بارت 22
زينب... والله ياللله تالي وكت اترزل من وحدة بنت شوارع
فرح. عاينت ع نرجس وغمزتلي عود سكتي عنهه
كامت تدردم خليت وصعدت فوك بين مخلصت،ترتيب الغرفه
والكنتور نمت ورة شوي فزيت ع ايهاب وهو،يبوسني
عاينت عليه .
ايهاب اسف يكلبي نامي رح اطلع وي الوالد بس ردت ابوسج متحملت هالنومه الحلوة😹
فرح . هههه حياتي
ايهاب.. العصر ارجع اوك حبيبي
فرح. اوك حياتي
طلع واني رجعت نمت ومفزيت غير ب 4 ونص العصر .
بدلت ونزلت جوة لكيت محد بالبيت الظاهر نايمين..
سويت جاي لان راسي يوجعني بهالاثناء دخلت زينب وامهه بس يمشن ع،السريع عبالك احد وراهم اتفاجئت وجنهن خايفات من شي... وعدهن شي ضاماته شافني وطلعن كبل بغرفتهن اني غلست رحت يم الحجيه لكيته ممطولة وتباوع ع الاخبار
فرح.... كاعدة بيبي
الحجيه.. هلايبعد كلبي تعالي يمه
فرح ... شلونج بيبي وبسته،براسه
الحجيه زينه يبعد كلبي...
فرح .. شربتي جاي
الحجيه لا والله متانيه واحد يجيبلي
فرح.. مو تددلين هستوني خدرت حجيبلج واجي ورحت صبيت جاي واجيت،خليته،يمهه
الحجيه.. عشتي يبنيتي شخبارج انتي وايهاب
فرح.. ابتسمت الحمدلله بيبي تمام
الحجيه. اشوف ايهاب مرتاح هذا عمري كله ماشفت ايهاب مرتاح هلكد اخر مره شفته يضحك من جان مسافر
فرح .. الحمدلله
الحجيه . وهاي زنيبه شماله وياج
فرح .. شسويله خليهه الله يجازي
الحجيه. يحبوبه ديري بالج منهن تره هذني عكااارب.يخوفن
فرح ... حجيت بكلبي .. كلهه تحذرني منهن قابل شيسون
ان شاءالله حجيه تردين شي حروح اغسل ملابس.
الحجيه لا،يحبوبه الله وياج
صعدت لفوك اخذت،الملابس ونزلت جوة،للحمام اكو ممر مرتب مسوينه للغساله والملابس غسلت الملابس ونشفتهم وشريتهم اتبللتت صعدت لغرفتي ولاكتتي زينب وجه بوجه
طالعه من غرفتي ...
زينب... درورت ع قميص ايهاب الجوزي اريد اغسله
فرح... غسلته هسه
خلت وراحت دخلت للغرفه عاينت هيج هيج هاي شتريد شعدهه داخلهه... يجوز صدك علمود القميص.. ماعرف
لشوي سمعت هوسة الجهال نزلت جوة لكيت نهله تصيح ع جهالهه
مسيت عليه وحظرنه جاي ووكعك وسويت كيكه اني ع السريع طلعت كولش طيبه واجتمعنه عصريه كلنه سوة
لشوي ودخلوو الولد ويانه سوالف وضحك وشقه
اما ايهاب... ايهاب عالمي الثاني احسه بكل حركه وبكل نفس عينه علية وميشيلهه ابدد ... احسه اول مره يشوفني مرات اخجل من نظراته وطبعا زينب وامهه نظراتهن كلهه حقد النه
احسهن يدعن علينه.
خلصنه ولمينه غراضنه ورة شوي نهله كالت تريد تشتري حاجات من المرة الي يمنه ام فهد كلتله اني محتاجة كم شغله.. رحت كولت لايهاب جان يم الولد
ايهاب... كتبيلي شنو المحتاجته واني اجيبلج
فرح ... محتاجة كومه شغلات وترة من زوجنه ولسا مرحت للسوك بس بالنيشان... عوزي شغلات
ايهاب.. ماشي بالليل اخذج ونروح للسوك
فرح... ممممم ماشي..بس هسه اكو شغلات ثانيه ماكدر اجيبه من السوك استحي خل اروح وي البنات
ايهاب ههههه علم.... ماشي بس موتتاخرين
فرح هههه اوك حبيبي
ايهاب. شال فلوس وانطاني
رحت،لبست وطلعت وياهن اشترينه كم شغله منهه
ورجعنه للبيت صعدت الغرفتي عاينت ع الكنتور حسيته مفتوح... رديته رجعت فتحته دورت مرايح شي الغراض نفسهن منو فاتحه.... يجوز الجهال..
ضميت شغلاتي ونزلت جوة يمهن بين شغل وتحظير للعشه وعشه ومواعين خلص اليوم صار وقت الليل،وايهاب الليله يم زينب ..
دخلت الغرفه ضايجه حيل مالي خلك.لشوي دخل ايهاب وراي
ايهاب ... حياتي
فرح... هلاحبيبي
ايهاب. شنو،شوكت تنامين
فرح هسه شوي وانام احاول
ايهاب.... موتضوجين حياتي كعدته ع الجربايه
فرح لا عليمن عادي.
ايهاب هممممممم هههههه حظني وشوي شاقاني وضحكنه وكال نعست وراي شغل
فرح.. ماشي حبيبي.
ايهاب .. احبج
فرححح... عندي سؤال بس مستحيه
ايهاب شنوو كولي
فرح... ممممم انت من تروح يم زينب ... يعني...
ايهاب شنو تحجي
فرح.... هممم تتقرب منهه وووو ..
ايهاب.. هههههه عرفت سؤالج.... تدرين اخر مرة شوكت اتقربت منهه..؟؟
فرح. شوكت؟؟
ايهاب... قبل لا اسوي ليلة يمج وليله يمه هههه
فرح.. صدك....
ايهاب... والله.. يالله نامي نعست تصبحي ع خير احبج
وباسني وطلع ....ابتسمت بدلت لبست شي خفيف
طفيت للضوة شغلت كلوب احمر وشغلت التتكييف. ونمت
