بارت ١٥
ايهاب..جاي احس بتغيير
بداخلي شنو ماعرف...
من رجعنه وفرح مصعدت وياي بقت عيني
عليه وسالت ليش ماجت .اهتميت بهالشي.
حسيته ضاجت صار عندي فضول اعرف شنو
ضوجه هيج
وشفته من رجعنه حبست روحهه
اكيد اكو احد ضوجهه ...
سالت عليهه ام حسين كولتله تروح الهه
ليش هيج اهتميت ماعرف حتى ام حسين استغربت
رحت يم الحجيه خليت راسي ع رجله
هيه الي اروحله وتريحني اذا جنت محتار....
ايهاب... يمة. ماعرف شنو الموضوع
اني ماحبهه بس اهتم اذ شفته
يعني ماكو ذره حب تجاهه بس ليش
بنفس الوقت اهتم بشوفته بنظراته
مشاعري مخربطه
الحجيه... ههه هاي بداية الحب ييمه
ايهاب.. لا يمه مستحيل ماريد احب احد
الحجيه.. انطي لروحك فرصه وشبيه
فرح خوش بنيه بلجن اتعوضك عن
حياتك العشته بظيم والقهر
ايهاب.. يمه ماريد احب ولاريد اثق ب احد
اني زينب. ماثق بيه ولاحبهه ولاانطيت لنفسي
فرصه احبهه تريدين احب فرح...؟؟
الحجيه.. ليش لا... شفت عليه شي موزين.
شو من اجت ولهسه ماشفنه منه بس الخير
خوش بنيه وحبابه وخدومه بعد شتريد
ايهاب. يممه كلتلج ماريد ومستحيل افتح
كلبي من جديد لاي شخص..شفت الغدر
من اعز الناس من حبيبتي وزوجتي وصديقي
وهسه زينب هم مشايف منهه خير..
وتردين اورط نفسي بعد اكثر.. لا لا مستحيل
جنت غبي قبل لما امنت ب هبة حبيته بجنون
اتمنيتهه صدك تصير الي وصارت
بس مع الاسف غدرت بيه...يمه تدرين
لحد الان اذكرهه.. تدرين لحد الان متابع اخباره
ع الفيس... عندي صفحتهه بس هيه متعرفني
ههه وعايشه ويامن... وي صديقي وي صديق عمري
وروحي... اشوفهم شلون فرحانين والحب بعيونهم
ااشوف الفرحه الي اخذوهه مني.. الامان والثقه
الي انعدمت من بعدهم تريديني اعيد نفس الشي
مستحيل....مستحيل. .
الحجيه...ييمه اني نص الحجي مافهمته
بس الله يساعدك ويعوضك ويفرح كلبك بالتتمناه
.ايهاب.. هههه ان شااءالله يمة .
الحجية... وترة مايصير غير اليريدة الكريم..
ايهاب.. والنعم بالله..يالله اني اروح انام
الحجيه.. الله وياك يمه نوم العافيه.
فرح... دنيه الليل وكتلني العطش جنت لابسه كلابية
حصرر حيل لونه سمائي واسود مالبسه يمهم بس بالغرفه
وكلت نايمين انزل بيهه اشرب مي ع السريع واصعد
اعرف الولد بغرفهم ..
نزلت شوي شوي رحت للمطبخ فتحت الثلاجة شربت مي سديت الباب ورجعت لورة وضربت شخص من ورة
عززا والله فشله ..
درت وجي لكيت ايهاب... عاكد حاجبه ويعاين
عليه بغضب...
ايهاب ... شنو هاي شلابسه ولج
فرح.. ها جنت عطشانه وكلت كلهم بغرفهم وجيت
اشرب مي ودنكت.
ايهاب.. وتنزلين تشربين بهيج كلابيه شوووفي
جسمج شلون مطبوع .. نصة صوته شووفي صدرج
وو ال.... خرب روووحي لبسي شي
وستري نفسج وديري بالج تلبسين هيج بعد
عيونه صارن حمر من العصبيه
فرح.. شنو قصدك اني اتعمد ماستر نفسي
بس كلت محد موجود ...
ايهاب... لتراددين فهمممممتييي صك ع سنونه
روحي بسرعه .
بهالاثناء واجه حسن جان طالع مادري بيه واتجه علينه
ايهاب جرني من ايدي وخلاني وراه.
ايهاب... خرررب اهلج تعالي.
فرح. لتغلط.
حسن... احم السلام عليكم .ودار وجهه راح للثلاجه
الظاهر عرف الساالفه
ايهاب. وعليكم السلام هلااا
شرب مي وطلع واني ورة ايهاب ولازم ايدي.
ابتسمت
ايهاب.جرني من ايدي... شوفي بنت ال...
اذا مره ثانيه عدتي هالشي اطيح حظج فهمتي
فرح... لتغلط اولا انت افهم دير بالك تغلط علية لو
ع اهلي... وانت شنو بالله مجرد زوجي ع الورق
لتصدك نفسك
ايهاب. رفع ايدة وبطل... شافني خليت ايدي وجهي
استغفرالله روووووحي مناااا روووحي
فرح... رفعت راسي عيوني مغوركه ...
حقكك تسوي هيج .. بنظركم اني خدامه هنا
منو يريد يهيني ....رحت ابجي
متت بجي... ليش هيج ديعاملني
يعني ميحس انو اني احبه ميحس اريدة
ميحس مهتمه بيه...
نمت من اابجي ومفزيت اله وجه الصبح
كعدت غسلت ومشطت وبدلت لبست
زي هندي طوويل بس حلو ومرتب
ماروني لونه
ولفيت الشال لفه مرتبه مكياج خفيف ونزلت
لاكاني ايهاب... عاكد حاجبه ومعاجبه شي
باوعلي من فوك لجووة ودار وجهه
عبالك يكولي مامهتملج.
ياربي شوكت يجي اليوم الي يصير الي ومن حلالي
رحت للمطبخ صبحت عليهم ورحت يم الحجيه
كعدت يمهه بعدينن نضفت وخلصت صار الغدة
نهله تطبخ حظرناه وكعدنه نتغدة رحت يم الحجيه
خطيه تشيل وتخلي كدامي واني مالي نفس
وعيني ع ايهاب.. وهو ولا مهتم بيه
ولا جن اني كباله متت بطلت اكل وردت اكوم
ام ايهاب .. اشو ماكلتي
فرح.. عمه ماشتهي
ام ايهاب.. متريكه انتي
فرح... هزيت راسي لا
ام ايهاب... جاا ليش ماتاكلبن اكلي يمه
شوفي شلون متغيره
فرح... ماشتهي والله
الشيخ... خليه ع راحتهه...بنيتي
اني وصيت حسن انطيته فلوس
يجيبلج حلويات وشغلات ادري بيج ماتحبين هالاكل
فرح . لا عمو مو ماحبه والله بس ماشتهي
الشيخ . مابيه شي انتن بنات هالوكت تحبن هالسوالف
والحلويات
فرح . اشكرك عمو 😊
الحجية.... من اليوم بعد محد اله علاقه ب شغلات
فرح. رجلهه هو يجيبلهه
ايهاب... عاين عليه
الحجيه .. موهيج يمه هوبي
ايهاب.. .يي يمه تدلللين
فرح.. حروح اسوي جاي..
