه شهقت :صج ..
نارا ابتسمت :ايه بس روحي ردي بدالها اعرفها عنيدة مارح ترضى
فجر غمزت لنارا وقالت :يابعد حيي والله تسلمين ..
جود وقفت بتأفف وملل :واذا ابوي رفض
فجر بدون تفكير :قولي له فجر بطنها يعورها من الخوف وارسلت الموافقه معي
نارا :ولو تقولين حاله مستعصية احسن
طلعت جود منقهره على اصوات ضحكاتهم اللي كل مالها وتعلى .. وتعلى .. منصدمه ب.........




غسق
كنت مرتبكة وخايفه احس بعدم ثقة كالعادة لأني بشوف اخته وغير كذا اشخاص جديدة يمكن تتقبلني ويمكن لا ..
سلمت على ام ريان اللي رحبت فيني وماظلت كلمه بالدنيا حلوه ماقالتها لي
وبعدها اشرت لي اصعد عند نارا وفجر وجود فوق .. وبطريقي انادي فجر معي ..
واخيرا ابشوف نارا .. قلبي زادت دقاته يمكن لأنها اذا اخذت فكرة عني مرة وحدة رح تنرسخ الفكرة في بالها ومارح
تتغير الكذا كنت مرتكبة بين اني ادخل او اتراجع واسوي نفسي عاجلة وفاهمه واني متزوجة الكذا مارح اجلس جنب العازبات
حسيته تفكير سامج للبزارين .. وكنت اسمع كلامهم وهم يتخانقون ويضحكون ..
كنت رح انزل وخلاص بس انصدمت بالبنت الي طلعت وناظرتني وابتسمت فجأة
انتي غسق صح ؟؟
غسق ابتسمت مرتبكة :ايه
جود جات وسلمت علي :اهلين ..انا جود ادخلي شوفي نارا ..
دخلت قبلي وقالت :نارا جات زوجة اخوك ..
نارا لفت تناظر الباب ونفس نظرت غسان الباردة اللي ساعات تحسسني وكأنه شخص بلا حياة .. ابتسمت ابتسامه طفيفة :هلا وقفت
وصدمني سلامها الحار لما احتظنتني وقالت :واخيرا شفتك .. شخبارك ؟
ابتسمت لأني تفاجأت من اسلوبها الكذا :قلت الحمد الله تمام مع وجه ملامحه معتفسه وموعارفة كيف امشي نفسي ..
دخلت وسلمت على فجر وقلت لها :امك تقول انزلي تبغيك ..
وقفت بملل وهي ترمي شعرها لورى :خلاص بتنزل جود ..

كنت اناظر تقاسيم جسمها على الفستان ومكياجها اللي كان معطيها حلاه غير وكأنها شخص ثاني تختلف
عن اخر مرة شفتها فيها ... وغير شعرها اللي كان واصل لنص ظهرها بس باين انه باروكة لأنها كانت بتطيح لكنها ثبتتها مرة ثانية
نارا ..

جلست اناظر في نارا ودلعها البارد الممزوج بحللاة ناعمه بارده قلبي كان يرقع اذا ابتسمت لأني اشوف غسان فيها ..
صعدت جود بعد مدة دامت 10 دقايق .. وقالت ودموعها تلمع بعيونها :فجوري
وحظنت اختها وقالت :مبروك ..
فجر ناظرتها مومستوعبه يعني ابوها وافق انها اهي تقول الموافقه بدالها استغربت وابتسمت بفهاوهه وركضت للباب ..

نارا نادتها :وين رايحة ..
فجر تعدل الشيفون اللي نازل من الفستان :ابنزل لرجلي ..
غسق انصدمت من جرأتها انا خبري الوحدة هالوقت مالها وجه حتى ترفع وجهها يعني على الأقل تكون منحرجة ..
بس اهي ابد ماعندها .. ابتسمت ..

نارا راحت لها :فجور اصحي لازم تتصنعين الحياء شوي على الأقل سوي نفسك مستحيه
فجر بنية خبيثة :أنشاء الله افا عليك بس اوريك يعني كيف مثلا نزلت عيونها وجلست ترمش اكثر من مرة وقالت بنعومة :السلام عليكم
نارا ابتسمت متفاجأة :من وين جايبة هالصوت ..
فجر تأشر لها عند الترقوة :من هنا الله يسلمك
نارا كتمت ضحكتها :اهاا . اوكي يلا ..
جود وقفت قبالها وقالت :لآخر مرة ابقولك ترى اذا ماسويتي اللي قلت لك عنه مافي تشاينا ابدا ولاتحلمين ..
فجر ناظرتها من فوق لتحت بغرور ومشت ..
جود استغربت من نظراتها اول مرة اختها تناظرها بهالنظرات ..
كنت امشي ورى جود اللي كانت بفستان كستنائي يدخل عليه اللون الكريمي وقصته من تحت حايره وبدون اكمام ... يالله
من شفت سيقانها جلست اقارنها بساقي ياالله حتى ماتتقارن ابد ..
ناظرت للبسي اللي كان عبارة عن قميص لؤلؤي بلمعه حفر وبنطلون جينز اسود وسلاسل ذهبية تزين رقبتي
وكنت حاطة قلوس احمر وكحل سايل بطريقة انيقة .. وبلشر برونزي فاتح ..
توجهت فجر بعد ماسلمت على امها وخاللاتها وسيل من الحريم .. والتبريكات .. اللي ماخلصت .. واخيرا
وصلت عند باب المجلس وارتجفت فجأة لم انتبهت ان كل اللي جاو اهل نارا اغلبهم .. ليكون
لا لا مستحيل جاني شعور وقلت فيه وناسة عشان مايحتاج ابدأ اسحب منه كلام يكون ماضيه كله عندي ..
بس فتحت الباب بدون ماانتظر امي او نارا اللي وعدتني بتوقف عند الباب جنبي
وكان قلبي بيوقف لما تأكد الخبر وكان اللي جالس قبالي فهد ..
ناظرني وابتسم ابتسامه جذابه ووقف :
كنت ابروح واسلم عليه سلامي المعتاد لكن تذكرت ان جود موجودة لما سمعت صوت خطواتها وراي اهي مع نارا
اللي وقفت جنب فهد وغسق اللي كانت بنهاية الغرفة تراقب الوضع ..

نارا بهمس :وش فيك قول لها مبروك ..
فهد ماعطيتها وجه وجلست اناظر فيها معقوله هذي تكون فجر الي من سنين كانت مرجوجة وماتحب الا اللعب والخبال ..
كانت جميلة في عيوني على اني ماكنت متأكد ان كانت اهي صج واللي انصدمت منه انها منزله عيونها بالأرض وينقال مستحيه ..
قربت منها وقلت بهمس يسمعه انا وهي بس :مبروك عليك انا ..
تفاجأت من كلمته رفعت راسي وقلت :ومبروك عليك انا اكيد امك داعية لك ..
فهد ابتسمت بسخرية :مثل ماتوقعت انتي فجر ماتغيرتي ...

جود انكزتني بقوة وقالت :اسكتي قلت لك لاتفضحينا ..
فجر تأففت ونزلت راسي اكمل حيا ..

غسق مليت من الوضع والجو اللي ماله داعي وقلت بصوت مسموع :مبروك فهد وعساها زواجة الدهر ..
فهد ابتسمت من كلمة زواجت الدهر يصير خير :/ الله يبارك فيك تسلمين

طلعت وسلمت على ام ريان الله قالت تو الناس لكني قلت :لا والله ياخالتي بس تونا راجعين من السفر امس وابي اسلم على امي .. تدرين
ام ريان ابتسمت بحنان :اي حبيبتي مدام عشان امك الله يسهل لك .. وسلمي لي عليها ...
غسق ابتسمت بمجامله وطلعت بعد مااتصل علي غسان ...



تولين ..
ياحناني ياحناني .. ابييييييييييييييييك ..
مسحت دمعتي قريب بتكون الملكة .. مابقى شي وانا احس اني لو ماوافقت احسن لي لأني من هذاك اليوم وانا احس بعدم ارتياح ..
لو امي موجودة بهالدنيا كان ماحتجت حنان غيرها ابوي من يوم كنا صغار كان يبغى يرتاح منا بأي طريقة واولهم لمى توفت امي
تركنا عند جدتي ولمى توفت جدتي تركنا عند عمتي كم شهر وخذانا لما ملت عمتي واتصلت عليه ..
مسحت دميعاتي ووقفت قبال النافذه وانا اناظر حديقتنا اللي صارت مهجورة وشجرها مات وصار اصفر وكأن حتى اهو
تأثر من وفاة امي ضحكتها مزحها كل شي فيها كان فطورنا الصبح للمدرسة .. اه يايمه الله يرحمك ..
ارتجف جسمي من ذكراها وكأن روحها جنبي تحس فيني .. ابتسمت بألم .. واحتضنت مخدتي بعد ليله طويلة ..







فجر
ام ريان :الله يبارك فيك .. تسلم ..
فهد جلس قريب مني نزل راسه فالأرض وكأنه سرحان بشي ..
ام ريان اشرت لفجر انها بتتركمهم لحالهم يتكلمون ان سويتي شي هنا ولا هنا ابذبحك ..
فجر ابتسمت بخبث لأمي وهزيت راسي.. على الشي الي بسوية ..
ناظرت للمكان اللي حطيت فيه قميصي وتطمنت انه لساته موجود ...
ابتسمت لما امي سكرت الباب وقفت ورميت جزمة الكعب على جنب وبان طولي الحقيقي ..
وركضت للباب وقفلته وبعدها ابتسمت ابتسامه خبيثة ..

فهد تفاجأت لما شفتها رمت جزمتها لا وبعدها .. قفلت الباب تكتفت وجلست اناظر بصمت لأن اللي سوته بعدها
كان







غسق وغسان
طبعا مارحنا لبيت اهلي لأن امي يوم كلمتها قالت انهم رايحين البحر مع بيت خالتي ..
تذكرت روحاتنا للبحر مع بيت خالتي يالله كانت طلعات موحلوة والسبب الرئيسي ان جهاد كان موجود ..
لفيت لغسان وقلت :مابي ارجع البيت خلنا نتمشى شوي ..
غسان غير وجهته وجلسنا نتمشى مرينا على الحدايق والأسواق والمطاعم .. قال :تبين تتعشين بمطعم ولا بالبيت ..
غسق كانه حس فيني :اي خلنا نتعشى بمطعم ..
غسان وبدون مايناظرني :وش تبين اي مطعم ..
غسق امممممم :ابغى فنلييييييز ....
غسان وقف قدام اول مجمع شافه بوجهه :ونزلنا فيه كان يتقدم عني بكثير وانا اكون وراه ...
وجلسنا بالجلسات في المجمع وقال :وش تبين باستا بأيش ..
غسق فكرت من زمان عنها الباستا وقسم اشتقت للأكل هنا :ابغى باستا بالخضار والدجاج ..
غسان وقف :انتظري هنا ورجاء عينك بالطاولة لاتروح لأي مكان ثاني ..
قلت بملل :طيب نفس كلام ابوي اول كان يقول عينك لاتروح اي مكان غير الطاولة ..







فجر وفهد
كنت اناظرها لما قفلت الباب وتوجهت للصوفات اللي كان واضح ان مخبى وراهم شي
.. طلعت قميص كان لونه ابيض وعليه علم لندن او امريكا ماكان واضح
وانصدمت فيها لما قالت :ممكن تلف هناك شوي ...
عقدت حواجبي من اللي بتسوية وقلت :ليييه ؟؟
وبدون اي نقاش فتحت التول اللي نازل على التنور الهندية وفتحت سحاب التنورة ونزلتها ..
كنت منصدم +منصدم +منصدم O0 O0 O0 خييير وش تحس فيه ..






غسق
سمعت صوته يجلس ويطلع جواله ومندمج فيه ..
كنت طفشانه يليته يسولف معي ...
غسان رفع راسه وقال :الحين انا موفاضي عشان اسولف معك ابخلص كم شغله قبل اسافر ...
ياالله كيف يعرف وش افكر فيه :منو قالك سولف معي مشغول خلك بشغلك ..
غسان ابتسم ابتسامة سخرية ورجع يكمل شغله بجواله .. ثواني وواحد واقف بوجهي
يقدم الباستا وجنبها قهوه وعصير برتقال وقال :اي خدمه تانيه يافنديم ..
غسان مد له فلوس ومشى سحب كوب القهوه وجلس يشرب منه بدون مايناظرني ...
جلست اطالع مستغربة قال وهو مارفع عينه :فيه شي
غسق هزيت راسي بسرعه :لا لا بس مستغربة
غسان غمض عيونه بشكل لا ارادي وفتحها يكمل شغله ...
غسق قربت وقلت بهمس :طيب ابغى اكل وماا اعرف ابغى افتح وجهي ..
رفع راسه وناظر عن يمينه وشماله وقال وهو يتنهد :افتحيه بس عجلي شوي ..
غسق هزيت راسي بمعنى طيب وجلست اكل الذ اكله اعششقه ونسيت انه يطالعني ..






فجر وفهد
افتحت ازارير التنور لتسقطها وتكشف عن شورت جينز اسود فوق الركبة ..
فهد غمضت عيوني براحه :انتي وش تحسين فيه اتركي الفستان بحاله تعالي نسولف مالحقت انتبه لموديل الفستان حقه ..
فجر وخذت راحتها واختفت معالم الأنوثه منها :طيب لحظة حاولت تفتح السحاب اللي علق بالنص وموعارفه كيف تفصخ هالبدي
اللي كان للفستان بدى الوضع ينرفزها خصوصا انها مو متعودة تلبس فستان بالمزركشات اللي مالها داعي جود وخطط جود .. اوووف
فجر بدت تتنفس بتعب :هها هها هها مالت عليك من فستان وععع لفيت عليه لقيته متكتف ويناظر الوضع ولا هامه .. شي لكن
اللي متأكده منه انه منصدم ونادم بعد ..
فجر قربت منه وقلت :افتح لي السحاب ..
ناظرتها منصدم يمكن لابسه مثل القطعه السفليه وجالسة تتمصخر علي لكن
انتبهت الظهرها اللي كان مكشوف من بدايته لنهاية فقره
في ظهرها .. غمضت عيوني بنرفزة وقلت :انتي وش تحسين فيه
فجر ناظرتني وقربت مني اكثر وصار فيسي قبال فيسها وقالت :يووه ماتبغينا نسولف
على راحتنا ما اعرف اسولف على راحتي بهالملابس
فهد وبدى مايتحمل الوضع :طيب رحتي غرفتك وغيرتي ملابسك ..
فجر رفعت يدها وجلست تمسح على خصلات شعرها اللي سرعان ماطاحت في يدها وخلت فهد يشهق :بعد باروكه ..
فجر ابتسمت :يب يب قلت لهم بس الله يهديهم مارضو الا البسها ..
فهد :لا حول ولا قوة الا بالله
كلها ثواني واخير فجر غيرت ملابسها والحين بدى المكياج ..
فجر خذت المناديل المعطرة اللي ماخذتهم من غرفة جود وهمت تحطها على عينها ..
صرخ فهد :لو تمسحين شي ثاني وانصدم ابقوم وامشي ..
فجر ابتسمت :طيب بس الرموش ابشيلهم عيوني تحكني ..
فهد ضحك بسخرية :موحاطين لك بعد شفايف صناعيه ..
فجر ابتسمت :لا للأسف ..
فهد يعقد حواجبه بتعب :ياسمجك ياشيخه .. وقف :يلا خلينا نمشي ...
فجر نطت :طيب ابجيب جوالي وعباتي واجيك ..
فهد هز راسه بمعنى :طيب ... وطلع ينتظرها بالسيارة ..






غسق
احس بشبع مجنون ...
اتكيت على النافذه وجى بخاطري غرفتي ابغى اروحها ناظر الساعه وكانت الساعه 12ونص قلت :خلينا نروح لبيت اهلي الحين
اكيد امي وابوي رجعوا .. للبيت
غسان ناظرت الساعه وقلت :مو كأن الوقت متأخر ..
غسق هزيت راسي وتحججت : لا مومتأخر ابغى اخذ كم غرض ضروري من غرفتي ..
غسان :وشو هالغرض المهم اللي مومتوفر الا بغرفتك ..
غسق توهقت ولأنه مومقصر علي بشي ماعرفت وش اقول :يوووه شي خاص
غسان :في صيدليه قريبه ترى عادي مافيها شي
غسق انحرجت وقلت :مو الشي البايخ الي في بالك ..
غسان ابتسم :طيب بنشوف نهاية الوضع معك ...
غسق قلت بربكه :غسان بعدك على رايك اذا سافرت اروح بيت اهلي ..
غسان :ايه ومارح اغيره
غسق برجاء :تكفى مابي اروح
غسان بنزعاج :البيت مارح يبقى فيه احد بس الخدم مايصير تجلسن معهم لحالك
ورجاء لاتفتحين الموضع هذا مرة ثانيه لأن مهما يصير مارح اتراجع عن قراري .. مهما يصير ..
غسق تأففت ولفيت عند النافذه وانا اهز رجولي من توتري وعصبيتي .. من هالقرار اللي متخذه ..






فهد وفجر
فجر :وين رايحين ؟؟
فهد :بنتمشى .. هالكم يومين عشان بعد بكرة بنمشي لسويسرا ..
فجر جلست تفكر والصين متى بنروحها لحظة ليكون الخاينه
استغلتني وكانت عارفة اني بسافر على طول يعني مافيه سفرة ولا غيره ..
خليني ارجع البيت اوريك يام كشه وش بسوي فيك ..
فجر بعصبية :وانت خلصني وين بنروح
فهد قصري صوتك لوسمحتي ورايحين اخليك تبلعين ماتبين نرجع البيت ..
فجر بوناسة من سمعت طاري الأكل تحس بجوع بسبب ان اخر مرة كلت امس مع نارا ايه ابغى بس وين بنتعشى
فهد ضحك بسخرية على اللي سوته عشان الأكل كل شي يصير :مطعم IlTerrazzo اللي بفندق الفيصلية
فجر تسندت وحطت رجل على رجل وقالت :اي اهم شي انه اكل ..






غسان وغسق
وصلنا البيت ودخلت على طول ولقيت الخدامه جالسة ترتب الأغراض سألتها عن امي وابوي
وقالت انهم من شوي صعدوا نامو ..
وقررت اني ...