مرحبا.. اني ايهاب... عمري ٣٣..مواصفاتي طويل وحنطي صاحب لحيه خفيفه وملامح قاسيه حسب ميكولون.
عشت اكثر عمري ا بغداد وبمصر جنت ادرس بمصر بقيت هناك ٥ سنين بالغربه.اتعرفت هناك ع بنيه عراقيه صارت بيناتنه قصه حب بقت قصتنه ٣ سنين من رجعت حجيت وي اهلي بس ماقبلوو بيهه .خاصه الوالد ماقبل ع انو هيه مو من ثوبنه وترباه دوله غير العراق ومن هالحجي وهيه هم رادتني ابقه يمه بمصر صارت مشاكل وتركتني اتخبلت عليهه...ورة فتره حاولت ارجعه وارجع علاقتنه وفعلا كدرت ارجعه ورجعت علاقتنه
حبي الهه يزيد..واهلي مموافقين.ازوجته بالسر بعلم
اهله بس اهلي مايعرفون ماردت اسوي شي حرام
ازوجته هناك فد مره طلعت للشغل ورجعت لكيتهه تخوني وي صديقي انجن جنوني..اتخبلت لزمت الولد كطعته موته مووت .وهيه لزمته كتلته وشردت..عفته هيج ورجعت للعراق وبقيته
معلكه وبعدين هيه طلقت نفسهه غيابي من وقته
كرهت شي اسمه. مره.كرهت كل جنس حواء
خاينات هيج حسبتهن ببالي لان الي حبيته سنين
وعرفت عنهه كل شي هيج بهسهولة خانتني
عرفت من وقتهه الواحد لازم ميثق حتى
ب اهله...اتعقدت اكثر .صرت اعشق النوم لان احسه شوي ينسيني.اكثر وقتي اطلع وي اصدقائي حتى انسه
نسيت ماكلتلكم احنه ٣ ولد.قاسم عمره ٣٨ الجبير مزوج بنت عمي.جان يحبه وعند ٣ جهال بنات اثنين ولد واحد.ومن بعدة اني
وبعدنه اخوي حسن مزوج ابن خالت امي.هم انعجب بيهه ماصارله هواي مزوج وزوجته حامل...
واخواتي سعاد وابتهال مزوجات ..وابتسام ارمله زوجهه ماات بحادث وبقت يمنه وعدهه اثنين بنات
اماا اني ...هه اني انحكم عليه الزواج غصب.
هم مزوج بس بالاسمم.
... جان عمي عايش ويانه صارت بيه جلطه وعندة بنيه وحدة ومات
بقت مرته وبنته ويانه...وابوي اخذ مرت عمي كال تبقه غريبه وكعدته هنا موحلوة كدام الناس امي
بالاول ماقبلت حاله حال اي مره.بس بعدين
اقتنعت .طبيعه امي مرة مسالمه ماتحب المشاكل.
وعدهه بالدنيا كلهه ابوي ورضا ابوي.
وبقت زينب بنت عمي ويانه
ف ابوي كال بنيه شابه لازم نستر عليهه
وكام يفتر وراي اتزوجه وبنت عمك وخطيه ومن
هذا الحجي مكدرت ارفضله طلب..
ومو من طبيعتي ارده...وافقت واخذته..
اسمه زينب بسيطه وشكله كلش عادي
يعني لاحلوة ولا موحلوة.
حاولت بكل طريقه اتعود عليهه بس مكدرت
ولا هيه تخليني اتعود عليهه . باردة
ماكو مشاعر ولااحساس..عبالك اخوي مو زوجتي.
من بداية زواجنه يمكن اول اسبوع بس
اهتمت بيه وبعد ماهتمت .تريد بس فلوس.
وطلعه واهلهه.بس شغله وحده حلوة صارت
بزواجي كله. بنتي ورد..عمره ٣ سنين
سميته ورد لان احب الورد وريحته.
بنتي تشبهني كلش.. حتى من تعصب وتبجي
يكولون ايهاب عصب ..مرات يكولون انت
متحب بنتك اب قاسي..بس اني مو ماحبهه.
بس هاي طبيعتي.ماحب اظهر مشاعري.
نرجع ل زينب...حاولت اغير من طبعه
بس مكدرت تموت ع المادة .انطيهه فلوس
مستعدة تبيع اهله..هاي طبيعته وحتى امهه هيج
يموتن ع الفلس.لذلك اذا انطيته فلوس
تصير تهتم بيه وتحبني واذا لا منطيته
متباع بوجهي وهيج ككضيته
حاولت شكد حاولت احبهه حاولت اتعود عليه و
طبعه بس مكدرت..مو لان اريده لا
اصلا روحي جزعت من كل بنيه
بس علمود بنتي ردت استقر..بس هيه تبعدني
عن هالشي..بقيت هيج شبه مزوج
او مزوج بس بالاسم..اكضي وقتي يم جماعتي
لو بالنادي...
مرات ارجع للبيت وكبل بوجهي ل جدتي ام ابوية
جانت توكف وياي بكل خطوة صح مرة جبيرة
بس تنطيني امل وطمئنينه مو طبيعيه احسه
فد صمام يبعث لكياني الراحه.
اذا انقهر هيه اول شخص يعرفني.
ف جنت اكضي اكثر وقتي يمهه ومرات انام يمه
ع رجلهه دكوم تسولفلي ع اهل كبل
حيل احبهه.مرات احسهه اقرب من امي
هيه جبيره بس بعدهه بحيلهه وعدهه كبرياء قوي
اكثر صفاتي اتعلمتهه منهه مرات يكولون
من كثر ماتكعد يمهه اتعلمت منهه هواي شغلات.
واكثر كعداتي يمهه لو يم الوالد ..
دائما يستشيرني بهواية شغلات
بالرغم قاسم الجبير بس طبيعته مسالم.
وهادئ وميحب المشاكل لو بيدة
كلشي يحله بضحكه وتساهل... اما طبيعه ابوي
لا.. دائما ااالجد جد .. ودائما تكون قراراته
صارمه. وومتعصبه.بس بالحق اكيد.
واني مثله طبق الاصل...بكلشي حتى
اكثر شخص اشبهه اني.
ف بيوم جنت كاعد يمه نسولف وطبيت علينه ام حسين
وحجت انو اكو بنيه.داخله عند اابوي.
رحنه شفناهه اول مدخلت شفته بنيه ناعمة حلوة.
طووله حلو.بس باوعت عليهه بنظره استحقار
كلت اكيد مسوية شي موزين وشردت
ميطلع منهن بس البله
بس شوي واتوضت وفتحت القران وحلفت.
نوعا ما صدكت كلامه . خصوصا انو محد يكدر
يكذب بكلام الله كذب..بس هم مارتاحيت الهه.
وحجت كلشي وتبجي.. بس مانهزيت ولا
رفلي جفن الهه ولا انكسر خاطري
كلهن موزينات هاي نظرتي الهن جانت..
حجينه واتفقنه انو تجي وفعلا
اجت للبيت ...
فرح..بقيت كم يوم عدهم اكلي كله فوك ومانزل اخاف..جان الفوك طابق وحدة يعني عبالك شقه كامله.واحلى من جوة.بقيت هيج حتى منزلت.
وعرفت انو هذا الطابق لابنهم الغثيث الي شفته.
وابنهم الثاني الصغير.
فد يوم دز عليه الشيخ.لبست عباتي ونزلت
رحت لكيت الشيخ ولدة كاعدين .استاذنت ودخلت سلمت...
فرح. السلام عليكم ومدنكه.
الكل وعليكم السلام
فرح.. كعدت اعاين صار كبالي الشيخ وبصفه ابنه.
الغثيث.سبحان االله نفس الهيبه والخزرة .
حجه الشيخ وكال.
الشيخ. بنتي احنه وصلنه لاهلج وعرفنو مكانج
فرح رفعت راسي.. شنوووو شلون.
الشيخ. لتخافين بنتي.اني وصلت الهم واليوم ورة الغدة يجون ويتفقون ويانه عزمتهم ع الغدة بس ماقبلو
فرح . خايفه شيخنه
الشيخ. ااافااا تخافين وانتي يمي محد يكدر.
يمسج..
قاسم.. لتخافين اختي احنه نحجي وياهم وان شااء
الله يصدكون بيج وترجعين وياهم
فرح ..دنكت .. واذا ماقبلووو وماصدكو
الشيخ.. اذا ماصدكو ساعته انتي بنتي وتبقين يمي.
حتى اسجلج ب اسمي وكام يضحك.
صعدت رحت للغرفه واني ميته خووف ونيران
بكلبي تسعر..جابولي اكل واني ماشتهي ولا اكلت
لهناك ودزو عليه.. رجليه كامت ترجف.
واحس الدم وكف ميتحرك بجسمي
وعضامي تطاكك من الخوف.
مشيت شوي شوي ..معقولة اني فرح
فروحتهم الي جنت ماليه البيت عليهم.
فرح المدلله الي كلمته تمشي...والي طلبه
يتنفذ قبل لتحجي... اني هيج صار بيه
بلحظه ... كل هذا صار بيه خسرت اهلي
ودراستي وحبي.. وهنا صفيت عند الغرب.
زين شلون رح اقابلهم .شنو رح اكولهم.
اكولهم يي جنت احب من وراكم بس
ماردت اشرد... هم صعبه.انطوني كل الثقه
وخنت ثقتهم... يارب ساعدني.
كل هالافكار اجتني بينن ماوصلت للديوان .
لكيت الشيخ وابنه قاسم يم الباب .
باوعت عليهم بنظره ترجي وخوف.
الشيخ ابتسملي دخل ودخلت وراه ...
محتميه بيه ومدنكه اوول مدخلت.
طفر اخوية عبدالله ولزمه ابوية...
الشيخ... وكف.. هاي اعتبرهه اهانه ترة.
بابا.. اعذرنه شيخنهه
بقيت وراه ...اشرلي كال كعدي هنا.
كعدت وهو كعد بصفي..
الشيخ ....حلفت بكلام الله الي...
وراح تحجيلكم كلشي بس تسمعونه.
بلشت حجيت كلشي واني ابجي.
وعيني ع ابوي كل شوي يمسح دمعته.
خلصت ..
الشيخ... هااا البنيه. اعترفت بغلطه وكلنه نغلط
بس مارادت تشرد ..
عبد.. شنو يعني مرتي تجذب.
الشيخ.. لا مكرمه ماكلنه تجذب يجوز مشتبهه.
عبد.. لا مامشتبهه. وكم مره تسمعه تسولف وي هذا
ال.....
الشيخ...ابني نريد نحلهه مو نعقدهه...
بابا.... هو مدنك.... الناس اكلت وجوهنه.. الي يكول لكوه يمهه بالبيت والي يكوول ضاحك عليهه وتطلع وياه.
بيتنه رح نبيعه وضيفتي تركته .. وتريدنه نسامحهه.
فرح .. بابا والله ان....
بابا... ششششششس ماريد اسمع كلمه بابا ع لسانج
..يتبع
