الجزء السادس عشر
مشت الايام وبدت الامتحانات الوزاريه والحمدلله امتحنا
طلعت النتائج انه جان معدلي ٦٠ ومصطفى ٧٢ جان امنيته يدخل كلية ضباط
بدى التقديم انه قدمت ع معهد المعلمات هذا قراري من الاول
اما مصطفى فقدم ع كلية الضباط بس ماقبلوه والسبب خوالي
انقهر حيل لان وهو حلم حياته يصير ضابط بس مو كل الاحلام تتحقق
امي .. يمه مصطفى خلي نحجي لرائد وهو منصبه وعنده معارف ويحجي وياهم و بلكي يقبلوك يمه
مصطفى .. يمه ديري بالج تكليله لا اريده ولا اريد واسطاته
امى .. يمه شدعوى عليك هيج شايل حقد ع الرجال الرجال اخذ اخت بالحلال واختك مرتاحه وياه
مصطفى .. يمه رجاءا سدي الموضوع ما اريد اسمع بسيرته
امي .. يمه شدعوى عليك
مصطفى .. لا دعوه ولا شي لاحسبالج انه ناسي الي سواه هو بتصرفه هان ولدج وما حسبلهم حساب يمه راسي ما اكدر ارفعه من احد يسالني ع زينب منو اخذها ويمته خذت يمه خليني ساكت
وكام صعد لغرفته
انه جنت بس اسمعهم ما احجي بس انقهرت عليه
بس انه خذيت فايل التقديم من غير علمه وانطيته لرائد وكتله اريدها منك
رائد ما قصر راح وحاول بس ما قبلوه خابرني وكلي خلي يخابرني اريد احجي وياه
مصطفى رائد ع التلفون يريد يحجي وياك
مصطفى ... شريد مني
علمود شغلتك يريد يحجي وياك
مصطفى .. وانتو منو كلكم تكلوله انه مو كلتلكم لا تكوله انتو شبيكم وماتسمعًون حجي ما اريد مالكم دعوه بيه هاي حياتي
مصطفى الله يخليك بس اسمعني انه ورائد مرتاحين وعايشه احلى ايام وياه صح هو غلط بس جان رايدني بالحلال وما راد احد يدري علمود منصبه ورتبته ومستقبله بس هسه امه تدري بالموضوع ومره اجت للبيت ودايما تزورنا هناك
مصطفى الفات مات بس احجي وياه لخاطري ما خسران شي
مصطفى ... اوووف شكد تلحون ما اريد
مصطفى اذا جان الي خاطر عندك احجي وياه بس هلمره وبعدين شماتريد تسوي سوي الله يخليك الي ياتاج راسي
مصطفى .. هو زوجج خله تاج
بست ايده وتوسلت بيه يله قبل
رائد .. مصطفى شلونك خويه
مصطفى .. بخير
رائد .. شوف مصطفى شغلتك ما تصير والله حاولت ويه الظباط الي اعرفهم وحته بغداد وصيت جماعه بس ماقبلوك لان قوانين من الدوله ومانكدر نتلاعب بالقوانين لان نتحاسب
مصطفى .. هاي هو مالازم ومشكور تعبت وياي
رائد .. يمعود تعبك راحه انته مثل اخويه الصغير بس مصطفى انصحك نصيحه تدخل كلية حقوق
مصطفى ... لا اخاف معدلي ما يقبلوه
رائد .. هاي عوفها علي ومعليك الك الصافي
مصطفى ... لا خلني براحتي انه اختار الي يناسبي
رائد .. مصطفى اخذ نصيحتي كليه الحقوق الها مستقبل زين وثاني شي ماتعرف باجر عكبه شنو يصير يمكن تتغير القوانين وبشهادتك تضير قاضي او محقق فكر بيه اخوي لو انته عاجبك تصير مدرس
مصطفى .. لا اكيد
رائد .. مصطفى عوفها علي والك الصافي
شوي مصطفى فك واقتنع بحجي رائد
طلعت القبولات انه معهد معلمات انقبلت ومصطفى كلية حقوق
والسنه الي بعدها مرتضى طلع كلية طب
ومشت الايام والسنين الى ان وصلنا لسنة ٢٠٠٣ انه جنت متخرجه من المعهد ومصطفى مرحله ثالثه ومرتضى مرحله ثانيه طبيه
الاوضاع جانت متوتره بالعراق لان راح تدخل امريكا بحرب ويه العراق وما نعرف الجاي شنو
اكو المتفائل بالحرب والي متصور الجاي احسن والعراق راح يصير مثل دول الخليج فلوس وب?
