بارت ١٣
وبلشت مؤامرات وخطط زينب عليه
طول هالفتره اني مجنبته وماحتك بيهه
وهيه اول فتره ماله دخل بيه. بس كامت تغار
بهالفتره القصيره الكل كام يحبني الحجيه دائما
تسال عليه وتدز عليه وام ايهاب تحبني وتشتريلي
وتنطيني مصرف والولد هم يحبوني وسوالف وضحك
يوميه احد يجي يشوف اذا محتاجه.
والجهال اتعلقوو بيه حتى ورد صارت تحبني
وتجي يوميه يمي تلعب ... واني معتنيه بنفسي
لبسي ومكياجي خفيف بس حلو والبس ذهبي
متعجبات يوميه البس شكل
وعلاقتي بيهم كولهم زينه يحبوني لان اضحك
واونسهم واسولف عليهم صارو يحبون كعدتي
اله زينب وامهه يضوجون مني
وجنت دوم خايفه منهم خاف يسوون شي
مو همه يخوفون لا بس اخاف من المشاكل
واني ماعرف شنو مصيري..
وهالفتره ام حسين غابت كم يوم .سالت عليهه
كالوو ابو حسين تعبان ..ف رحت للشيخ
وطلبت منه اروح الهه مانسه وكفتهه وياي
وافق الشيخ ومحجه شي... اخذت ابن سعاد
عمره تقريبا ١٤ سنه اخذت وياي كم فلس
ووصيت مهدي ابن سعاد جاب
فواكه وخضروات الهم ورحت... لكيت الباب مفتوح
ومحد موجودة صحت خاله وطلعت
فرحت من شافتني..
ام حسين.. هلا يبعد كلبي شلونج
فرح.. الحمدلله شلونج انتي ابوحسين شلون صار
ام حسين... الحمدلله حبيبتي زينه يااا يخاله
ليش مكلفه نفسج والله الشيخ مامقصر
فرح.. لا كلافه ولاشي وهذني مني مو من الشيخ
كعدت يمهه شوية وسولفنه ورحت خاف اتاخر.
انطيت فلوس ل مهدي ودخلت للبيت كبل
ع المطبخ....لان بيه ممر يدخل لو للمطبخ
لو للصاله ف النسوان يدخلن ع المطبخ افضل
زينب.... يييه هاي النسوان دايحه بهالظهاري
الله يعلم وين يرحن وين يردن
نهله.... زينب عيب عليج شنو هالحجي
فرح.... نهله حبببتي ماكو داعي تحجين
اني هم عندي لسان وارد عليه زين هم
بس خليهه مانزل لمستواهه
زينب .. اوييي عيني وشبي مستواي
يشرفج ع الاقل اني بنت شيوخ بنت اصل
وفصل.مو جاي من الشوارع
نهله.... يااا زينب شبيج خيه كافي
فرح....احترمي نفسج لشوفيني
ساكته وعبالج معندي لسان تره اذا حجيت
اخليج متعرفين راسج من ساسج
بس محترمه الناس الي الهم احترام
زينب . شنو قصدج احنه مو محترمين هااا
فرح . .واالله شلون متحسبيه حسبيهه..
عامل الجاهل بالتجاهل..
وصعدت فوك عفته تدردم وتحجي.
حتى منزلت ع الغدة.
للظهر ونزلت رحت المطبخ لكيت ايهاب
يغسل...
فرح.. مرحبا.
ايهاب... اهلا....ليش ماتغديتي (هو ومدنك)
فرح... ماشتهي...
ايهاب... براحتج
فرح .. اني جنت واكفه يم الكاونتر وهوو يم السنك
وداير وجهه بدون ميشوفني
دار عليه راد يروح وانصدم بيه
انضرب متني ب صدره . .
ايهاب... الله الله .. اسف مادري بيج
فرح.. واني هم اسفه.
صارت عيني بعينه وعاكد حاجبه ويباوع عليه
اول مره هيج اقترب منه... بعدين وخر وراح
صعد لغرفته....
شبيه اني شووو كلبي يرجف من اشوفه
يمةةة نظرته شكد تخوف وحادة بس احبهه
هااا ولج حبيتي هههه ..... هو بيه شي مينحب
بقيت اسولف هيج وي نفسي....
بمرور الايام صرت احبه واتاكدت من نفسي
بس مكدرت احجي وهو اصلا باله مووياي..
مر كم يوم وصادف حيصير عيد الاضحى
وهمه مخبوصين يحظرون
واحنه هم نجهز ونحظر الشيخ كل عيد
يسوي خمس ذبايح.... وهمه تجيهم ناس
والتهيت وياهم بالتحظيرات تعب
والبيت جبير حيل اذب روحي من التعب
وانام حتى انام بلا اكل
وبليله ااعيد الكل ملتم يم الحجيه تسوي
حنه للبنات وتخليلهم هيج عادات عدهم
واني تلعب نفسي من الحنه ومن ريحتهه
الحجيه... يالله فريحه يمه ماتخلين
فرح... لا بيبي ماحبه
الحجيه.. يا مايصير انتي عروس وهذا
عيد لازم تخلين
فرح .. بيبي واالله تلعب نفسي منهه
ام زينب.... خليهه حجيه. هيه هاي مال هيج
سوالف.. انطيهه غير شي تكيف
فرح .. شنو قصدج
الحجيه .... سكتن يالله كومن شوفن شغلجن
امشششن اخذن جهالجن وروحن داخ راسي
فرح.. الكل كام واني كمت وصاحت عليه
الحجيه... فريحه ابقي يمه
فرح .صار بيبي.
الحجيه ... شوفي هذا دهن للشعر مال اعشاب
يخبل يسوي الشعر فردي شعري وخليلي منه
ومشطي
فرح... صار بيبي انطيني
الحجيه.. وانتي دوم لافه شعرج مايصير يحبوبه
فتحي بلجن اشوفه
فرح... ههههه يي تدللين...فتحت شعري
الحجيه.. صلوات ع محمد يخبل يحبوبه
شعرج.. خليله من هذا كلش زين
فرح... اذا بيه ريحه مطيبه ماريدة
الحجيه.. لاريحته تخبل
فرح. .فتحت شعري وخليتله منه
وبقيت امشط للحجيه.. وشوي
ودخل ايهاب. علينه...
هوو اتفاجئه واني استحيت ول مره يشوف شعري
ردت المه والحجيه ماقبلت كالت مايصير لازم ينشف
ههه عرفت سوالفه حجيه ومتكعد راحه حتى ايهاب
ابتسم...
بقيت هيج امشط الهه وايهاب كاعد كبالي
حسيت ايدي ترجف من الخجل
كل شوي ارفع عيني عليه وهو هم نفس الشي
بعدين خلصت ... ها بيبي اني خلصت
حروح تصبحي ع خير
وطلعت ركض
تكمله بارت ١٣
ايهاب...
هالفتره هااي مرت عادية بالنسبه
الي مابيهه شي جديد..اروح للشغل طبعاا
اني عندي شهادة بس اكيد باقيه واريد اكمل دراسات
بس اخلص من الشغل الي موكلني الوالد عليه
يعني عقارات وقطع الوالد يبيع ويشتري
من جان جدي الله يرحمه عندة وهسه الوالد
ف موكلني اني واخواني ومكابلين حلاله
وعدنه مكتب عقارات ب الولاية
ف اكثر وقتي اكضي بالشغل
احس حياتي ناقصهه شي جبير كلش
وماعرف شلون املي هالشي
اطلع واكل واشرب واضحك واسولف
بس ناقصني فد شي ماعرف شنو هوو
من ارجع من الشغل ك العادة اروح للحجيه
ويم زينب ماكو شي جديد نفس الشي
عديمه الاحساس ملتهيه بنفسه وبس
معليهه بيه ..وشكد جانت تلبس وتخلي مكياج
بس ولامره جذبتني الهه....
كمت اشوف فرح بالصدفه .. صح ممهتم بيه
اصلا بالي مويمهه بس احجي الحق
البنيه كلشي بيه حلو جسمه طوله
شكلهه نازك. وطويله طوووله حلوو
دائما اكوول البنيه الطويله اله
جاذبيه خاصه بكلشي بلبسهه
ومشيتهه عكس زينب زينب قصيره
يعني طول فرح حلووو موحيل طويله
احب هيج شخصيه .. .
المهم ف مره لكيته يم الحجيه فاتحه شعرهه
انبهرت بشعرهه حيل..
جذبني بس نفس الشي بقيت
ماحركت بيه شي ... ومره انضربت بيهه
بالخطا... اول مره هيج تكون قريبه
واول مره اشوف جمالهه كل هالقرب...
بس وخرت عنهه ماريد اوكع رووحي
مره ثانيه ولاريد اتعلق ب شخص.
احسن .....اعترف يوم عن يوم تعجبني
تصرفاته وكلامهه بس كلبي مارف الهه
واصلا اني ماخلي يرففف.....
الي شفته من جنس حواء مو شويه
خلاني اكرهم كره الموت..لو بيدي
اطلك زينب واحرر نفسي
بس الوالد كاسر ظهري... قدملي
كلشي ردته اني واخواني وماقصر ويانه
بشي... ماريد اخيب ظنه ...هذا الي لازمني
فرح.رجعت لغرفتي حاولت انام بس مكدرت
اجتني نهله.... دكت الباب ودخلت
نهله... ها فرح كلت اكيد كاعدة
فرح.. يي كاعدة تعالي
نهله.... شنو شوكت تنامين (تضحك )
فرح..بنظره استغراب... هسه شوي وانام
ههه شبيج اضحكين ضحكيني.
نهله.. هههه ولج اوووف يلساني
فرح... شبيج يختي ههههه
نهله ... شوفي كبل جنت اقشمر الجهال
اكوولهم نامو حتى يصير الصبح بسرعه
ويجي العيد هههه ....
فرح... ههههه ييي
نهله ... هسه انتي نامي بسرعه حتى يجي
الصبح. مسويلج مفاجئه
فرح... مفاجئه.... شنووو شيصبرني للصبح
كوولي نهولة فدوة
نهله .. هههه لا لا لا بس اني المفروض ماكلج..بس
كلت خطيه خل تنام الليله وهي فرحانه
فرح... اصلا مارح افرح بالعكس اضل افكر
دكولي يختي
نهله.. هه لا حبيبه نامي وللصبح تشوفين
تصبحين ع خير
فرح... ممممم اوك وانتي بخير.
بقيت افكر شنووو المفاجئه معقولة
تخص ايهاب... شيصبرني
بعد التفكير الطويل نمت..
وكعدت من وقت كمت غسلت احتاريت شنو البس
واجتني نهله...
نهله... تعالي بسرعه.. يا خايبه نسيت عيدج مبارك
فرح.. شبيج يختي كل عام وانتي بخير ممح مممح
نهله.. امشي وياي وبعدين بدلي
فرح. شكوو شنو ع الاقل خل ابدل
نهله .بعدين
جرتني من ايدي واخذتني بس لبست شال...
ودخلتني للاستقبال....
وهنا جانت الصدمه... كلبي راااد يوكف
ودمووعي نزلت .. الكل واكف ايهاب والشيخ
وام حسين .... عبالك بحلم. ماريد
افز منه ياااارب
يتبع
