١٢
فرح... ليش؟؟
الحجيه. . انجبر واخذهه كلنه بلجن االله فتره
ويتعود عليه لجن مافاد شي حجيت ردت مارضه
وكلت بلجن لو خلف يستعدل ويرتاح..لجن نفس الشي
مهموم وتعبان حيل.ماعندة حظ..
وقبل جيتج حجيت وي الشيخ وكلتله نزوجه
بلجن الله ويحب مرته ويرتاح لجن هو مارضه
وكال ماريد.وهسه انتي اجيتي ومبينه خوش بنيه
بلجن تساعدينه ويطلع من هالهم والعقدة الهو بيه
فرح... زين هو ليش هيج معقد شنو السبب؟؟؟
الحجيه .. ايييه يبنيتي راح يدرس برة مدري
شيسمونه هاي الدول كمريكا مدري ياهي منهن
فرح .. ههه امريكا.
الحجيه .يي شمدريني وراح هناك واتعجب بوحدة
وحباهه وازوجهه لجن الخاينه خانته وي صاحبه
ومن يومهه عيل وكال ماريد ولاوحدة بحياتي
وبعديين ابوه زوجه زينب .وتعرفين الباقي
فرح ... زين واني شنو المطلوب مني؟؟؟
الحجيه . مامطلوب يبييبي بس اريد منج
تحاولين اتطلعينه من حالته يبنيتي بلجن الله
ويصير زين منة عيني اشوف هالولد مرتاح ويضحج
كبل لاموت
فرح. عمرج طويل حجيه وبستهه براسه
الحجيه ..يبعد كلبي يبنيتي فتحي ذيج البوفيه
وانطيني دواي وكلاص ماي
فرح .. صار انطيته علاجه ونامت طلعت رحت لغرفتي كمت افكر بكلامهه ...هففف واني شكوو بيه
بس خطيه اكول ليش هيج ولد مرتب وحلو وهيج معقد
طلعت هاي السالفه...
مر اليوم عادي....يوم ويومين وثلاث وعشر
ماكو شي جديد بس زينب وامهه يتامرن عليه
لويذبن حجي ويسون سوالف واني مغلسه عنهن.
مرات اسمع صراخ ايهاب وزينب بالليل ويطلع
من الغرفه واكثر المرات الكاه نايم يم الحجية
لو بالاستقبال. .
مرة من المرات اني بغرفتي اتفرج تلفزيون.
وسمعت صياحهم وين وصل..الظاهر هالمرة
عركه قوية.. شوي شوي وعلة الصياح
وكامت تصيح وتبجي طلعت من غرفتي
والكل اجه التمو ع الباب واجه الشيخ
كسر الباب عليهم وطلع ايهاب...
الشيخ... شبيكم شصاير صياحكم وين واصل
ايهاب.. ختوولي تستاهل مو مؤدبه
الشيخ... شنووو يوميه متعاركين ماتفضونه
ايهاب.. يابه متحترم ولاعدهه احساس ولا جن
اني زوجهه
الشيخ. هااا زينب شبيج
زينب.... ..... تبجي
الشيخ... كل واحد يروح ع غرفته يالله.
وانت ايهاب وزينب طبوو للغرفه اريد
احجي وياكم ..
فرح. طبيت لغرفتي وسديته وكعدت ع المسلسل
نص ساعه واندكت الباب.
فرح... منوو
ايهاب... اني وابوي فتحي
فرح. خليت الشال ع راسي وفتحت الباب.
اتفضلو.
الشيخ.. شلونج بنيتي.
فرح الحمدلله استريحو.كعدووو وايهاب مدنك
والشيخ يفر بسبحته....يييي فرح شلونج
انتي وايهاب.
فرح.... الحمدلله زينين ودنكت
الشيخ... متاكدة. يعني مابينكم شي.
فرح... متاكدة.
الشيخ.... فررررررح وخزرني.
فرح... نعم عمي
الشيخ.. ايهاب. ينام هنا يمج لولا.
فرح. رفعت راسي واعاين ع ايهاب مدنك
..يييي
الشيخ.... فرررررح ماحب اليجذب عليه
فرح... شنووو
الشيخ... ليش بنتي اني موكلتلج اعتبريني
ابوج وسولفيلي ع مشاكلج. ليش ماكلتيلي
فرح. شكووول.
الشيخ.... انتي وايهاب. ليش هسه اله عرفت
انو انتو كل واحد بناحيه.......
فرح. باوعت ل ايهاب وهو باوعلي....
