بارت ٢٠
طلع ايهاب وخلصت كم شغله بالبيت بعدين رحت يم الحجيه
كعدت يمهه شوي بين مجهز الغدة رجعو ااولد اتغدينه وخلصنه لمينه الاماعين وخلصت كم شغله
رحت انمطلت شوي وصعد ايهاب كال اهلج اجوو
كمت بدلت ورتبت مكياجي ولزمني من ايدي نزلنه سوية
بين سوالف وضحك حجه ابوية
الوالد... انتو تعرفون موضوعنه وجيتنه علمود شنو
ومبين وواضح جواب فرح وايهاب وابتسم
بس هم نريد نعرف رايهم وقرارهم واحنه وياهم شنو اليختارو
الشيخ... طبعااا اكيد ابو عبد .. هااا فرررح وايهاب شنو قررتوو تنفصلون لو تبقون
ايهاب.... يابه احنه اخذنه قرارنه.. باوعلي وابتسم
اني وفرح نحب بعض ومنريد ننفصل عن بعض
الشيخ.. ابتسم... وانتي فرح
فرح . خجلت حيل ...وكلتلهم كلامي مثل كلام ايهاب
منريد ننفصل ونريد نبقه سوية
الوالدد ... خير ان شاءالله ربي ييسعدكم وويوفقكم
بقينه نسولف ونضحك للعصر راحو اهلي
والبنات التمن عليه باركلي وسوالف وضحك وياي
اني جنت حيل طايرة من الفرح
بس زينب بين الحقد والكره بعيونه احسهه تتوعدلي بعيونه
هيه امهه اتجاهلتهم ورحت يم الحجية بقيت يمهع للمغرب
رجع ايهاب لكاني يم الحجيه صاح علية وصعدت فوك
اول مدخلت لكيته ورة الباب جرني وصار وراي وحاظني
ويبوس براسي وركبتي واني اضحك لان بسرعه جسمي يكش النوب سحبني للجربايه وخلاني بحظنه
فرح... ايهاب.
ايهاب... عيونه ل ايهاب
فرح.. فديت عيونك...شكد تحبني
ايهاب... ممم يعني شوي
فرح... عاينت عليه. شنو شوي وبرطمت
ايهاب... لعد شتردين
فرح... ايهاااب
ايهاب.هههههه احبج وامووت عليج ياكلبي وعمري
فرح... ههههه... شنو معندك شغل هسه
ايهاب.. شنو تردين تطرديني
فرح.. هههه لا اكوول
ايهاب... لا هسه شوي واطلع عندي كم شغله وي الوالد
فرح . اوك كلبي واني هم شوي واروح اجهز وياهم العشا
ايهاب.... يي دتعالي حظني شوي بعدين كام بدل وطلع
واني رتبت الغرفه ونزلت
لكيت نهله ونرجس تريد تروح لاهله كالت تبقه كم يوم وهيه خطيه بنهاية التاسع .راحت بقينه اني ونهله دنريد نجهز للعشه. طلعت دجاج وخليتله خل وتتبيله وبهارات وسماك ونكعته بالخل فد نص ساعه وجهزت الخضروات ونهله وياي
جتني ورد كالت سديلي السحابيه مال البنطلون
لزمت سديته وبدون مادري كرصته من سديت السحابه
حبيبتي كامت تبجي.. يوو عمري والله مادري سودة عليه كمت افرك ع مكانه ودخلت ام زينب لو كلبت الدنيا
ام زينب . دهررر صابج شسويتي بالبنيه الله لايطيج
فرح... مسويت شي داسد السحابيه وكرصته قابل متعمدة
ام زينب.. يي لا تردين تاذيهه لان بنت زينب تردين تحركين كلبه ...
فرح شنو السالفه عمه قابل معندي كلب واذي طفله وبعدين مصار شي هياتهه سكتت
ام زينب ... عمه اليعميج اني مو عمتج عاب هاللسان
زينب.. عوفيه يمه هاي بنت الشوارع مادكدرين على لسانه
فرح .. هيي ترة تجاوزتن هووواية كافي متستحين شنو هالحجي
اجت ام ايهاب.. كامت تصيح عليهن كالتلهن عيب هالحجي ميصير تجاوزن هاي هم مرت ابني ومارضه عليه
زينب طنكرت وصعدت لغرفته واخذت ورد
وامهه طلعت مدري وين راحت ...
ام ايهاب .. يمه فرح ماعليج بيهن وارد يصير هيج شي بيناتجن تعرفين غيره النسوان بس انتي لاتردين عليهن وغلسي
فرح يي يا عمه بس شفتيه شلون اجاوزت وغلطت واني ماكدر مارد عليهه وهيه تجاوز عليه بهيج كلام محلوو
ام ايهاب . ميخالف بنيتي انتي عاقلة ودارسه وتفهمين
فرح... ماشي عمه صااار
ام ايهاب .بعدكلبي الله يرضه عليج
كملنه العشه وني منزعجه كلش لشوي دخلو الولد سوية سلمو
قاسم بطبيعته رزن وثكيل حيل صح يضحك وشي بس مو ب اي وقت يعني ثكيل حيل وتصرفاته مال واحد فاهم
وحسن فد مره يشاقي ويسولف..
اجه اني داخلي الدجاج والحشووو بالماعين
وايهاب... واكف ديغسل
ولزم حسن دياكل من الماعون ضربته بالخاشوكه ع ايدة
ممنوع تاكل هسه
حسن... هههه ولج ميت جوع كلششش
فرح... هههه اصبر دنحظظر
حسن... يمعودة بس لفه شكد نحسه
فرح.هههههه زين يالله هاك اخذ شوي
صبيت وحظرنه والولد اخذو الاكل بالاستقبال واجه الشيخ
همم سلم وكعدنه سوية وزينب وامه مقبلن ينزلن
الشيخ .. شنو ام زينب وزينب ماكو
ام ايهاب.... وديت عليهن مارضن ينزلن
الشيخ. خير شكووو صاير شي
ام ايهاب... والله تعرف سوالف النسوان اني اكول ورة العشه ونسولف
الشيخ.... اني اكول احجي هسه انتم تدرون اني مارضه اله الكل مجتمعين سويه
ام ايهاب... اتلاغن وي فرح .. وسولفت اله
الشيخ.. هااا هيج ....فرح بنيتي هيج اجاوزت عليج ليش
فرح... والله هيه هاي السالفه عمي واني ابد مجاوزت ولاحجيت واصلا مجان قصدي اسوي هيج بورد
ايهاب... ياعيني عادي قابل متقصده
طبعا ام ايهاب مكالتله انو زينب اجاوزت هيه وامهه لان ميقبل واحتمال تصير مشكله
حسن .. هههه بدت رحمه الله رح يبدي الشغل مال الضراير
الكل ضحك.....
الشيخ... روحو واحد منكم خل يصيحهن وينزلن كتلنه الجوع
راح قاسم صاحهن واجن نزلن سلمن وكعدن
الشيخ... يالله سمو بسم الله
اباوعلهم واحد يباع ع الثاني ويضحك لو واحد ياشر ع الثاني .. حسن ونهله وايهاب. يتبع
تكمله بارت ٢٠
خلصنه العشه وصبينه جاي وكعدنه سوية سوالف وضحك وشقه لشوي اجو ولد عمهم الثاني اثنين كبار واحد مزوج واحد لا... شفت البنات سلمو عليهم عادي
اول مسلمو عليه رديت السلام وايهاب اشرلي براسه
مفهمت بالاول بعدين رجع اشر مرة ثانيه وعرفت يريدني اطلع... خليت وطلعت كعدت بالمطبخ شوي وهمه جووة سوالف وضحك كلت ليش خلاني اطلع صعدت لغرفتي شغلت التلفزيون وذبيت شالي وانمطلت لشوي ودخل ايهاب عليه سويت نفسي شايلة عليه ..
ايهاب.... فررروحتي
فرح... مساع ليش خليتني اطلع صار ساعه كاعدة جني بومه وحدي.
ايهاب.... ههههه يمه انتي بووومة لج كولي انتي البلبل مالي انتي الغزالة مالتي
فرح... فتحت عيوني وخليت اصابيعي جوو عيوني واكوله يمه يمه هاي الحركه دوم جنت اسويه وي نور اذا اريد اكوله انو انتي تجذبين
عاد هو كام يضحك.... وكال.
والله حبي اغار عليج ماريد احد يباوعلج ويشووفج لذلك كلتلج كومي
فرح...همممممم بسسس
ايهاب.. يي والله بسس
فرح....ترة عادي همه مو غريبين
ايهاب. لج اني لو بيدي اصلا اعزلج عن الدنيا نبقه بس اني وانتي وبسسسس
فرح.. رجعت سويتله الحركه بعيوني وهو مات من الضحك
ايهاب.. رح انزل فد ساعه وارجع
فرح.. وين
ايهاب.. لج بعد ولد عمي موجودين واجو جماعتنه بالديوان لازم اروح
فرح .اوووك حياتي حنتظرك مو تتاخر
ايهاب... ماشي كلبي .. بوسني بشفتي ونزل
بقيت اتكلب بالغرفه رحت شوي نزلت جوة ملكيت احد بالمطبخ ... رحت لكيت غرفه نهله مفتوحه والجهال يصيحون وهيه تصيح عليهم وكفت يم الباب ودكيته..
فرح...ممممم كاعدة نايمه
نهله .. هلا فرووحه تعالي كاعدة.. ولكككم الله واكبر موتوني راسي صار طبل .. تعاي تعاي فررح
فرح.. ههههه شبيج وياهم
نهله .. ولج دادة موتوني طلعولي كرررون من الوكاحه شوفي شمسوين بالغرفه وهاي الهدوم كلسا اسفطه ويكلبوه
فرح.. شتسوين جهال .. عادي اني مكدرت انام ونزلت كلت اشوف منو كاعد
نهله .والله اليوم كلمن بجهه زينب وامهه راحن لبيت جدهه لاهل امهه قبل شوي وام ايهاب... راحت يم جارتنه عدهه واجب .. والحجيه نايمه ...
فرح... اهااا ....اكول ام زهورة اريد احجي وياج ب موضوع
نهله... يي كوولي.. خيه اسمعج
فرح . تعرفين اني طالبه سادس علمي وجنت ادرس ونجحت من السادس
بس صارت المشكله الي عرفتيهه وبقيت هيج وحرامات تعب هالسنين يروح ع الفاضي.. ف دافكر اذا حجيت وي عمو وايهاب انو اكمل دراستي شدكولوين يوافقون لولا..
نهله ...والله يافرح عمي الشيخ يكيف ع الدراسه وجان يتمنى ولدة كلهم يكملون وجان يشجعهم ماتشوفين اني معلمه هو اختارني كال اريد وحدة دارسه بس اني حرامات لا تعيين ولاشي صارلي شكد ... المهم وحتى بناته سعاد معلمه اسلاميه والثانية مشرفه وايهاب جان يدرس برة. وحتى هسة احفادة يشجعهم يكملون .ف اني اكول يرضه اصلا يطير من الفرح
فرح.. ياريت والله ممرود كلبي ع الدراسه حلمي ومستقبلي. حرامات هيج يروح
نهله ..زين وايهاب شكال.
فرح.. والله بعدني ممفاتحه بالموضوع داريد احجي وياه بس متررددة كلت اسالج بالاول
نهله... لا يختي اتوكلي ع الله وحاجي وحتى اذا ماقتنع عمي يقنعه ...
فرح... ماشي ريحتيني والله
نهله ..يبعد كلبي عساج دوم مرتاحه
ف ح... فدوة لكلبج بالله اني اروح خاف يجي ايهاب
نهله ...الله وياج تصبحين ع خير
فرح. انتي من اهله
صعدت لغرفتي طلعت ملابس نوم ولبست وسويت شعري برمته وخليت مكياج ورشيت الغرفة عطور وخليت الي وانتظرت ايهاب.
لشوي واجة ...
فرح... هاي وينك حبي اتاخرت
ايهاب.. يممه الكمررر اليوم بغرفتي شنزلة
فرح..همممم لتغير السالفه
ايهاب... لج هو اليشوفج تبقه ببالة سالفه شنو هالكيكة يربي
كومني وكام يبوس بية
فرح. بسته ..ممم وين جنت
ايهاب غير كللتلج حبيبتي هسه اله طلعو الولد بس ارييدهم يكومون.
فرح.. ههههههه ممم عندي موضوع وياك
ايهاب.. موضوعج ميصير يتاجل لباجر لان اني عندي موضوع وياج وغمزلي
ف ح...هههه عابت وكح... لا داحجي صدك اريد احجي وياك هسه
ايهاب.. همممم شتنطيني
فرح... بسته بشفته ... هاك شتريد بعد
ايهاب... يمة هسه احجي
كعدنه ع الجرباية
فرح.. شوف اني لاحب الف وادور ولا شي واحجيه من الاحير.. اريد اكمل دراستي
ايهاب.... هااا.....
فرح. شو سكتت
ايهاب.. شعجب يعني
فرح. حبيبي اني هواية تعبت بالدراسه وجان حلمي اكمل واصير صيدلانيه... واالله محترك كلبي.. اريد اكمل واحقق حلمي
ايهاب... والله حبي اكيد اني لو تكملين افتخر بيج بس شغله انو تدخلين كليه صعبه عليه
فرح.. ليش صعبه ياكلبي.
ايهاب... اغار. يعني اني من اهلي واغار عليج جا شلون تختلطين وي الولد وكلية وهيج مادري صعبة
فرح.. يا كلبي هيه هاي الدراسه قابل شلون واني انحرم من دراستي علمود هيج شي.. انحرمت اول مره ماريد انحرم بعد
ايهاب... حياتي الله كريم افكر ددتعالي يمي والله مشتاقلج
وحظني خلاني ع ايدة ويبوس بيه واندكت الباب
طلع ايهاب فتح الباب طلعت زينب بالباب
ايهاب.. ها خير شكو
زينب... هاي ورد مدري شبيهه بس تبجي دكول اريد بابا
يتبع
اسفه حبايب كلبي ضروفي صعبه بالكوة جاي اكتب والله
