ايهاب.
رحنه اني وزينب يم ابوي....
الشيخ..... احجولي شكووو .
ايهاب يابه.. طلعت جبت جكاير ورجعت لكيته.
تحجي لنسوان اخوتي عليه حجي موزين....
الشيخ.... افاااا افااا عليج زينب.ماتوقعته منج.
زينب... اسفه شيخنه موقصدي.
الشيخ... شوفي بنتي احنه بعدنه ع اولهه اذا ماراضيه
بالزواج عادي مانسوي.. ولا تصيرومشاكل.
ايهاب. ههه ع الاساس احنه جنه ماكو مشاكل ومرتاحين
يابه.. اني اريد يتم الزواج ..و ب اقرب وقت
الشيخ....... هاا متاكد .
ايهاب. يي متاكد.
الشيخ.. وانتي زينب شدكولين ..
زينب باوعتلي ب استحقار.... اييي مبرروووك
واني اشتريلك النيشان ب ايدي.. ايهاب.
ايهاب.. خزرته..
الشيخ .. هاا.. اذا هيج خلص بيهه الخير....بس اعيد
ماريد بعديومين مشاكل وسوااف ماصخه.
زينب.. لا شيخ ولايهمك...
الشيخ.. خوش... جا اخذو راحتكم.
ايهاب.. طلعنه ورحنه للغرفه انمطلت وبقيت افكر
اذا كان قراري صائب اولا.
فرح.... ورة مارديت ع الشيخ بالموافقه بقيت افكر.
وخايفه. وعرفت من ام حسين انوو هذا لمعقد ايهاب
هو رح يعقد عليه خفت منه اني من يباوع اخاف
ورة يومين دز عليه الشيخ وكال حظري نفسج
وام حسين كالت تاخذني نشتري النيشان
الشيخ راد كلشي رسمي كدام لعالم وماشين ع الخطه
انو اني اقارب ام حسين.
وفعلا اجت ام حسين وابتسام اخت ايهاب. وزينب.
اخذني علمود النيشان وكامن يختارن بكيفهن واني
بالي مويمهن بس اكو شغلات كلش محلوة كلت
لام حسين ترجعهن واشترينه المكياج وكلشي
وزينب ابد محجت حتى تباوع عليه من جوة لجوة
بعدين رجعنه ومتت تعب وثاني يوم يوم العقد...
كعدتني ام حسين من الصبح...
واخذتني للصالون ب الولايه...بنتهم سعاد الي مزوجه
كولش حبابه ويايه وهيه كالتلهم اخذوهه للولايه.
لان هية حلوة وهنا حرامات يخربن شكلهه.
وفعلا اخذني بالولاية شغلهن حلو ونازك..
لبست فستان جويتي موكلش منفوش يعني نفشه عادية
وميكاب خفيف. وحفيت طلع وجيي وتسريحه بسيطه ونص شعري نازل..
طلعت حلوة دمعت عيوني وام حسين تسكت بيه.
اي بنية تكون فرحانه بهيج يوم الا اني
اوووف كضيت الطريق بجي منا لمن نزلت ورفعن البركع..
ام حسين.. يا يا عززززا شمسوية خاله شجاج
شوف عيونج
فرح.موبيدي والله
ام حسين ادري يابعدكلبي حقج .
اجت سعاد وعدلتلي المكياج ودخلت والنسوان تلكتني بالهلاهل والجكليت...
ايهاب... كعدت رتبت نفسي وحلقت واشتريت ملابس
اني وحسن وابن عمي مهيمن... علاقتي بيه حيل قوية.
مهيمن... ممم طالع صاك ولك
ايهاب... ادري
مهيمن.. ترة هذا زواجك مو فاتحه شبيك مطنكر
حسن...هخه ليش غريبه عليك شنو هو شوكت شفناه يضحك
ايهاب.. سكتو ترة روحي طافره ومالي خلك
مهيمن... هههه اعصابك يالله امشي.
جنت ضاايج كلش مو لان رح ازوج.فرح
بس ماعرف ضايج..حيل..يمكن افكر بالجاي
رحنه للبيت والجماعه ماقصرو سوو حفله بسيطه
واني اجاملهم واضحك واسولف.
بعدين اجاني الوالد وكال كوم حتى نعقدلكم.
وكمت.. رحت للبيت دخلت للغرفه مال الحجيه
بس الحجيه كاعدة وامي وام حسين وفرح
جانت مغطاية بالبركع ومينشاف منهه شي
سلمت وكعدت بصفهه..وكام الشيخ يتلو الايات.
سالني وكلتله موافق .. وهية سالهه
بالكوة سمعنه حجايته عاينت عليهه اسمع صوت بجي
هه اكيد تبجي ع صاحبهه...رفعن البركع واتفاجئت بجمالهه .. بقيت صاافن كل هالفتره ماركزت بيهه هيج
فرح.... سون البنات حفله وكومني كالن رح يصير العقد
واني ارجف ومقهورة...
دخل ايهاب عاينت عليه ماشوف كلش كعد يمي وساله الشيخ
وكال موافق بصوت خشن
واني بالكوة طلعت مني... خلصوو باركولي وطلعوو .
رفعت ام حسين البركع وهيه تضحك عاينت ع ايهاب
شلون عاقج حاجبه ومعصب... بس بقه يباوع عليه
منزل عينه ابد....لبسني الحلقه واني ارجف
كامن يهلهلن وبعدين طلع ...
خلصت الحفله ورحت للغرفه قفلت الباب
شمرت نفسي
ع الجربايه وب بدلتي موتت نفسي بالبجي
كمت ابجي بصوووت حيل عالي..دكت الباب
عليه ام حسين وتصيح خاله فتحي الباب
لتسوين بنفسج هيج يبعد خالتج
فرح... بصوت مبحوح.. عوفيني خاله
عووفوني بحالي فدووة تركووني.
بقيت هيج ابجي...واضرب بيدي.
ع الجربايه....لللليييشش
لييييشش دايصير بيه هيج ليييش... ليشش
اني.. ليشش اني داتعاقب... داموت.ومحد
يدري.بيه.. معقولةة كل هذا عقاب.
ليش دايصير هيج .. كاااافي مدا اكدر اتحمل
ياربي صبرني.فدوة اروحلك ...
بقيت ابجي الى ان تعبت ونمت ومحسيت
ع نفسي..فزيت الصبح.نايمه ببدلتي والمكياج
ملطخني.بدلت لبست كلابيه جويتي.
وفتحت شعري.ورحت للحمام.. اول مطلعت
طلع بوجي ايهاب....صرنه وجه بوجه.
عكد حاجبه وباوعلي بغضب وراح...
افف نظرته تخوف...رحت سبحت وارتاحيت
شوي مشطت شعري..ودخلت ام حسين.
ام حسين صباح الخير عروستنه الحلوة
فرح.هه صباح النور خاله.
ام حسين.. البارحه خوفتيني عليج والله
ولو ماالشيخ كال روحي لبيتج
جان بقيت مكابله الباب..
فرح... لتخافين خاله ميصيريلي شي
هه ولان اريد الموت مدا يجيني.
بس باقيه للعذاب.
ام حسين.. يا خاله ليش دكولين هيج...
حبيبتي.بعدج صغيره وحلوة
هسه عوفينه خل نتريك وحتى نروح
نشتري الذهب
فرح
منو حيروح ويانه.
ام حسين. هو اني وانتي وايهاب.. ومدري لوو نهله لو سعاد
فررح... خاله ليش كل الي اتمنيته مصار.وصار
عكسه.ليش كل احلامي راحت.ليش
ام حسين ...هذا اختبار من ربج بنتي.
فرح...اختبار!!وشوكت يخلص لان تعبت والله تعبت.
ام حسين.. يخلص وتبقه سوالف
شوفي بنتي.. مادامج رح تزوجين هنا ببيت الشيخ
معناته فرحي صح اهلج مو يمج والي صارلج مو شويه
بس باوعي من جانب ثاني.لوو مو الشيخ شجان صار بيج
وايهاب.خوش ولد لاشوفيننه هيج عصبي .رجال
وصاحب غيره ونخوة. راح يحميج واكيد تمرين
بصعوبات بالبدايه بس بعدين تسهل.وشمدريج
يجوز ورة زواجج من ابن الشيخ يجوز اهلج
يسامحونج يكولون ازوجت وستر عليهه .
اووووه شنهي نكضيهه سوالف يالله كووومي
خلصي وبدلي.حتى نروح.
دورت بالملابس مو كلهن حلوات يعني اكو كم قطعه ذوق
سعاد مرتبات لان سعاد مززجه بالولايه .وعده ذوق
بالملابس اختاريت فد لبسه مرتبه ولفيت الشال
ولبست العبايه ماعرفلهه بالكوى جاي اتعلم
عليهه..ومخليت شي لوجي مالي خلك واصلا
وجهي مبيه شي ... طلعت لكينه ام حسين وايهاب واكفين.
وشفت سعاد حتروح ويانه ابتسمت الهه
عاينت ايهاب عاكد حاجبه ويباوعلي..
اخاف من يباوعلي هيج..
طلعنه صعدت بالسيارة كبال الجام
وسعاد وام حسين يسولفن...
واني كل مارفع عيني اشوف ايهاب .عاكد حاجبه .
ويباوع عليه وحاجبه مطبور نظرته حلوة
وتخوف بنفس الوقت...قلقني واربكني.
نزلت اشترينه كم قطعه حلقه ومداليا وتراجي ومحابس اثنين. واسوارة مرتبه...
سعاد اختارت اني صافنه ولا عبالك دايشترون الي
صافنه وافكر ب اهلي.شديسوون هسه.
مفتقديني.. مشتاقيلي مثل ما اني مشتاقه الهم
نوور شصار عليهه طلعت حامل لولا.
زهرة اوووف زهرةة مرتاحه هسه وي زوجج وجهالج
واهلج واني هنا . بهالتفكيرر. قاطعتني سعاد
سعاد... فرررررح فرررررررح ياااا.
فرح... ها هاا ااااه شنووو
سعاد.. وين صافنه صارلي ساعه اسولف عليج
فرح.. ها وياكم شنو
سعادد.. لتفكرين بشي اعرف جاي تفكرين ب اهلج
بس ان شااءلله يجي يوم وتجتمعين وياهم.
هسه كوليلي منو حلوة هاي القطعه لو هاي
فرح. بكيفج....
سعادد.. .صفنت عليه ودرات وجهه....
يطلع عمرهه ب ٣٧ عدهه بنيه عمره ١٦ ولد عمره ١٢.
متدينه بشكل موطبيعي.. متحب تاخذ غيبه ولاتحجي
ع احد وكل سوالفه بالحلال والحرام..
حيل ارتاح وياهه بس هيه وام حسين والشيخ
يحسسوني انو اني صدك بنتهم .والي اهميه.
اما ابتهال ف هم زينه من تجي بس معزوله متحب تحجي هواية.
واربع وعشرين ساعه لازمه البنات وتنصح بيهن.
هم متحب المشاكل... نفس امهم الي عرفته من
ام حسين انو مرت الشيخ فقيره ومتحب المشاكل..
يعني عائلتهم زينه تقريبا اما الولد ماعرف عنهم شي
خلصنه ورجعنخ للبيت تعبانين ردت اصعد فوك و
صاحت عليه نهله.مرت قاسم.
نهله .. خيه وين رايحه تعالي اتغدي ويانه بعد
انتي بنتنه منه وبينه..
فرح.. ابتسمت الهه. اروح ابدل وانزل.
نهله .. ماشي حبيبتي.
صعدت بدلت وغسلت ونزلت جوة...
لكيت الكل بالمطبخ يجهزن الغدة
رحت اساعد نهله بالاماعين.
ماقبلت كالت كعدي لتسوين شي.انتي عروس.
يتبع
