بارت 28
انتظرت تجي سيارة واحس كلبي يرررجف ورجليه يوجعني
شوي واوكع وكفت اول سيارة حجيت وياه من شافني خله وطلع مقبل ياخذني
فتحت عباتي كلت بلكي من يشوفوني حامل يرف كلبهم عليه. لشوي واجت سيارة سايبه وكف عاينت
يعني شاب يطلع عمره ب 35 وفوك
من شاف حالتي نزل يركض عليه
خيررر خوية خيررر سالمين شبيج
فرح .فدوه اروحلك خوووية الله يخليك طلعني منا وشتريد انطيك
سالم.... صارر خوية اصعدي بس فهميني شبيج شنو وضعج
صعدت وياه واني دموعي تجري ابد مسكتن عاينت من بعيد ع القصررر كلت ايي هاي اخر مره اشوفك اخر مرة حشتاق اله وللك
مشه الولد واني بس ابجي وهوو بقه ساكت انتظرني اسكت انطاني مي جان مخلي ترمز بارد يمه شرربت وغسلت وجهي
سالم... خير اخيتي شبيج سولفيلي بلكي اساعدج
وين تردين اوديج
فرح...اريد اروح لبغداد لاهلي بس ماندل وين صايرين بالضبط اهم شي وصلني للكراج وشوفلي سيارة تاخذني الله يخليك
اني اصلا حتى فلوس معندي شلون ادبره مدري
سالم... دكوليلي شصاير وياج بلكي اكدر اساعدج
بقيت ابجي وسولفتله كلشي صار وياي من اول يوم عرفت بيه عمر
والعباس ابو فاظل هاي سالفتي مجذبت بحرف
سالم.. الله واكبر الله واكبر
شنو هاي بني ادم شجاهم ليش هيج عالظلم
وهسه شسوين خوية
فرح... كل الي ارريدة اوصل لاهلي سالمه اني وطفلي وبس
ساالم. انتي حافظه رقم لاهلج
فرح... هاا،اييي حافظه
(جنت،حافظه رقم نوور.وامي)
سالم خووش ويابه اني من هسه اكلج رح اخذج واوصلج لاهلج اسلمج بيدهم بعد شتردين
فرح.. فدوة،اروحلك والله مانسه فضلك طول عمري
سالم ... صدك جذب تره لو خليت قلبت
شوفي خوية هسه اني رح امر لبيتي لان حتى مستمسكاتي ما ماخذهن وياي امر ع السريع اجيبهن واجيب فلوس واجي زين اخيتي
بيته جان بمنطقه بعيدة شوي عن منطقتنه بس بطريقنه
فرح.. ماشي خوية فدوة لطولك..
ركن سيارته مقابيل بيته .. مبين حالته زينه بيتهم حلو وجبير .. اتاخر ربع ساعه واني خايفه عبالك احد يجي ويشوفني.. لشوي اجه وبيده علاكه صعد بالسيارة
سالم خو ماتاخرت عليج
فرح.. لا عيني عادي
سالم .. خوية جبتلج هاي اللفه خاف جوعانه عذريني دورت بالثلاجة مالكيت شي جاهز للاكل
فرح. لاخوية تسلم والله ماشتهي
سالم ... خوية انتي حامل مايصير دهاج اكليهه ولاتستحين
نطاني اللفه بيهه جبن وشوي مربى اكلتهه ...
بقه يمشي الطريق طويل واني تعبانه حيل...
وكفتنه السيطرة عاينو علية كالولة منو هاي
سالم. هاي زوجتي.
الشرطي... انطيني جنسيتج
سالم. ماشايلتهه.... طلعلهم باج بس شافه الولد اعتذر منه وطلعنه....
فرح..... شلون خليته يسكت
سالم ههه اني شرطي بالرد السريع
فرك.. اهااا ربي يوفقك
سالم. اشكرج
بقيت الطرييق كله بس ابجي واذكر ايهاب وحبة ودلالة
ومخابرت اهلي حتى ميبقه بالهم كلت لو وصلت بغداد اخابرهم.
نايمه وفزيت وطلع الصبح
