فرح.
رجعنه للبيت وام حسين سوتلي اكل خفيف اكلت وشربتني علاجي...
فرح. والله تعبتج خاله.ماعرف شلون اجازيج.
ام حسين.شنو هالحجي خاله.ترة للدنيا بعدهه
بخير... بس الناس بيهه مو اوادم..لاتفكرين بشي
وديري بالج ع صحتج وانسي كلشي.وترة فوكج
رب كريم مايعوفج هيج... ترة الله هسه شاملج
برحته..تدرين شلون.
فرح.شلون... ام حسين... لو باقيه هسة بالشارع
وشفتي الولد شلون اتحارشو بيج ...
شجان صاربيج... جان بقيتي تفترين هيج وهيج
بس حتى تلكين مكان دكعدين بيه... ولوو باقيه يم
اهلج.. جان كتلووج وانتي مضلومه..
فرح.. ياريت.. لو باقيه هناك وكاتليني ولا هالذل.
ام حسين... لااا لاتصيرين هيج ضعيفه..
تموتين والناس مايتركونج حتى بكبرج. .
وبس العار يبقه ملازك اهلج.. بس هسه تجي
الايام.. وتدور الدنيا ويطلع الحق.
شووفيني... عمره هسة ب٤٠. بس من عمري ١٢ شفت
الضيم.. اهلي ماجان عدهم شي ياكلونه.
واحنه بنات ٦ بنات ومحتارين بلكمتنه
وحدة من اخواتي حركت روحهه.. والناس
كامت تحجي وكامو يحجون حجي مايلبس عليه
ثوب.. وهيه حركت نفسه من ورة العوز والجوع.
من عمر ١٢ وامي ماخلت شغله ماشتغلناهه
حتى خدامه شغلتني... اخواتي كل وحده راحت بنوية
ازوجن وبيهن المرتاحه وبيهن ال لا... واني ليومج
هذا مشلوع كلبي ازوجت كلت بلكي يطلعني من
مكان العوز الجنت بيه.. هه ولني طايحه.
مكان اكثر واتعب من مكاني.
حتى الخلفه.... الله ماكتبلنه... وهالتشوفيني اشتغل
ببيت الشيخ...كلشي ماشفت.. بس كل هذا واكول الحمدلله
انتي هم هيج ابقي وصيري قوووية يبنيتي
واجهي قدرج..تره مشوارج طوويل.والبشر مثل الذيب
من يلكه فريسه ضعيفه ياكلهه...زين...
فرح...صفنت بكلامهه شكدد قوية..اتحملت كوولشي
وبقت قوية وصابره..
كلامهه حيل اثر بيه وخلاني اعيد حساباتي
مر كم يوم واني شوي اتحسنت...
فد يوم كاعدة بغرفتي ودز عليه الشيخ.
نزلت ورحت لكيته يم الحجيه.امه ..
فرح. السلام عليكم.
الشيخ. وعليكم السلام.. الحجيه. هلابنيتي.
فرح.. كعدت واني مدنكه ...
الشيخ.. شلونج بنيتي عساج مرتاحه.
فرح.. الحمدلله شيخنه
الشيخ. يستاهل الحمد.. بنيتي اريد
احجي وياج بمووضوع .
فرح... لزمني كلبي......اتفضل شيخنه اسمعك
الشيخ .. بنيتي مثل ماتعرفين...
انتي غريبه علينه وبنيه شابه..واني عندي ولد
وكعدتج هناا مدري شلونه والناس هسه محد يدري
بيج بس اذا درو بيج موجودة رح ياكلونج...
ويحجون غير حجي... وهم ماكدر اعوفج
محبوسه بالغرفه مثل المسجونه.
واهلج تبرووو منج ...معلوم لولا
فرح... كمل شيخنه.( عرفت شنو رح يكول)
الشيخ... لذلك اني قررت اخلي واحد من ولدي
يعقد عليج... حتى لو بس كدام الناس.
بين ما الله يفرجهه.. ومايصير اخذ قرار.
اذا مو برضاتج... هذا الشي لمصلحتج .. حتى بعد
محد يكدر يمسج لو ياذيج...
فرح....... بقيت ساكته شكوول صعبه حيييل
شيخنه صعبه .
الشيخ... اعرف بنيتي صعبه.وحقج...بس هذا الشي
علمودج .. منا لمن اراددة ربج تحكم وترجعين لاهلج
ساعته كل شي برايج انتي ومحد يجبرج.
ولاتردين عليه هسه فكري. واني هم رح اناقش ولدي.
ونشوف... اخذي راحتج بنيتي
فرح.. صعدت للغرفه واني افكر ودايخه...يارب.
شسوي.. اوووف هذا تالي حالي.. الله لينطيك ياعمر.
والله لينطيج يازهرة.ربي ياخذ حقي منكم اثنينكم.
...
