24...
كمت اداوم كلية ايهاب ياخذني ويرجعني مقبل انوو اسوي خط كال اني اخذج واجيبج هيج ارتاح اكثر
وافقت... رحت اشتريت ملابس طبعا هوو وياي واختار وياي وشرط عليه انوو ماذب العباية ابقه بيه
حاولت اقنعه بس ماقتنع كال انتي حلوة وناعمه وعليج جسم والولد اشكال واخاف واغار عليج سكتت محجيت شي
وافقت وكام ياخذني مشت اموري تمام بالكلية اتعرفت ع صديقات .
بيوم من الايام خلصت محاظرتي وطلعت جوووعانه كلش رحت للكافتيرا طلبت لفه كص وعصير برتقال اخذت،طلبي وكعدت ع طاولة خلصت لفتي وكمت اكلب بالسجل مالي
داشرب عصير عاينت اكو بنيه واكفه وياهه بنات اثنين
حاولت اشوف بس البنات صايرات كبالهه
هايه جنهه حووررر. عاينت هيج ملت راسي
اييي والله حووررر هاي.. ردت اكوم اله وكعدت ..
بس هيه مالهه ذنب بالي سواه عمررر.
ممعقولة متدري شسوة.لشوي هيه صاحت فررررررح
اجت،عليه حظنتني وكامت تبجي
اني هم،حظنته،بسسس متفاجئه معقولة ماله علاقه بالي سواه عمر ..
حور. وججج وينج،والله مشتاقتلج لجج والله من صارت،السالفه ليل ونهار ابجي عليج ومن كالو قتلناهه انجنيت عليج والله مشتاقتلج وعلي بجيت بجي ماصاير
ودوم اسال،نورر اخرومرة قبل لايرحون لبغداد دزتلي مسج كالت فرح موجودة
فرح. يعني نور تتواصل وياج
حور. اني اتواصلت،وياه اسال عليج
كعدي واالله مشتاقتلج
كعدت واني صافنه ومدهوش
حور شببج اشو باردة وياي حتى سلامج
لحظه لحظه ليكوم عبالج اني ادري بلي سواه عمررر
بقيت ساكته
حور.. لللج والله مادري ولج انتي اختي وصديقتي والله بيومه لعبت بعمر لعب ورحت لامج وكلتله فرح ممسوية شي
واخوية نذل، بس اخوج عبد طردني من،البيت
كامت،تبجي حور ...
كمت اله،حظنتهه...شفتي الي سواه عمر بيه
حور.وااالله لحد الان ماحجي وياه وعلاقتي بيه خربت
كمنه ندردش وسولفتله ع كولشي صار وياي
وهيه هم سولفتلي مخطوبة لابن عمهه وزواجه نهاية السنه
وتداوم تربيه اساسيه بس اجت وي صديقته علمود اوراق
وكالت عمر مسافر وهمه منتقلين لغير منطقه
خلصنه سوالف ودردشه رادت رقمي انطيته اله وشددت عليه،انو تنتبه وميطلع ولا احد يدري بيه
وكالت اكيد لتخافين،سلمت وطلعت
خلصت،محاظراتي لكيت ايهاب واكف بسيارته بالباب
طلعتله ابتسملي،رحت صعدت يمه
فرح... هلو حبيبي
ايهاب.. هلا عمري.شلونج
فرح . تمام بشوفتك
ايهاب. حياتي..،شغل،سيارته وطلعنه
ايهاب . شخبار الدوام
فرح تمام حياتي صح شوي صعوبه بس اني كدهه
ايهاب ههه اكيد كدهه طالعه عليه
فرح . ههه فديتني اذا طالعه،عليك
ايهاب.ههههه
وصلنه للبيت لكيت،نهله تجهز،بالغدة سلمت،عليه رحت بدلت وغسلت،ونزلت وياه اساعدة كالت تعبانه معليج بيه بس مقبلت... طبعا نضمت وقتي بالليل،اخلص شغلي اني عليه التنضيف اخلصه بالليل كله حتى اروح ببراحتي معندي شي ومن ارجع اساعد البنات بالشغل،البقيه
كملنه غدانه وكعدنه كلنه نسولف ونضحك
الحجي.. فرح بنيتي شلونه الدراسه
فرح الحمدلله عمووو تمام
الحجي عساج بنيتي اريدج ترفعين راسج وافتخر بيج واكولهم هاي جنتي نجحت
فرح. ان شاءالله
ام زينب. هاا لازم بقيه جناينك ماتفتخر بهن بس فرح
الحجي . ام زينب اني ماكلت هيج بس اكبيد التدرس وتتعب وتنجح نفتخر بيههه.
ام زينب ... خوووش.. صار الفخر للماله اصل.
الحجي... امممم زيييينب بزمخه ... هيه دنكت.
اني من حجت هيج دمعت عيوني. اعاينت ع ايهاب.
خليت وكمت وسمعت ايهاب حجه وياهه ماعرف،شكالهه
ضجت وكعدت بغرفتي بجيت ..
يعني دوم هيج ابقه يوميه يعيرن بيه مليت من هالوضع
شوي وصعد ايهاب وراية
ايهاب... حبيبي هاي شبيج
فرح... مشفتهه
ايهاب.متستاهل تنزلين دمعتج علمودهه
رفع راسي بيدة،وباس عيوني ... خله اصبعه ع خدي
وخلاه بحلكه.... او مره اشوف دموع بيه عسل
فرح.. ابتسمت
ايهاب... يمه حتى من تبجي وتضوج تخبل وين اروح اني
فرح.. ههه
يالله كومي حبيبي ترة ميت جوع واذا مانزلتي وياي ماكل
فرح... بسس ماكدر
كتلج والله ماكل ابقه جوعان من وراج
فرح . هه ماشي لعيونك ..
نزلت اني وياه وهو لازم ايدي الكل كام يباع علينه
كعدنه وكعدني يمه واتغدينه وزينب ماتت قهر وخلت وكامت
من خلصنه الحجي حجه وياي
بنيتي لاضوجين ولاتهتمين لهذا الحجي. وهاي كلهه سوالف تصير بين للنسوان صيري سباعيه وماعليج بيهن
فرح... ماشي عمو
الحجي .. بارك الله بيج بنيتي وعاشت ايد اهلج ع هالتربيه
بسته براسه ورحت للمطبخ كملت شغلي وصعدت اقره بغرفتي شوي واجه ايهاب.
ايهاب. شسوين
فرح. دالعب دعبل.... يعنب شسوي اقره
ليهاب.... ممممم اني اريد انام
فرح.. .يي نام منو لازمك
ايهاب... يعني انام وحدي
فرح ههه هيي
ايهاب ومنو،ينام بحظني
فرح.. انت نيمم روحك
ايهاب. ها هيج اوك خل اروح لزينب و ورد انام يمهن
فرح... ها،هيج صااارت
ايهاب... يي... رح انام يم زينب.
فرح... طفررررت عليه وكلبته ع الجربايه واكرص بيه وهو يضحك.... ماتررررروح وهذا حظنك بس الي زين لوولا
ايهاب... هههههههه هيج احسلج مو كلتلج مقبلتي
فرح .. ممممممممم احبك
ايهاب. اعشقج
نمنه الظهريه للعصر كعدت قريت شوي وخلص اليوم
ايهاب الليه يم زينب .. خلصت شغل البيت باللليل وسبحت
حظرت دروسي وملابسي الي البسهم
شوي واتصلت حورر
حور.. هلاوو كبدي
فرح.. هلا حياتي شخبارج
حور.. تمام وانتي
فرح الحمدلله
حور. شدسوين
فرح ... والله خلصت شغل وداااحظر دروسي
حور. لج خاف زوجج يمج واني اتصلت
فرح. نهجم بيتج ع الاساس صارت تعرف الاصول 😹
لامويمي يم مرته ذيج
بقينه ندردش سديته منهه ونمت
مرت الايام ماكو شي اني اداوم وايهاب معيشني ب احل احلام وحب ومدللني دلال وزينب امهه نفس طبيعتهم وياي اصلا كل فتره حقدهم يزيد ويزيد
كعدت الصبح داحظر الدوام وايهاب نايم
بدلت،وغسلت بس احس نفسي تعبانه ماعرف شيبي
كعدت ايهاب .. خلصنه ونزلنه جوة اكلت لكمتين بالكوة
عمتي.. شبيج يمه شو شكلج ماعاجبني
فرح .. ماعرف عمه مالي خلك احس نغسي تعبانه
عمتي.. يايمه يجوز من التعب والدراسه ع كيفج وي نفسج
فرح .يي يجوز وخصوصا هذني الكم يوم مداكدر انام زين
ايهاب.. حبيبي يالله حتى منتاخر وراي شغل
فرح ماشي حجيب غراضي واجي
صعدت الدرج احس كلبي يركض من التعب جبت غراضي ونزلت دانزل واحس الدنيا تفتر بيه بالكوة نزلت اخر باية مال،درج حسيت الدنيا تفتر بيه وكعت...
عيوني مغوشه بس اسمع صياح نهله ونرجس وايهاب يكعد بيه
فتحت عيوني اني وين بالمستشفى.. راسي يوجعني
محد يمي بس السستر ...
شوي ودخلت عمتي فررررحانه
يمه مبارررك وبالعافيه يبعد كلبيي والله طرت من الفرح وباسوتني
فرح خيروعمه
عمتي يمه حامل يبعد عمتج
فرح صددووووك فرررحت حيل صاررر شكد مفرحانه
هيج دمعت عيوني وحظنتني عمتي ..
صار سنه ونص ع زواجي وهالخبر فرحني حيل
ورة شوي اجه ايهاب الظاهر ميدري شنو السالفه
لان جان طالع صايرة مشكله بللشغل
ايهاب. ها،يوم شكالو
فرح.. غمزت لعمتي عود لدكوليله
عمتي يمه يكول شوي تعب خل ترتاح
ايهاب. شلون صرتي حبيبتي احسن
فرح يي حبي زينه طلعوني.
فعلا خصلنه وطلعنه وشدددت ع عمتي مدكول اريد اسويه مفاجئه ...
سلمو عليه الكل وصعدت لغرفتي واجه ايهاب وراية
حبيبي شلون صرتي خو مامتاذيه
فرح تعال،اريد اكولك شييي.
ايهاب..شكو حبي
فرح... ممم لزمته من ايدة... انت شنو تتمنى
ايهاب... مفهمت
فرح... يعني شنو امنيتك هسه شيصير
ايهاب..هممم يعني اكيد امنيتي نبقه سوة دوم ويصير عدنه طفللل اووف غير اصير اسعد انسان
فرح... واذا اني حققتلك حلمك
تيهاب. شلون
فرح... مممم خليت ايدي ع بطني وعيوني وحدهن دمعن
ايهاب بقه صافن ... لاااا شنوووو فرررح
حاااااامل...اجذببين عليه لو شنو
عيونه دمعن ..
حظظظني لججججج ممصدك والله كام يفتر بيه ويصيح ويضحك
.واني اصيح نزلني بقه يحظن بيه ويبوس
اروحلج فدوة،اني والله ممصدك ويبوسني مناومنا
عبالك اول طفل هذا...
بعدين نزلنه جوة،ونشرنه الخبر بالبيت الكل فرررح
والشيخ كال نسوي عشه لوجه الله... طبعا،همه هيج طبيعتهم اي طفل هيج يسسون الكل فرح ..
بقيت هالفتره مدلله الكل مهتم بيه وايهاب ممقصر
وبين للدوام والبيت والحمل تعبت هالفتره وخصوصا الاشهر الاولى حيل متعبه ...
دخلت بشهر الرابع ولازم اروح،اشوف جنس الطفل
ايهاب. ميت ع ما يصير عندة ولد
والشيخ هم لان همه الشيوخ هيج يحبون يصير عدهم نسل
وخصوصا همه خلفتهم اكثررهه بنات قاسم
اثنين بنات ولد واحد الصغير ونرجس بنيه
وبناتهه هم اكثر شي بنات...
رحنا اني وعمتي للدكتور سويت سونار.
وجنت ادعي ربي يكون ولد .. صح كلشي خير من الله
بس اريدة يشيل اسم ابوه ويفرح بي
سويت سونار
الدكتورة .. وضع للطفل زين وحركته ممتازه
فررح... ممبين جنسه
الدكتةرة لحظه داحاول اشوف بس هوو ناعم حيل
فرح.... اووووف
الدكتورة.. لتتوترين وصبري
الظاهر هذا،ابنج حيكون وكيح
فرح.... شنو دكتورة ولد .
الدكتورة.. ههههه يي وولددد وضعه جددا جيد
فررح .طررررت من الفرحه وعمتي فرحت وباست الدكتورة
كمت ابجي عمتي رادت تخابر عليهم بس مقبلت من نرجع كلتله.. انطتني مقويات وابر ..
رجعت للبيت.. شوكت اوصل واشوف ايهاب اكيد حيكون فرررحان...
دخلنه للبيت الكل كان موجود دخلت للمطبخ وعمتي صاحت ايهاب اجه يركض
ايهاب.. هااا بشششرييي.
فرح..دمعتي وكعت... الي تمنيته حبيبي اتحققق
ايهاب.... وللللددد
فرح .يييي
حظظني كدام الكل ويبوس بيه وهو فرحان وعيونه مدمعه
من لفرح. وكام يصيح ولكم رح يصير عندي ولددد رح يجي ولي العهد... ويضحك الكل اجتمعو يمي وعبالك اول طفل حيجيهم هلكد مافرررحو زينب وامهه ماتن قهرررر
ونرجسس فرحت بس شفت الغيره بعيونه
نهله خطيه طارت من الفرح... احسهه اختي شكد طيبه وحنينه...
الحجي... بوية ايهاب روح للسوك وجيب خروف معدل حتى نذبحه ونسويه غدة لوجه الله
ايهاب.... شنو خروف كول خروفين
الحجيه... ي حبوبه هسة خل تجيب بلسلامه ةالله كريم
تعاي يحبوبه.رحت عليه سلمت وباوستني وباركتلي وكعدت تعلم بيه
فتره حملي الكل اهتم بيه وداروني مخلون الزم شي
واروح للدوام وارجع...
يتبع
وهذا،بارت واريد تعليقاتكم حتى اكمل
سووولي واهس
